BAKI, 12 oktyabr — Sputnik. Türkiyənin Qayseri şəhərində ağır avtomobil qəzası baş verib. Sputnik Azərbaycan Türk mətbuatına istinadla xəbər verir ki, baş verən qəza nəticəsində 38 ADU 077 dövlət nömrə nişanlı avtomobil körpüdən çaya düşüb.
Ankara şossesinin 30-cu kilometrliyində baş verən qəzanın avtomobilin sürücüsünün idarəetməni itirməsi nəticəsində baş verdiyi bildirilir.
Avtomobilin körpüdən düşdüyünü görən 51 ER 078 dövlət nömrə nişanlı pikap və 38 DK 790 dövlət nömrə nişanlı avtomobil anidən əyləcə basıb. Onların arxasınca gələn 99 AZ285 Azərbaycan dövlət nömrə nişanlı "TIR" avtomobillərə çırpılaraq, körpüdən aşıb.
Hadisə yerinə gələn xialsetmə qrupu "TIR"ın sürücüsünü xilas edib. Hadisə zamanı yaralan 7 nəfər xəstəxanaya çatdırılıb.
