Körpə uşağın peyvənd olunması. Arxiv şəkli

Uşaqların həkimdən qorxma səbəbləri bəlli oldu

72
(Yenilənib 05:22 19.10.2018)
Mütəxəssislər bildirib ki, uşaqların həkimdən qorxma səbəbi bəzən elə valideynlərin özləridir

BAKI, 19 oktyabr — Sputnik. Valideynlər uşaqlarını həkimə aparan zaman həm uşaqlar, həm də valideynlərin özü böyük stress yaşayırlar. Çünki uşaqların əksəriyyəti həkimə getməyi heç də yaxşı qarşılamır.

Sputnik Azərbaycan Rusiya mətbuatına istinadla xəbər verir ki, Miçiqan Universitetinin alimləri uşaqların həkimlərdən qorxma səbəbini araşdırıblar. Onlar bunun üçün 700 valideyn arasında sorğu keçiriblər.

Sara Klark araşdırıb ki, 2-3 yaşlı uşaqların 66 faizi iynədən qorxur, 43 faizi isə tanımadıqları insanlardan qorxaraq ağlayır. 4-5 yaşlı uşaqlar da iynədən qorxur. Bu yaşda olan uşaqların 89 faizi iynədən, 14 faizi isə tanımadıqları insanlardan qorxur.

Qorxmağın başqa bir səbəbi isə daha öncə həkimə gedən zaman uşaqlarda qalan fobiyadır. Uşaq o günü unutmur və həmin hadisənin təkrarlanmasından qorxduğu üçün ağlayır.

Ekspertlər bildirir ki, valideynlər uşaqlara diqqət etməyəndə, həkimlərin tövsiyəsinə əməl olunmayanda belə hallar baş verir.

Mütəxəssislər bildirirlər ki, uşaqların həkimdən qorxma səbəbi bəzən elə valideynlərin özləridir. Onlar uşaqları həkim və iynə ilə qorxutduqları üçün onlara psixoloji travma vururlar.

72
Teqlər:
qorxu, fobiya, həkim, uşaq, valideyn
Əmizlik, pul və oyuncaq, arxiv şəkli

Uşaqpulu parlamentdə müzakirə olunub

1
(Yenilənib 16:40 06.08.2020)
"Bu gün uşaqpulu üçün ayrılan vəsaiti ünvanlı şəkildə ehtiyacı olan ailəyə vermək daha məqsədəuyğundur"

BAKI, 6 avqust — Sputnik. "Uşaqpulu ilə bağlı məsələ hökumətdə müzakirə edilib. Bu gün vətəndaşlara 20-yə yaxın sosial müavinət verilir. Bunlardan 9-u uşaqların sosial müdafiəsi ilə bağlıdır".

Sputnik Azərbaycan xəbər verir ki, bunu Milli Məclisin bu gün keçirilən növbədənkənar iclasında parlamentin Əmək və sosial siyasət komitəsinin sədri Musa Quliyev deyib.

Komitə sədri bildirib ki, Sovet vaxtından qalan uşaqpulunun məbləği o qədər az idi ki, onun heç verilməməsi ondan yaxşı idi: "Bu gün uşaqpulu üçün ayrılan vəsaiti ünvanlı şəkildə ehtiyacı olan ailəyə vermək daha məqsədəuyğundur. Uşaqpulu müavinətinə yalnız ünvanlılıq prinsipi əsasında qayıda bilərik. Yəni, yalnız ehtiyacı olan ailələrin uşaqlarına uşaqpulu verə bilərik. Komitəyə deputatlar gəlsinlər, işçi qrupu yaradaq, konkret təkliflər hazırlayaq. Bunun büdcəyə yükünü hesablayaq və hökumətə konkret təkliflərlə çıxaq".

Əmək və Əhalinin Sosial Müdafiəsi nazirinin müavini Anar Əliyev deyib ki, bundan əvvəl uşaqpulu hamıya verilirdi, ancaq uşaqpulunun məbləği olduqca aşağı idi. "Ünvanlı dövlət sosial yardımı haqqında" qanun qəbul olunduğuna görə uşaqpulu ünvanlı şəkildə aztəminatlı ailələrə verilir. Bu gün 84 minə yaxın ailə ünvanlı yardım alır.

1
Azərbaycan manatı, arxiv şəkli

Prezident 190 manatla bağlı göstəriş verdi

19
(Yenilənib 16:48 06.08.2020)
600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur

BAKI, 6 avqust — Sputnik. "Azərbaycanda iqtisadi və sosial məsələlər öz həllini tapır. Sadəcə olaraq, son aylar ərzində görülmüş işlərə baxmaq kifayət edər ki, hər kəs görsün nə qədər böyük işlər görülüb".

Sputnik Azərbaycan xəbər verir ki, bunu Prezident İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi müşavirədə bildirib.

"Biz təqribən 5 milyona yaxın insanı geniş sosial paketlə əhatə etdik. Dövlət sektorunda çalışan 900 min insanın böyük əksəriyyəti faktiki olaraq işləmir, ancaq dövlət tərəfindən əməkhaqqı alır. 760 min sahibkara lazımi maliyyə dəstəyi göstərildi və onların iş yerləri qorundu. Əks təqdirdə, 760 min insan işsiz qala bilərdi. Çünki onların çalışdıqları sektorlar pandemiya nəticəsində ən böyük zərər görmüş sektorlardır. Təbii ki, sahibkarlar, işəgötürənlər indi gəlir əldə etmirlər və beləliklə, yüz minlərlə insan işsiz qala bilərdi. Yenə də dövlət operativ tədbirlər nəticəsində dərhal bu məsələyə müdaxilə etdi. Əlbəttə ki, bu məqsədlər üçün böyük maliyyə resursları xərclənibdir.

600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur. Onlara artıq bir neçə ay ərzində 190 manat müavinət verilir. Hesab edirəm ki, bu sosial dəstək bundan sonra da davam etdirilməlidir. Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Sizə göstəriş verirəm ki, avqust ayında da onlara 190 manat ödənilsin".

19