Bayılda torpaq sürüşməsi

Rəsmən həyəcan təbili çalındı: Bakıda yer yerindən oynaya bilər

12757
(Yenilənib 16:21 15.10.2018)
ETSN: Ən təhlükəli vəziyyət yamacdakı qaya parçalarının ayrılıb qırıldığı vaxt yaranacaq

İradə Cəlil, Sputnik Azərbaycan

BAKI, 15 oktyabr — Sputnik. Bayıl yamacında yenə sürüşmə müşahidə edilir. Bu dəfə sürüşmə prosesi Badamdar qəsəbəsində, 20-ci sahə avtomobil yolunun sağ kənarında yaşanır. Bu səbəbdən ərazidə olan 11 ev və 3 obyekt təhlükə altındadır.

Sputnik Azərbaycan-ın əməkdaşı ərazidə olub və Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralovdan baş vermiş sürüşmə barəsində məlumatlar əldə edib.

Ə.Qaralov bildirib ki, ərazidə gərginlik oktyabrın 1-də müşahidə edilib. Oktyabrın 12-də isə sözügedən sürüşmə sahəsində yenidən aktivləşmə qeydə alınıb və istinad divarının 1,0-1,3 metr aşağıya doğru hərəkət etdiyi məlum olub.

“Həmin vaxt qurum müvafiq orqanlara xəbərdarlıq etdik. Bilirdik ki, ərazidə gərginlik var. Və bu haqda Nazirlər Kabinetinə və müəyyən qurumlara məlumat verildi. Ərazi nəzarətə götürüldü. Oktyabrın 12-də biz müəyyənləşdirdik ki, nə qədər obyekt və yaşayış evinə zərər dəyə bilər. Biz həmin məlumatları Nazirlər Kabinetinə təqdim etdik. Həmin təhlükəli ərazidə 11 fərdi ev, çayxana və restoran var" – ETSN rəsmisi qeyd edib.

Qaralovun sözlərinə görə, sürüşmə sahəsindəki gərginlik nəzərə alınaraq Ekologiya və təbii sərvətlər nazirinin müavini Novruz Quliyevin rəhbərliyi altında qərargah yaradılıb: “Ayın 12-si səhər 7:56-da sürüşmə başlayıb. Burada 3 müşahidə quyusu vardı, ərazi qamışlıq idi. Əvvəlcə qamışlıq örtüldü. Daha sonra yerin altı fəvvarə kimi sürüşməyə başladı. İndi də bütün gün ərzində uçub tökülür. İstinad divarları sıradan çıxıb. Əvvəlcə qırılıb asılmış torpaq kütləsi, sonra istinad divarı, sonda isə evlər sürüşüb aşağı gələcək”.

ETSN rəsmisi sürüşmənin səbəbinə də aydınlıq gətirdi: “Sürüşməyə əsas səbəb Badamdar dairəsində yerləşən minlərlə evdə kanalizasiya sisteminin olmamasıdır. Sular birbaşa “sambo”  deyilən quyulara axıdılır. Suvarma, kanalizasiya suları, məişət suları yamaca yığılır".

  • Bayıl yamacı
    Bayıl yamacı
    © Sputnik / Irade JELIL
  • Bayılda torpaq sürüşməsi
    Bayılda torpaq sürüşməsi
    © Sputnik / Irade JELIL
  • Bayılda torpaq sürüşməsi
    Bayılda torpaq sürüşməsi
    © Sputnik / Irade JELIL
  • Bayılda torpaq sürüşməsi
    Bayılda torpaq sürüşməsi
    © Sputnik / Irade JELIL
  • Bayılda torpaq sürüşməsi
    Bayılda torpaq sürüşməsi
    © Sputnik / Irade JELIL
  • Bayılda torpaq sürüşməsi
    Bayılda torpaq sürüşməsi
    © Sputnik / Irade JELIL
1 / 6
© Sputnik / Irade JELIL
Bayıl yamacı

"Yamac isə mailidir. Torpaq qatı da olduqca tez doya bilən narın qumlu-gilli süxurlardır. Torpaq doyur, müvazinət qüvvəsini itirərək yamac boyu hərəkət edir. Qırılma dairəsi 10 metrdən yüksəkdir. Həyətlərin hasarlarında çatlar müşahidə edilir. Biz orada mayaklar qoymuşuq" — deyə Qaralov vurğulayıb.

Onun sözlərinə görə, ən təhlükəli vəziyyət yamacdakı qaya parçalarının ayrılıb qırıldığı vaxt yaranacaq: "Həmin qaya parçaları aşağı düşərsə, aşağıdakı ərazilərə zərər dəyəcək".

Qeyd edək ki, sürüşmə müşahidə edilən bütün ərazilərə mayaklar qoyulub. Hazırda Ekologiya və Təbii Sərvətlər Nazirliyi tərəfindən yaradılan qərargah ərazidə müşahidələr aparır.

Xatırladaq ki, 20-ci sahə avtomobil yolunun sağ kənarında ərazidə gərginlik və sürüşmə 15 günə yaxındır ki, davam edir. Hələ fevral ayında bir neçə günlük yağışlardan sonra Badamdardakı 20-ci sahə avtomobil yolunun sağ hissəsində, yoldan, təxminən, 70-80 metr məsafədə yamacda aşınma baş vermişdi.

May ayında isə Buxta küçəsindəki evlərdən, təxminən, 200 metr qərbdə — Badamdar istiqamətində müəyyən ekzogen proseslər müşahidə edilirdi. Və ərazidə olan 22 ailə (55 nəfər) köçürülmüşdü.

12757
Teqlər:
20-ci sahə, Bayıl yamacı, Badamdar qəsəbəsi, Əziz Qaralov, ETSN, sürüşmə, Ekologiya və Təbii Sərvətlər Nazirliyi
Əlaqədar
Daha bir ölkədə torpaq sürüşdü, 25 min insan köçürüldü
Sürüşmə zonasından son xəbər gəldi
Badamdar yamacı: Sürüşən 300 metr ərazidə 11 ev var
Badamdarda sürüşmə anı çəkildi - VİDEO
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı