Stress

Qadınlar kişilər: Nevroloji xəstəliklərdən daha çox kim əziyyət çəkir?

77
(Yenilənib 23:24 14.10.2018)
Araşdırma müddətində 26 il ərzində 5291 nəfər dünyasını dəyişib, onlardan 2031 nəfəri nevroloji xəstəliklərdən əziyyət çəkirmiş

BAKI, 14 oktyabr — Sputnik. Hollandiya alimləri 45 yaşından böyük kişi və qadınlarda ciddi nevroloji xəstəliklər (demensiya, insult və parkinson) inkişaf səviyyəsini araşdırıb. Sputnik Azərbaycan Rusiya mətbuatına istinadla xəbər verir ki, alınan nəticələr heç də ümidverici olmayıb.

Araşdırmalar zamanı müəyyən edilib ki, belə problemlər hər iki qadından və hər üç kişidən birində müşahidə edilir.

1990-2016 illəri əhatə edən araşdırmada 12102 nəfər iştirak edib. Onların 58 faizi qadın olub. Bütün könüllülər 45 yaşından yuxarı olub. Həkimlər onların sağlamlıq vəziyyətini izləyib. Araşdırma müddətində 26 il ərzində 5291 nəfər dünyasını dəyişib. Onlardan 2031 nəfəri nevroloji xəstəliklərdən əziyyət çəkirmiş.

Bundan əlavə, 1489 nəfərdə demensiya, 263 nəfərdə parkinson, 1285 nəfərdə isə insult aşkar edilib.

Bu məlumatlardan istifadə edərək, alimlər belə qərara gəlib ki, 45 yaşından sonra qadınlarda 48, kişilərdə isə 36 faizində nevroloji xəstəliklər müşahidə edilir.

Belə ki, kişilərdən fərqli olaraq qadınların daha çox demensiyadan əziyyət çəkdiyi müəyyən edilib. Ancaq kişilər daha gənc yaşlarında tez-tez insultdan əziyyət çəkir.

Nevroloji diaqnoz qoyulan şəxslərdə yüksək təzyiq, xolesterin səviyyəsinin artması, ikinci tip diabet və ürək ritmi ilə bağlı problemlər müşahidə edilib.

77
Teqlər:
sağlamlıq, Həkimlər, nevroz, kişi, qadın
Kitabxanada qız, arxiv şəkli

"Tıq-tıq xanım" nağılı ingilis dilinə tərcümə edilib

2
(Yenilənib 23:09 26.02.2021)
Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib

BAKI, 27 fevral — Sputnik. Abdulla Şaiqin 140 illik yubleyi ilə bağlı "Tıq-tıq xanım" nağılı ingilis dilinə tərcümə edilib.

Sputnik Azərbaycan xəbər verir ki, görkəmli Azərbaycan bəstəkarı Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib.

Nağılın ingilis dilində tərcüməsi kitab formatına salınıb. Kitabdakı illüstrasiyaların müəllifi Aleks Bjelicadır.

2
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6