Bayılda torpaq sürüşməsi

Azərbaycanda "qaynar nöqtələr" açıqlandı

366
(Yenilənib 17:00 19.10.2018)
Ölkənin bir sıra bölgələrində aktiv sürüşmə prosesi baş verir

BAKI, 19 oktyabr — Sputnik. "Badamdar qəsəbəsində, 20-ci sahə avtomobil yolunun sağ kənarında sürüşmə prosesi davam edir. Bu səbəbdən ərazidə olan 11 ev və 3 obyekt təhlükə altındadır. Eyni zamanda, dünən Zığ şosesində uçqun tipli sürüşmə prosesi baş verib". 

Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov
© Sputnik / Irade JELIL
Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov

Sputnik Azərbaycan xəbər verir ki, bu barədə jurnalistlərə Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov açıqlama verib. O bildirib ki, bu günkü müşahidələrə əsasən sürüşmə bölgəsində çatlar böyüyür.

"Yəni yaşayış evlərinin hasarları istiqamətində artıq yaxınlaşmalar müşahidə olunur. Eyni zamanda, sürüşmə zonasının qərb hissəsində, yəni solunda da yaranmış çatlarda gözlə görüləcək qədər artım müşahidə olunur. Bir sözlə, sürüşmə kütləsi üzərində gərginlik qalmaqdadır" — Ə.Qaralov vurğulayıb.

Onun sözlərinə görə, Zığ sürüşməsi ərazisində, Masazır Zəli gölü ərazisində, Hökməlinin Atyalı deyilən ərazisində (yeni Nübar qəsəbəsi) də aktivlik müşahidə olunur: "Eyin zamanda, Şamaxı-İsmayıllı zonası sürüşməyə məruz qalır. Şamaxının Muğanlı kəndində, Muğanlı-İsmayıllı yolunda, Mədrəsədə, Bakı-Şamaxı yolunun 106-cı kilometrliyində, Bakı-Ağsu yolunun 132 kilometrliyində gərginlik var. Müəyyən yerlərdə uçqun tipli sürüşmə prosesləri gedir".

"Bundan əlavə, İsmayıllı rayonunun Lahıc inzibatı ərazisinə daxil olan Hoydanda iki ay öncə sürüşmə baş verib. Hal-hazırda da bu proses aktivdir. Orada yerləşən yaşayış evlərinin divarlarında çatlar yaranıb. Cənub zonasında — Astara, Yardımlı və Lerikdə, Lerik yolunun bir neçə kilometrliyində də uçma prosesi baş verib" — deyə mütəxəssis əlavə edib.

Nazirlik rəsmisi Bakı buxtasında ilin əvvəlində uçqun tipli sürüşmə prosesinin baş verdiyini də xatırladıb: "Orada 23 yaşayış evində gərginlik var idi. 2 gün öncə bu evlərdən biri — 9 saylı ev uçub, onun yaxınlığında olan iki evdə isə çatlar gözlə görünə biləcək qədər çoxalıb. Həmçinin, Xətai rayonu, Zığ şosesində uçqun prosesi baş verib. Ziğ istiqamətinə gedəndə yolun sağında, yəni dəniz tərəfdə hündürlüyü 6 metr olan 100 metr uzunluğunda istinad divarı tikilib. Asfalt ilə həmin kütlə arasına boş torpaq doldurulub və üzərinə yaşıllıq salınıb".

366
Teqlər:
sürüşmə prosesi, 20-ci sahə, avtomobil yolu, ərazi, Badamdar qəsəbəsi, Əziz Qaralov, Ekologiya və Təbii Sərvətlər Nazirliyi, ev, torpaq
Əlaqədar
Sürüşmə zonasından ümidverici xəbər
Badamdarda sürüşmə fərdi tikililərə doğru irəliləyir
Sürüşmə zonasında yeni uçqunlar qeydə alınıb
Ekoloq: “Badamdardakı sürüşmənin qarşısını almaq olar”
Sürüşmə zonasından son xəbər
Co Bayden, arxiv şəkli

Məşhur müğənnilər Co Baydenin andiçmə mərasimində çıxış edəcəklər

4
(Yenilənib 09:38 16.01.2021)
Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq

BAKI, 16 yanvar — Sputnik. Dünyaca məşhur müğənnilər Cennifer Lopez və Ledi Qaqa ABŞ-ın yeni seçilmiş prezidenti Co Baydenin andiçmə mərasimində çıxış edəcəklər. Bu barədə Sputnik Azərbaycan xarici mətbuata istinadən xəbər verir.

"Bu insanlar böyük xalqımızın bütün müxtəlifliyini təmsil edirlər", - deyə andiçmə komitəsinin nümayəndəsi Toni Allena bildirib.

Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq.

4
Rüşvət

Korrupsiya ilə mübarizə ardıcıl davam etməsə, əlavə problemlər yarana bilər - Ekspert rəyi

7
(Yenilənib 09:43 16.01.2021)
Əliməmməd Nuriyev: "Əgər gəlir deklarasiyaları təqdim olunsa, o zaman vəzifəli şəxslərin hansı yollarla varlanmasını izləmək mümkün olacaq"

Elvin Səlimov, Sputnik Azərbaycan

BAKI, 16 yanvar — Sputnik. "Azərxalça" ASC-nin İdarə heyətinin keçmiş sədri Vidadi Muradovdan sonra ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun keçmiş rəhbəri Vüqar Səfərli korrupsiya ittihamları ilə həbs edilib. Baş Prokurorluğun mətbuata verdiyi açıqlamada hər iki şəxsin səlahiyyət hədlərini aşaraq külli miqdarda dövlət vəsaitini mənimsədiyi bildirilir. "Şəffaflıq Azərbaycan" Korrupsiyaya Qarşı Mübarizə İctimai Birliyinin icraçı direktoru Əliməmməd Nuriyev Sputnik Azərbaycan-a müsahibəsində ölkədə korrupsiyaya qarşı mübarizənin hazırkı vəziyyətini şərh edib.

- Əliməmməd müəllim, il təzə başlayıb və artıq iki vəzifəli şəxs korrupsiya ittihamları ilə həbs olunublar. Dövlət şirkətlərində və onun nəzarətində olan digər strukturlarda korrupsiyaya şərait yaradan hansı amillərdir?

- Artıq korrupsiya ittihamları ilə həbslərin sayını itirmişəm. Bu məsələnin bir neçə tərəfi var ki, əvvəlcə onlara aydınlıq gətirilməlidir. Dövlət şirkətlərində idarəetmə prosesi tamam dəyişməlidir. Dövlət şirkətlərində və onun digər strukturlarında bütün səlahiyyətlərin bir şəxsin əlində cəmlənməsi effektiv nəzarətə imkan vermir. Ümumiyyətlə, gələcək dövrlərdə dövlət şirkətlərinin sayının azaldılması haqqında düşünmək lazımdır. Dövlət şirkətlərində aşkar edilən korrupsiya hallarının müxtəlif səbəbləri var. Korrupsiyaya şərait yaradan hallardan biri neopotizmin mövcudluğudur. Eyni zamanda, dövlət satınalmaları ilə bağlı proseslərin ciddi təftişinə ehtiyac duyulur. Belə satınalma prosesləri bir çox hallarda qanunpozuntuları ilə həyata keçirilir. Açıq tenderlərin keçirilməsinə imkan verilmir. Çox vaxt satınalmalarda həmin şəxslərin yaxın qohumlarına məxsus şirkətlər qalib olurlar.

- Həbs edilən şəxslər haqqında səsləndirilən ittihamlarda göstərilir ki, onlar bir neçə il ərzində rəhbərlik etdikləri strukturları korrupsiya mexanizmi ilə idarə ediblər. Korrupsiya hallarının baş verə bilməməsi üçün hansı tədbirlər görülməlidir?

- Əlbəttə, İqtisadiyyat Nazirliyi tərəfindən bu istiqamətdə tədbirlər görülür. Amma ümumilikdə bu proses ictimai nəzarət tələb edir. Dövlət şirkətlərinin idarəetmə sisteminə ayrı-ayrı qurumların rəhbər vəzifəli şəxsləri cəlb olunurlar ki, bu da şəffaflığa mane olan səbəblərdən biridir. Mən hesab edirəm ki, media nümayəndələri, vətəndaş cəmiyyətinin üzvləri həmin idarə heyətlərinin müşahidə şuralarına cəlb edilməlidirlər. Hesabatlılığın və müstəqil monitorinq nəzarət sisteminin olmaması korrupsiyaya şərait yaradır. Bununla belə, korrupsiya ilə mübarizədə mühüm siyasi iradənin ortada olmasını görürük.

- Ümumiyyətlə, korrupsiya ilə mübarizə necə təşkil edilməldir?

- Vəzifəli şəxslər tərəfindən gəlir deklarasiyası təqdim edilmir. Bununla bağlı məsələlər tamam sükunət halındadır. Əgər gəlir deklarasiyaları təqdim olunsa, o zaman vəzifəli şəxslərin hansı yollarla varlanmasını izləmək mümkün olacaq. Maliyyə və əmlak amnistiyaları ilə bağlı uzun müddətdir müzakirələr aparılır. Bu qərarın verilməsi maliyyə sektoruna əlavə vəsaitlərin daxil olmasına imkan yarada bilər. Dövlətimiz Vətən müharibəsindəki qələbədən sonra böyük quruculuq işlərinə başlayıb. Həmin işlərin həyata keçirilməsi üçün böyük maliyyə vəsaitlərinə ehtiyac var. Ona görə də korrupsiya ilə mübarizəni ardıcıl davam etdirməsək, bu əlavə problemlərə gətirib çıxara bilər.

7