History of Azerbaijan dərsliyi

Gənc azərbaycanlı müəllimdən innovasiya

510
(Yenilənib 19:58 18.10.2018)
Azərbaycanın gənc orta məktəb müəlliminin ingilis dilində əlavə dərs vəsaiti çapdan çıxıb.

BAKI, 18 oktyabr — Sputnik. Azərbaycanın gənc orta məktəb müəlliminin ingilis dilində əlavə dərs vəsaiti çapdan çıxıb.

Sputnik Azərbaycan-ın məlumatına görə, Bakı Modern Təhsil Kompleksində (Baku Modern School) tarix və coğrafiya müəllimi Türkan Vəlilinin VI-VII siniflər üçün hazırlanmış "History of Azerbaijan" əlavə dərs vəsaitinin təqdimat mərasimi keçirilib.

Türkan Vəlili Azərbaycan Respublikası Təhsil Nazirliyinin Təhsildə inkişaf və innovasiyalar üzrə II qrant müsabiqəsinin fərdi kateqoriya üzrə qalib olub. "History of Azerbaijan" əlavə dərs vəsaiti də bu qrant müsabiqəsi çərçivəsində işıq üzü görüb.

Kitabın təqdimat mərasimində Təhsil Nazirliyinin, ölkənin nüfuzlu orta məktəblərinin, eləcə də ictimaiyyətin nümayəndələri iştirak edib. Təhsil Nazirliyinin əməkdaşları sözügedən kitabı təhsildə inkişaf və innovasiyalar üzrə qrant müsabiqəsinin töhfəsi adlandırıblar. Qeyd ediblər ki, bu müsabiqələr Azərbaycanda təhsilin inkişafında, innovasiyaların tətbiqində, savadlı kadrların üzə çıxarılmasında önəmli rol oynayır. Orta təhsil müəssisəsinin müəlliminin belə bir kitabı ərsəyə gətirməsi isə, təhsilimiz adına böyük uğurlara gedən yolun başlanğıcıdır.

Orta məktəb müəllimi Türkan Vəlili
© Foto T.Vəlili tərəfindən təqdim olunub
Orta məktəb müəllimi Türkan Vəlili

Türkan Vəlili sözügedən kitabın ərsəyə gəlməsində verdikləri dəstəyə görə Təhsil Naziliyinə, ona bu işdə yorulmadan kömək edən ailə üzvlərinə və dostlarına təşəkkürünü bildirib.

"History of Azerbaijan" əlavə dərs vəsaitində Azərbaycan ərazisində ilkin insan izlərindən başlamış daş və tunc dövrləri, ən qədim şəhərlər və dövlətlər haqqında məlumat verilib. Burada qədim tarixin izləri, əski yaşayış məskənləri olan mağaralar, ilk əmək alətləri və məişət əşyaları, eləcə də Azərbaycan ərazilərində mövcud olmuş dövlətlər, onların mədəniyyəti, qonşu dövlətlərlə münasibətləri, tarixi şəxsiyyətlər və s. barədə ətraflı məlumatlar yer alıb. Kitabda predmetlər üzrə müvafiq ev və test tapşırıqları da verilib.

Qeyd edək ki, Türkan Vəlili Xəzər Universitetinin bakalavr bölümünü bitirib. Hazırda pedaqogika tarixi və nəzəriyyəsi ixtisası üzrə magistr təhsili alır. Bakı Modern Təhsil Kompleksində ingilis dilində tarix və coğrafiya fənnlərindən dərs deyir.

"History of Azerbaijan" müəllifin ilk kitabıdır və Azərbaycandakı ingilis bölməsi olan orta məktəblər üçün nəzərdə tutulub.

510
Teqlər:
Türkan Vəlili, "History of Azerbaijan", Bakı Modern Təhsil Kompleksi, ingilis dili, müəllimə, kitab, məktəb
ABŞ dollarları, arxiv şəkli

Cinsi istismar qurbanlara dəstək üçün yığılan pulları rəhbərin maaşına xərclədilər

2
(Yenilənib 17:06 29.11.2020)
Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir

BAKI, 29 noyabr - Sputnik. Yaradılmasında Riz Uizerspun, Emi Şumer, Bri Larson kimi Hollivud ulduzlarının iştirak etdiyi cinsi istismara qarşı populyar hərəkat Time's Up ianələrin böyük qismini zorakılıq qurbanlarına deyil, öz rəhbərliyinin maaşına xərcləyirmiş.

Sputnik Azərbaycan bildirir ki, bu barədə New York Post qəzeti vergi sənədlərinə istinadən məlumat yayıb.

Bildirilir ki, yaradıldığı 2018-ci il ərzində təşkilat 3,67 milyon dollar toplaya bilib. Bunlardan 1,4 milyon dolları əməkhaqlarına, ancaq 312 min dollar cinsi istismara məruz qalmışlara hüquqi yardım fonduna sərf olunub. Bundan əlavə, 157 min dollardan çox konfranslara, 288 min dollar - reklama, 940 min dollar - "hüquqi xərclərə", 58 min dollar - səyahətə və 112 min dollar PR-kampaniyasına sərf edilib.

Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir. Qəzetin məlumatına görə, Time's Up gəlirlərinin 38%-ni əməkhaqlarına sərf edib.

Time's Up hərəkatı 2018-ci ildə, tanınmış aktyor, siyasətçi, jurnalist və digər məşhur şəxslərə, o cümlədən prodüser Harvi Vaynşteyn və aktyor Kevin Speysiyə qarşı açılmış seksual istismar ittihamlarından sonra yaradılıb. Hərəkatın qayəsi cinsi istismar qurbanlarına dəstəklə məşğul olmaqdır.

 

2
Teqlər:
ABŞ, Hollivud, maaş, fond, pul, qurbanlar, cinsi istismar
Yanğınsöndürənlər, arxiv şəkli

Zavodun tavanı ailələrin başına uçdu, maşınlar partladı - Xırdalanda qorxunc olay

11
Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib

BAKI, 29 noyabr - Sputnik. Xırdalanda məcburi köçkünlərin müvəqqəti məskunlaşma yerində baş vermiş uçqunla bağlı məlumat yayılıb.

Qaçqınların və Məcburi Köçkünlərin İşləri üzrə Dövlət Komitəsi mətbuat xidmətindən verilən məlumata görə, noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Yanğın baş verən ünvanda yaşayan 9 məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq Kəlbəcər rayonundan məcburi köçkün Verdiyev Seymur Dilqəm oğluna məxsus "Mitsubishi" və Laçın rayonundan məcburi köçkün Məmmədov Taleh Zahid oğluna məxsus "Volkswagen" markalı iki avtomobilin üzərinə dağılıb. Nəticədə avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

11
Teqlər:
yanğın, partlayış, avtomobil, məcburi köçkünlər, bina, zavod, Xırdalan