Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkın, mərkəzdə

“Mən ermənilərin qarşısında yer süpürən deyiləm...”

3703
(Yenilənib 19:55 18.10.2018)
“Ondan başqa Hollandiyada olan Azərbaycan diasporundan heç kim mənə dəstək olmayıb”

İradə Cəlil, Sputnik Azərbaycan

BAKI, 18 oktyabr — Sputnik. Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkın məhkəmə prosesi ilə bağlı Sputnik Azərbaycan-a açıqlama verib.

O bildirib ki, dünən keçirilən məhkəmə prosesi zamanı müzakirələrdən sonra məhkəmə iki həftəliyinə təxirə salınıb: "Avropada baş verən hadisələrə nəzər salsanız görərsiniz ki, bu ölkələrin Azərbaycana və Türkiyəyə olan münasibəti necədir. Biz də bunların arasında çox çətin şərtlərdə mübarizə aparırıq. Dünənki prosesdə də müzakirə davam etdi. İnanın ki, biz elə Qarabağdan, Xocalıda baş verənlərdən danışdıq. 

Mən sual verdim ki, niyə 1992-ci ildə Xocalıda yüzlərlə insanı məhv etdiniz. Onlar cavab verə bilmədilər. Məhkəmə prosesi iki həftə sonraya təxirə salındı. Dediklərinə görə, iki həftə özləri bu məsələni araşdıracaq və qərar verəcək. Bundan iki həftə sonra da mənə qərarlarını bildirəcəklər. Noyabrın 14-də mənə işin nəticəsini bildirəcəklər. Vəkilimlə danışdım. O bir qədər ümidli kimidir. Amma bilirsiniz ki, bu Hollandiya məhkəməsidir və cəzalandırlacağımı gözləyirəm".

İ. Aşkın bildirib ki, hər məhkəmə prosesindən sonra ona veriləcək cəza artırılır. Hal-hazırda İlhan Aşkına 2 il şərti cəza və 120 saat ictimai işlərlə məşğul olmaq cəzası tələb edilir: "Əgər iki il müddətində eyni sözü təkrar etsəm 40 gün müddətinə azadlıqdan məhrum ediləcəyəm. Birinci məhkəmə prosesində mənə tələb edilən cəza 2 il şərti cəza və 80 saat ictimai işlərlə məşğul olmaq idi. Və mən bu iki ildə eyni sözü təkrar etsəm 15 gün azadlıqdan məhrum ediləcəkdim. İkinci prosesdə isə prokuror cəzamın artırılmasını tələb etdi. 15 gün həbs cəzası 1 ay və 80 saat inzibati cəza 120 saatla əvəz edildi. Yenə cəzamın artırılması tələb edilir. Bu dəfə prokuror həmin sözləri iki müddətində təkrar edəcəyim halda 40 gün müddətinə azadlıdan məhrum edilməyimi istəyir. Təbii ki, mən bununla razı deyiləm".

Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkın
Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkın

Aşkının sözlərinə görə, o "Qarabağ bizim dədələrimizin məzarıdır. İndi siz işğal etmisiniz. Nə vaxtsa həmin torpaqların sahibləri Qarabağı sizə məzar edəcək" sözlərinə görə, məhkəməyə verilib: "Bu onların xoşuna gəlməmişdi".

İlhan Aşkın deyir ki, əgər Hollandiya məhkəməsi onu cəzalandırsa, bu bütün türk dünyasını zərbə vuracaq. Bundan sonra erməniləri əli güclənək. Və onlar dünyanın müxtəlif böyük ölkələrində olan ən aktiv təşkilatlarımızı cəzalandırmağa başlayacaqlar.

"Bir müddət əvvəl İsveçrədə mənim kimi azərbaycanlı qalxıb, ermənilərə qarşı olanı demişdi. Ermənilər onu məhkəməyə verdilər. Adam çıxıb televizorda ağlayırdı. Üzr istədi və dedi ki, mən elə demək istəmirəm. Onu yox edəndən sonra düşündülər ki, başqa kim var – İlhan Aşkın var. Onu susdurmaq lazımdır" – deyə o bildirib.

Müsahibimiz bildirir ki, Hollandiyada olan Azərbaycan diasporundan heç kim ona dəstək olmayıb: "Bir tək "Ana Vətən" Qadınlar Birliyinin sədri Maisə Ağamirzəyeva zəng elədi. Keçən prosesə gəlmişdi. Bu dəfə gələ bilmədi. Ondan başqa Hollandiyada olan Azərbaycan diasporundan heç kim mənə dəstək olmayıb. Ancaq Diasporla İş üzrə Dövlət Komitəsinin rəhbəri Fuad Muradov bu işlə maraqlanır, zəng edir. Yardımlarını təklif edir. Dünən iş adamı Fizuli Məmmədov və Dünya Azərbaycanlıları Konqresinin idarə heyətinin üzvü Səftər Rəhimli gəlmişdi. Mən bu insanların hamısının adını deyirəm ki, sabah deməsinlər ki, "Biz İlhanın yanındaydıq". Fizuli Məmmədov mənə maddi və mənəvi dəstəkdir".

Sonda həmsöhbətimiz qeyd etdi ki, əgər bu məhkəmədə onu cəzalandırsalar, o Ali Məhkəməyə müraciət edəcək: "Əgər burada da məğlub olsam Avropa İnsan Haqları Məhkəməsinə müraciət edəcəyəm. Bu işin sonuna qədər gedəcəyik. Avropa Parlamenti də məni günahkar çıxarsa, çıxıb bu ölkədən gedəcəyəm. Əgər buraxsalar. Mən ermənilərin qarşısında onlar üçün yol süpürən deyiləm. Həm haqlıyıq, həm də cəzalandırılırıq. Bu ədalətsizlikdir".

Xatırladaq ki, 2014-cü ildə Hollandiyadakı türk ictimai təşkilatları və Azərbaycan diasporunun təmsilçiləri Almelo şəhərində erməni kilsəsi önündə qondarma "erməni soyqırımı"na abidə ucaldılmasına etiraz edərək şəhər bələdiyyəsinin binası qarşısında aksiya keçirmişdi. Həmin aksiya zamanı Hollandiya Azərbaycan Türk Mədəniyyət Mərkəzinin rəhbəri İlhan Aşkın çıxış edib və ermənilərdən Qarabağı tərk etməyi tələb edərək, qeyd edib ki, əgər Qarabağı tərk etməsələr bura onlar üçün məzar olacaq.

Bu çıxışdan sonra dərnək rəhbəri iki erməni federasiyası və bir Hollandiya vətəndaşı tərəfindən məhkəməyə verilib.

3703
Teqlər:
Xocalı, erməni, Qarabağ, İlhan Aşkın, Azərbaycan-Türk Kültür Dərnəyi, məhkəmə, Niderland Krallığı
Əlaqədar
"Niderland parlamentinin qərarının hüquqi qüvvəsi yoxdur"
İlhan Aşkın: "Əgər ermənilər bizə bu məsələdə üstün gəlsələr..."
"Diaspor İlhan Aşkını sonadək müdafiə etməlidir"
Dünya azərbaycanlılarına İlhan Aşkını müdafiə etmək çağırışı
Diaspor rəhbəri dekabrın 6-da məhkəmə qarşısına çıxacaq
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

5
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

5
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ
Qandal, arxiv şəkli

Gəncədə narkotik satan alan şəxslər saxlanılıblar

5
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

5
Teqlər:
Gəncə, narkotik maddə, narkotacir, narkotik