Məhbus, arxiv şəkli

İçdi, sonra tanışının maşınını qaçırdı Keçmiş məhbus yenidən yuvasına qayıdacaq

26
(Yenilənib 20:45 19.10.2018)
Sərxoş vəziyyətdə olan kişi tanışının avtomobilini oğurlayıb və polis ona mane olana qədər kef eləyib

Ramella İbrahimxəlilova, Sputnik Azərbaycan

BAKI, 19 oktyabr — Sputnik. İçib, oğurlayıb və həbsxanaya düşüb. Polis əməkdaşları Bakıda “Mercedes” qaçıran kişini tutublar. Bu barədə Sputnik Azərbaycan-a Nizami rayon Polis İdarəsindən məlumat verilib.

Nizami RPİ-nin 25-ci polis bölməsinin əməkdaşları kişini oğurladığı 90 HM 25 dövlət nömrə nişanlı “Mercedes” markalı avtomobillə birlikdə 18 oktyabr saat 18:30-da Tbilisi prospektində, 27 saylı yaşayış binasının qarşısında saxlayıblar.

Məlum olub ki, saxlanılan şəxs əvvəllər oğurluq üstündə AR Cinayət Məcəlləsinin 177-ci maddəsi ilə məhkum olmuş Bakı sakini, 1987-ci il təvəllüdlü Ağacanov Roman Oruc oğludur.

Araşdırma zamanı məlum olub ki, Ağacanovun oğurladığı avtomobil onun tanışı, 1964-cü il təvəllüdlü Həsənov Yunis Şəmistan oğluna məxsusdur. Ağacanov maşını oğurlayarkən sərxoş vəziyyətdə olub. Hadisə oktyabrın 16-da baş verib. Həsənovun maşını Azər Manafov küçəsindəki 23/47 nömrəli yaşayış binasının qarşısından oğurlanıb. Ağacanov oğurluq avtomobildə iki gün gəzib. Lakin Roman Ağacanovun oğurluq maşınla bağlı romantikası cəmi iki gün — polis onu saxlayana qədər çəkib.

26
Teqlər:
Mercedes, sərxoş, oğurluq, içki, məhkum
Əlaqədar
Bakıda məsciddən oğurluq edən şəxs barəsində məlumat yayıldı - RƏSMİ
Yer altında oğurluq baş verdi
Bakıda böyük oğurluq oldu, cinayərkarlar mənzili silib-süpürdülər
Məsciddən oğurluq edənlər ələ keçdilər
Şəhər polisi avtomobillərdən oğurluq edən şəxsləri saxlayıb