Kiyev şəhərindəki Səməd Vurğun adına kitabxanada Məmməd Arazın 85 illik yubileyinə həsr olunmuş yaradıcılıq gecəsi

Məmməd Araz Kiyevdə anıldı

38
(Yenilənib 20:46 19.10.2018)
Kiyev şəhərindəki Səməd Vurğun adına kitabxanada görkəmli Azərbaycan şairi Məmməd Arazın 85 illik yubileyinə həsr olunmuş yaradıcılıq gecəsi keçirilib

BAKI, 19 oktyabr — Sputnik. Oktyabrın 18-də Kiyev şəhərindəki Səməd Vurğun adına kitabxanada görkəmli Azərbaycan şairi, publisisti və tərcüməçisi Məmməd Arazın 85 illik yubileyinə həsr olunmuş yaradıcılıq gecəsi keçirilib. Gecənin təşkilatçısı Marina Qonçaruk olub. Tədbir Azərbaycan Respublikası Diasporla iş üzrə Dövlət Komitəsinin dəstəyi ilə həyata keçirilib.

Tədbirin tərəfdaşları Ukrayna Milli Yazıçılar İttifaqının Kiyev təşkilatı, İslam Mədəniyyət Mərkəzi, Boris Oleynik adına Ukrayna Mədəniyyət Fondu və "Sammit-kniq" nəşriyyatı olub.

Yaradıcılıq gecəsində tanınmış yazarlar, tərcüməçilər, professorlar, ictimai xadimlər, diaspor təşkilatlarının nümayəndələri, ukraynalı və azərbaycanlı gənclər, Azərbaycanın Ukraynadakı səfiri Azər Xudiyev iştirak edib.

Kiyev şəhərindəki Səməd Vurğun adına kitabxanada Məmməd Arazın 85 illik yubileyinə həsr olunmuş yaradıcılıq gecəsi
© Foto təşkilatçılar tərəfindən təqdim olunub
Kiyev şəhərindəki Səməd Vurğun adına kitabxanada Məmməd Arazın 85 illik yubileyinə həsr olunmuş yaradıcılıq gecəsi

"Mən çox şadam ki, bu gün — Azərbaycanın Dövlət Müstəqilliyi Günündə, Ukrayna Milli Yazıçılar İttifaqının Kiyev təşkilatı və Səməd Vurğun adına kitabxana ilə birlikdə ukraynalılara Azərbaycan xalqının zəngin mədəni və ədəbi irsi haqqında danışırıq. Ukraynadakı Azərbaycan diasporunun nümayəndələri isə öz doğma mədəniyyətlərinə həsr olunmuş tədbirə gəlmək imkanı əldə ediblər. Hərtərəfli dəstəyə görə, Azərbaycan Respublikası Diasporla iş üzrə Dövlət Komitəsinə təşəkkür etmək istəyirəm ki, Azərbaycan mədəniyyətinin Ukraynada populyarlaşması üçün əlindən gələn hər şeyi edir, Azərbaycan diasporunu birləşdirən və ukraynalı azərbaycanlılar arasında mədəni əlaqələri möhkəmləndirən tədbirlər təşkil edir" — deyə Marina Qonçaruk bildirib.

Yaradıcılıq gecəsində Ukraynanın xalq artisti Boris Loboda Məmməd Arazın şeirlərini səsləndirib. Bundan əlavə şairin şeirləri Ukraynanın xalq çalğı aləti olan "sopilka"nın müşayiəti ilə ifa edilib. Məmməd Arazın şeirlərini həmçinin azərbaycanlı şair Şəhriyar Del Gerani, şairin şəxsi tanışı olan jurnalist Əbülfəz Qasımov, Kiyev poeziya festivalının finalçıları, eləcə də Səfai Naibovun rəhbərliyi altında fəaliyyət göstərən xüsusi Azərbaycan məktəbinin şagirdləri oxuyublar. Qonaqlar üçün Ukraynada yaşayan istedadlı azərbaycanlı uşaqların təmsil olunduğu "Lezginka" şou-baleti də xüsusi rəqs nömrəsi ilə çıxış edib.

Tədbirin aparıcısı Ukraynanın tanınmış şairi Vano Kryuger olub.

Səməd Vurğun adına kitabxananın Səbail Mərkəzi kitabxanasından olan dostlarının hazırladığı Məmməd Araza həsr olunmuş sənədli video və fotolar də yaradıcılıq gecəsində nümayiş etdirilib.

38
Teqlər:
Azərbaycan Respublikası Diasporla iş üzrə Dövlət Komitəsi, Məmməd Araz, şeir, şair, yubiley, Kiyev
Moskvada RT telekanalının ofisi, arxiv şəkli

Telekanala qadağa: Qərb Rusiyaya qarşı necə işləməyi unudub

1
(Yenilənib 19:49 10.07.2020)
"Aydındır ki, RT-nin yayımının qadağan edilməsi siyasi qərardır. Amma həqiqətənmi onu hüquqi baxımdan daha "aydın" motivlə izah etmək mümkün deyildi?"

BAKI, 10 iyul — Sputnik, İrina Alksnis. Litva öz ərazisində RT-nin beş telekanalının yayımını qadağan edib. Bu, Latviya hakimiyyətinin analoji addımı atmasından bir həftə sonra baş verib. Növbədə isə Estoniyadır – ölkənin xarici işlər naziri eyni qərarın mümkünlüyünü istisna etməyib.

Bu üç "Baltika pələngi"nin ənənəvi anti-Rusiya konsensusunu və məhz Estoniya hakimiyyətinin Sputnik agentliyinin respublikada iş üçün əngəl yaratmaqda daha çox fəallıq nümayiş etdirdiyini nəzərə alsaq, Tallinin bu məsələdə fərqli mövqe tutacağı ehtimalı böyük deyil. Məlum olduğu kimi, Estoniyada arzu edilən nəticəni əldə etmək üçün əməkdaşlar cinayət məsuliyyəti ilə təhdid edilərək açıq şəkildə böhtanlara məruz qalıblar.

Lakin bu məsələdə ən maraqlı məqam Vilnüsün qərarının rəsmi əsaslandırılmasıdır. İddiaya görə, RT Qərbin sanksiyaları altında olan Dmitri Kiselyovun nəzarətindədir və bu, "onun" mediaresursuna qarşı tədbirlərin görülməsinə səbəb olub.

Məsələ heç bu bəyanatın həqiqətə uyğun olmamasında deyil. Litva hakimiyyətinin bu iddiasına cavab şərhlərində ona xatırladıblar ki, RT-nin ümumiyyətlə Dmitri Kiselyovun rəhbərlik etdiyi "Rossiya Seqodnya" beynəlxalq informasiya agentliyinin (BİA) strukturuna aidiyyəti yoxdur.

Düz bir həftə əvvəl, Latviya Milli Mətbuat Şurası RT-nin yayımının qadağan olunmasını onun telekanallarının Dmitri Kiselyovun "faktiki idarəsi və təkbaşına nəzarəti altında olması" ilə izah edib. Bundan sonra Rusiya Xarici İşlər Nazirliyi Latviya rəsmi qurumlarının məsələyə belə bir əsaslandırma gətirməsini qınayıb.

Həmin vaxt baş verənləri konkret icraçıların səhvi ilə izah etmək mümkün olardı: heç bir sistem səriştəsiz işçilərdən sığortalanmayıb. Ancaq Litvada eyni vəziyyətin təkrarlanması birmənalı şəkildə göstərir: heç bir təsadüfi səhv olmayıb və yoxdur.

Aydındır ki, RT-nin yayımının qadağan edilməsi siyasi qərardır. Amma həqiqətənmi onu hüquqi baxımdan daha "aydın" motivlə izah etmək mümkün deyildi? Əlbəttə, mümkün idi. Amma bunun üçün daha çox səy göstərmək, əziyyət çəkmək, qanunvericilikdə boşluqlar axtarmaq lazım olardı.

Nə vaxtsa məhz bu xüsusiyyət – qəbul edilən qərarların heç olmasa xarici qüsursuzluğunu təmin etmək üçün hüquqi baxımdan mürəkkəblik – Qərb demokratiyasının ən mühüm kartlarından biri idi. Bu, formal prosedurlara əməl olunmasına vaxt xərcləməyə meylli olmayan digər siyasi sistemlərin fonunda son dərəcə uğurlu görünürdü.

Ancaq o vaxtdan bəri çox şey dəyişib. RT-nin yayımına qadağa qoyulması məsələsində Baltikyanı respublikalar son illər tamamilə fərqli və daha güclü dövlətlər tərəfindən qoyulmuş bir yolla gedirlər.

Amerikalılar üçün içində naməlum toz olan sınaq şüşəsini göstərmək İraqın işğalını beynəlxalq ictimaiyyət qarşısında əsaslandırmaq üçün bəs etdi və həqiqət axtarışı lazım olmadı. Britaniyalılar Skripalların zəhərlənməsi ətrafında möhtəşəm şou nümayiş etdirdilər və onları bu məsələdəki boşluqlar qətiyyən narahat etmədi.

Belə hallar yalnız Rusiyaya qarşı deyil, hətta Çin, İran, Venesuela və digər ölkələrlə bağlı o qədər olub ki, onlar artıq nadir istisnalardan adi hala çevrilib. Bu fonda Litva və Latviya hakimiyyətlərinin RT-nin yayımına qadağa qoyması məsələsində mövqeyi tamamilə təbii görünür: əgər əsassız iddianı rəsmi mövqe kimi təqdim etmək mümkündürsə, onda özünü niyə yorasan?

Bu məsələdə hətta məntiq də var: anti-Rusiya baxışları olan tamaşaçını "Kiselyovun RT-yə nəzarət etməsi" iddiası qane edir. Qərb artıq Rusiyaya və ona simpatiyası olanlara qarşı resurslarını xərcləməyin mənasını görmür. Yəqin ki, onları inandırmaq və öz tərəfinə çəkmək vəzifəsinin uğursuz olduğunu görür.

Bu yanaşma Qərbin informasiya, siyasi, ideoloji və hətta mənəvi inhisarından irəli gəlir. Məhz buna görə də Qərb müəyyən məqamda öz siyasətini – həm ümumi, həm də rəqiblərinə münasibətdə – diqqətlə və yüksək peşəkarlıqla hazırlamağı lazım bilməyib. Nəticədə, özü bu inhisarın necə itirildiyini hiss etməyib.

İndi isə vəziyyət yeni mərhələyə qədəm qoyub. İndi həmin qüvvələr keyfiyyətli işləməyin və ciddi səylər göstərməyin mənasını görmürlər, çünki rəqibi onsuz da inandırmaq mümkün deyil.

Təəccüblüdür ki, onlar bu cür peşəkar, daha doğrusu, qeyri-peşəkar yanaşmanın Rusiya üzərində ideoloji və geosiyasi qələbəyə gətirib çıxaracağını düşünürlər.

1
 Xəstəxana, arxiv şəkli

Baldızını elə silahla vurdu ki, heç kim baş aça bilmədi

4
(Yenilənib 19:07 10.07.2020)
Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

BAKI, 10 iyul — Sputnik. İyulun 09-da saat 21 radələrində Sumqayıt şəhəri, H.Z.Tağıyev qəsəbəsi ərazisində 1986-cı il təvəllüdlü Ramilə Quliyevaya yaşadığı evdə çoxsaylı xəsarətlər yetirilməsi barədə daxil olan məlumat əsasında dərhal prokurorluq və polis əməkdaşları tərəfindən hadisə yerinə baxış keçirilib.

Sputnik Azərbaycan Sumqayıt Prokurorluğunun məlumatına istinadla xəbər verir ki, araşdırmalarla Sumqayıt şəhər sakini, 1988-ci il təvəllüdlü Anar Əlizadənin baldızı, 1986-cı il təvəllüdlü Ramilə Quliyevaya hazırda istintaqa məlum olmayan kəsici-deşici alətlə aralarında yaranmış mübahisə zamanı xəsarətlər yetirməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlayıb, müvafiq ekspertizalar təyin edilib.

İş üzrə hadisənin şahidləri müəyyənləşdirilərək dindirilib, o cümlədən digər təxirəsalınmaz istintaq hərəkətləri həyata keçirilib.

Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

4
Əlaqədar
On altı yaşlı yeniyetmə 23 yaşlı gənci qətlə yetirib
Qəbələdəki qardaş qətlinin bəzi təfərrüatı bəlli oldu
Füzulidə qətl - 27 yaşlı gənci bıçaqlayıb öldürdülər
Rusiyada qətlə yetirilən azərbaycanlı tələbənin qatili saxlanıldı
Bıçağı təqdim edərək, qətli etiraf etdi...