Yataqda gənc cütlük

Eyni anda zövq nadir halda ola bilər

1227
(Yenilənib 02:12 19.10.2018)
Uzun müddət bir yerdə yaşayan insanlar bir-birilərini yaxşı tanıdıqları üçün idarəli şəkildə eyni anda orqazm ola bilər

BAKI, 19 oktyabr — Sputnik. Eyni anda orqazm olma gözləntisi sevişmənin dadını qaçıra bilər.

Sputnik Azərbaycan Türkiyə mətbuatına istinadla xəbər verir ki, bu barədə Qadın Xəstəlikləri və Doğuş mütəxəssisi Gökçen Ərdoğan məlumat verib. Onun sözlərinə görə, cütlüklər nadir hallarda eyni anda orqazm ola bilərlər.

Belə ki, uzun müddət bir yerdə yaşayan insanlar bir-birilərini yaxşı tanıdıqları üçün idarəli şəkildə eyni anda orqazm ola bilər.

"Bəzi qadınlar xoşbəxt bir cinsi əlaqənin yaşanması üçün mütləq eyni anda orqazm olmaları fikrinə inanırlar. Bir-birlərinin cinsi reaksiyaları tam olaraq və anında bilən bəzi cütlüklər nadir hallarda eyni vaxtda orqazm ola bilər. Bununla yanaşı, eyni zamanda orqazm olmaq yaxşı bir cinsi əlaqənin və ya daha çox zövq almanın əsas şərti deyil. Ancaq birlikdə orqazm olmaq bir çox insanın xoşuna gəlir" – deyə o bildirib.

Həkim qeyd edib ki, sevişmə əsnasında bir yerdə orqazm olmağı gözləmək bütün hissləri öldürə bilər. Buna görə də, insanlar sevişmə zamanı heç bir şey düşünmədən sadəcə hissləri yaşamalıdır. Bu zaman cinsi münasibətdən daha çox zövq almaq mümkün ola bilər.

1227
Teqlər:
cinsi əlaqə, sevişmə, yataq, seks, orqazm
Uşaqlar, arxiv şəkli

İnsan alverinin hər üç qurbanından biri uşaqdır

3
(Yenilənib 17:58 18.01.2021)
Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

BAKI, 18 yanvar — Sputnik. İnsan alveri insan hüquqlarının ciddi pozuntusu və cinayətin ağır formalarından biridir. Həm milli, həm də transmilli cinayət xarakteri daşıyan "insan alveri" istismar məqsədilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insana qarşı zorakılıq kimi başa düşülür.

Sputnik Azərbaycan Baş Prokurorluğun məlumatına istinadla xəbər verir ki, aşkar olunan qurbanlar arasında uşaqların faiz nisbəti artmaqdadır: hər üç qurbandan biri uşaqdır.

İnsan alverinə qarşı mübarizə məqsədilə Baş Prokurorluğun Mətbuat xidməti tərəfindən maarifləndirici videoçarx hazırlanıb.

Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "Qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

https://www.facebook.com/prokurorluq/videos/118373910083559

3
Qulam Mustafa Xan, arxiv şəkli

"Hind kinosunun kadrarxası səsi" vəfat edib

4
(Yenilənib 18:00 18.01.2021)
Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

BAKI, 18 yanvar — Sputnik. Klassik hind musiqisinin görkəmli nümayəndəsi Qulam Mustafa Xan vəfat edib.

Sputnik Azərbaycan xarici mediaya istinadən xəbər verir ki, 89 yaşlı Qulam Mustafa Xan ötən gün Mumbayda dünyasını dəyişib.

Qulam Mustafa Xan sənətkarlar ailəsində dünyaya gəlib. Onun ailə üzvləri musiqiçilərdən ibarət olub. Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

Qulam Mustafa Xanı Hind kinosunun kadrarxası səsi adlandırıblar. Belə ki, sevərək tamaşa etdiyimiz hind filmlərinin əksəriyyətində onun məlahətli səsi eşidilir.

Qeyd edək ki, 2019-cu ildə insult keçirən sənətkarın bədəninin bir hissəsi iflic olub. Mərhum Qulam Mustafa Xanın martın 3-də 90 yaşı tamam olacaqdı.

4