Dövlət Təhlükəsizliyi Xidməti

Dövlət Təhlükəsizliyi Xidmətindən maraqlı yenilik

57
(Yenilənib 10:58 17.10.2018)
Qurumun adından və loqotipindən istifadə etməklə sosial şəbəkələrdə icazəsiz və saxta səhifə, kanal, profillərin yaradılması, işlədilməsi yolverilməzdir

BAKI, 17 oktyabr — Sputnik. Dövlət Təhlükəsizliyi Xidməti (DTX) haqqında məlumatların və digər faydalı informasiyaların ilkin mənbədən əldə edilməsi imkanlarının genişləndirilməsi, həmçinin ictimai əlaqələrin qurulması işinin müasir dövrün tələblərinə uyğun daha təkmil səviyyədə təşkil olunması məqsədilə DTX-nin rəsmi "Facebook" səhifəsi, "Twitter" və "Youtube" kanalları fəaliyyətə başlayıb.

Bu barədə Sputnik Azərbaycan-a DTX-nın Mətbuat və informasiya şöbəsindən məlumat verilib. Bildirilib ki, yeni yaradılmış səhifə və kanallar vasitəsilə DTX-nın tarixinə, əməliyyat-xidməti fəaliyyətinə, beynəlxalq əməkdaşlıq əlaqələrinə, eləcə də ictimaiyyətlə görüşlər üzrə keçirilən tədbirlərinə dair və sair mövzularda müxtəlif səpkili maraq doğuran məlumatlar və foto-video materiallarla tanış olmaq mümkündür.

Eyni zamanda, diqqətə çatdırılır ki, Dövlət Təhlükəsizliyi Xidmətinin adından və loqotipindən istifadə etməklə sosial şəbəkələrdə icazəsiz və saxta səhifə, kanal, profillərin yaradılması, işlədilməsi yolverilməzdir və qanunla müəyyən edilmiş qaydada məsuliyyət yaradır.

Dövlət Təhlükəsizliyi Xidmətinin rəsmi www.dtx.gov.az səhifəsindəki DTX-nın rəsmi "Facebook", "Twitter" və "Youtube" hesablarına keçid işarə düymələrindən istifadə ilə, yaxud həmin rəsmi səhifə və kanallara abunə yazılmaqla məlumatları əldə etmək olar.

"Hörmətli istifadəçilərə səmərəli informasiya mübadiləsinə görə əvvəlcədən təşəkkürümüzü bildirir və uğurlar arzulayırıq" — deyə məlumatda bildirilir.

57
Teqlər:
kanal, səhifə, Youtube, Twitter, Facebook, məlumat, DTX, Dövlət Təhlükəsizliyi Xidməti
Əlaqədar
DİN və DTX birgə əməliyyat keçirib, silah-sursat aşkarlanıb
Xaçmazda vəziyyət gərginləşdi, DTX radikal terrorçunu məhv etdi
DTX-dan növbəti əməliyyat, daha bir terrorçu zərərsizləşdirildi - VİDEO
Azərbaycanda böyük əməliyyat: DTX əməkdaşı tutuldu
DTX rəisi: "Hazırda heç bir təhlükə yoxdur"
Test imtahanı, arxiv şəkli

Dövlət qulluğuna qəbul üzrə test imtahanı keçiriləcək

2
COVID-19 infeksiya ilə əlaqədar imtahan binalarına yalnız tibbi maska daxil olmağa icazə veriləcək və namizədlərin məsafədən ölçə bilən elektron termometrlə bədən hərarətləri yoxlanılacaq.

BAKI, 4 mart — Sputnik. Dövlət İmtahan Mərkəzi tərəfindən martın 7-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına, həmçinin inzibati vəzifələrin A növünə (inzibati rəhbər vəzifələr) aid olan AA, AB və AC qruplarına uyğun olan vəzifələr üzrə dövlət qulluğuna qəbul olmaq üçün test imtahanları keçiriləcək.

DİM-dən Sputnik Azərbaycan-a verilən xəbərə görə, COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binalarına yalnız tibbi maska daxil olmağa icazə veriləcək və namizədlərin məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. İmtahan zallarında namizədlərin bir-birindən lazımi uzaq məsafədə əyləşdirilməsi təmin olunacaq.

İnzibati vəzifələrin B növünə aid vəzifələr üzrə olan imtahan kağız daşıyıcılar vasitəsilə Bakıda 6, Gəncədə isə 1 binada təşkil olunacaq. İmtahanda iştirak etmək üçün BA qrupu üzrə 593, BB qrupu üzrə 1263 olmaqla, ümumilikdə 1856 namizəd qeydiyyatdan keçib.

İmtahan bütün binalarda eyni vaxtda – saat 11:00-da başlanır və 3 saat davam edir. Saat 10:45-dən sonra gələn namizədlər imtahana buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur.

B növü imtahanının keçirilməsi üçün 7 bina, 137 zal, 7 ümumi imtahan rəhbəri, 21 imtahan rəhbəri, 176 nəzarətçi‑müəllim, 14 buraxılış rejimi əməkdaşı ayrılıb.

İnzibati vəzifələrin A növünə (inzibati rəhbər vəzifələr) aid olan vəzifələr üzrə test imtahanı elektron qaydada, kompüterlər vasitəsilə DİM-in Bakı ş., Nəsimi rayonu, Əbdülvahab Salamzadə, 28 (keçmiş Bakı Asiya Universitetinin binası) ünvanında yerləşən binasında keçiriləcək. Bu imtahanda iştirak etmək üçün qeydiyyat hələ davam edir və 5 mart saat 12:00-da başa çatacaq. İmtahan saat 11:00-da başlanır. Namizədlər şəxsiyyəti təsdiq edən sənədləri ilə birlikdə saat 10:00-dan gec olmayaraq imtahan binasında olmalıdırlar.

2

Təhlükəli iş: ANAMA əməkdaşları Qarabağı belə təmizləyirlər - fotolar

8
(Yenilənib 10:18 04.03.2021)
İşğaldan azad edilmiş torpaqlarda bərpa işləri sürətlə davam edir. Bu işlərin başında isə ANAMA əməkdaşları dayanıb - onlar ərazini mina və mərmilərdən təmizləyirlər. Sputnik Azərbaycanın fotolentində bu cəsur insanların necə işlədiyini izləyə bilərsiniz.

Azərbaycanın işğal altında olan torpaqlarının azad olunması uğrunda apardığı Vətən müharibəsi artıq şanlı tarixin bir hissəsinə çevrilib. İndi əsas məsələ bu ərazini bərpa etməkdir. 

Hazırki vəziyyətdə dövlətin əsas vəzifələrindən biri burada nəqliyyat sisteminin tikintisidir. Füzulidə beynəlxalq aeroportun inşası ilə yanaşı, azad edilmiş ərazilərdə iki magistral yol çəkilir. Onlardan biri, İlham Əliyevin "Zəfər yolu" adı verdiyi magistral yol Füzuli və Şuşanı birləşdirəcək.

Azərbaycan Ordusunun gücü qarşısında geri çəkilən erməni hərbçiləri özlərindən sonra dağılmış ev və obyektlər, minalanmaış yollar saxlayıblar. Hazırda işğaldan azad olunmuş ərazilərin 80-85% təhlükəli sayılır.

Erməni əsgərlərinin bir yerdə 3-4 piyada əleyhinə mina qoyması isə vəziyyəti daha da çətinləşdirir.

İşğaldan azad edilmiş ərazilərdə hərəkətin və tikintinin təhlükəsizliyini təmin etmək üçün Azərbaycan Respublikası Ərazilərinin Minalardan Təmizlənməsi üzrə Milli Agentliyinin əməkdaşları burada çalışırlar. İstehkamçılar yeddi ay ərzində Füzuli-Şuşa yolunun keçdiyi 34 kilometr ərazini təmizləyəcəklər.

Hər gün istehkamçılar piyada və tank əleyhinə minalar, partlamamış raket mərmiləri tapırlar. Bu çətin işdə ANAMA əməkdaşları xüsusi teknika və itlərdən istifadə edirlər.

8
  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşı Qarabağda əraziləri minalardan təmizləyir.

  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşı Qarabağda əraziləri minalardan təmizləyir.

  • © Sputnik / Aleksey Kudenko

    ANAMA-nın xüsusi teknikası Qarabağda əraziləri minalardan təmizləyir.

  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşları xidməti itlərlə Qarabağda əraziləri minalardan təmizləyirlər.

  • © Sputnik / Aleksey Kudenko

    ANAMA əməkdaşı Qarabağda əraziləri minalardan təmizləyir.

  • © Sputnik / Aleksey Kudenko

    ANAMA-nın xüsusi teknikası Qarabağda əraziləri minalardan təmizləyir.

  • © Sputnik / Aleksey Kudenko

    Qarabağda yol kənəraında mina.

  • © Sputnik / Aleksey Kudenko

    ANAMA əməkdaşları tərəfindən zərərsizləşdirilən sursatlar.

  • © Sputnik / Aleksey Kudenko

    Qarabağda yol kənarında xəbərdarlıq stendi.