Арест, фото из архива

Əl-Qaidənin girov götürdüyü jurnalist azadlığa buraxıldı

42
(Yenilənib 15:29 24.10.2018)
Suga jurnalistin həyat yoldaşına da məlumat verildiyini qeyd edib

BAKI, 24 oktyabr — Sputnik. Yaponiya 3 il əvvəl Suriyada girov götürülən jurnalist Jumpei Yasudanın sərbəst buraxıldığı barədə məlumat verib.

Sputnik Azərbaycan xarici mətbuata istinadla xəbər verir ki, hökümət sözçüsü Yoshihide Suga təşkil etdiyi mətbuat konfransında bildirib. O, qeyd edib ki, Qətərli mənbələrdən aldığı məlumata görə, 3 il əvvəl Əl-Qaidə terror təşkilatı tərəfindən girov götürülən jurnalist Jumpei Yasudaya bənzəyən bir nəfər Türkiyənin Antakya bölgəsində miqrasiya bürosundadır. 

Azad buraxılan şəxsin jurnalist Yasuda olduğunu müəyyən etmək üçün tədbirlər görüldüyünü deyən Suga bildirib ki, əldə olan məlumatlara görə, həmin şəxsin Yasuda olduğu ehtimalı böyükdür.

Suga jurnalistin həyat yoldaşına da məlumat verildiyini qeyd edib.

Xatırladaq ki, Ə-Qaidə Yapon jurnalisti azad buraxmaq üçün 10 milyon dollar pul istəmiş və Yaponya bu təklifi rədd etmişdi.

44 yaşlı Yasuda 2015-ci ildə Türkiyədən keçərək Suriyaya daxil olmuş və Əl–Qaidə tərəfindən girov götürülmüşdü.

42
Teqlər:
Əl-Qaidə, jurnalist, girov
Əlaqədar
Türkiyədə fərari əsgər insanları girov götürdü - VİDEO
Terror dəhşəti: İŞİD 700 nəfəri girov götürdü
Almaniya polisi girov götürən şəxsi güllələdi
Almaniyada naməlum şəxs insanları girov götürüb
Silahlı şəxs 3 veteranı girov götürüb
Sputnik-in əməkdaşı girov götürülüb
Qafqazlı milyarderdən 5 milyon avro girov tələb olunur
Bacısını girov qoyub pul qazanmaq istədi, alınmadı
Bıçaqlı şəxs bağçada uşaqları girov götürdü
Britaniyada silahlı şəxs bir neçə nəfəri girov götürüb
Londonda küçələrin birində, arxiv şəkli

Min illərin sirli qətlinin üstü açıldı

5
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

5
Şokolad

Gündə 25 qramı sizi xoşbəxt edə bilər

6
(Yenilənib 00:04 12.07.2020)
Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir.

BAKI, 12 iyul — Sputnik. Moskva sağlamlıq departamentinin dietoloqu Antonina Starodubova gün ərzində 15-25 qram şokolad yeməyi məsləhət görüb. 

Sputnik Azərbaycan xarici mətbuata istinadla xəbər verir ki, onun fikrincə, bu miqdarda şirniyyat təhlükəsiz və faydalıdır.

Starodubova qeyd edib ki, 25 qram şokolad bir plitka şokoladın təxminən 4/1-nə bərabərdir. Səhərlər acı və tünd şokolad yemək sağlamlıq üçün faydalıdır.

Onun sözlərinə görə, bu məsləhət sağlam insanlar üçündür. Xroniki xəstəliyi olan şəxslər həkimlə məsləhətləşməlidir.

"Tərkibində yüksək miqdarda kakao paxlası (70 faizdən az olmayan) və nisbətən aşağı şəkər (25 faizdən çox olmayan) şokolad növləri faydalı hesab olunur ki, bu da acı sortlara və bəzi tünd şokolad növlərinə uyğundur. Müxtəlif dolğuları olan şokoladlar isə desert növlərinə aiddir" – deyə dietoloq vurğulayıb.

Desert şokoladın kalori miqdarı əlavələr səbəbindən artır, ancaq qoz-fındıq qarışığı olan tünd şokolad istisnadır. Belə şokoladlar bitki zülalı, lif, vitaminlər, minerallar və doymamış yağ turşuları mənbəyi hesab edilir.

Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir. Şokolad yaddaşı yaxşılaşdırır, konsentrasiyanı və mürəkkəb problemləri həll etmək qabiliyyətini artırır.

6