Londonun ən lyüks ticarət mərkəzi olan Harrods

Cahangir Hacıyevin həyat yoldaşı barədə yeni ittihamlar: Ya etiraf edəcək, ya da...

329
(Yenilənib 11:51 11.10.2018)
O, BMCİ-yə var-dövlətinin qaynağını göstərməsə, qurum onun mülklərini əlindən ala bilmək üçün Ali Məhkəməyə müraciət edəcək

BAKI, 11 oktyabr — Sputnik. Azərbaycan Beynəlxalq Bankının (ABB) sabiq rəhbəri Cahangir Hacıyevin həyat yoldaşı Zamirə Hacıyevanın başı dərdə girib. Sputnik Azərbaycan xarici mətbuata istinadla xəbər verir ki, bu hadisə Böyük Britaniyada korrupsiyaya qarşı mübarizə ilə bağlı yeni qüvvəyə minən qanundan sonra gündəmə gəlib.

Belə ki, Z.Hacıyevanın Londonun ən lyüks ticarət mərkəzi olan "Harrods"da son 10 ildə 21 milyon dollar xərclədiyi ortaya çıxıb. Bununla əlaqədar Zamirə Hacıyeva Britaniya Milli Cinayətlər İdarəsinə (BMCİ) hesabat verməli olacaq. 55 yaşlı xanım ya bu qədər pulu haradan əldə etdiyini açıqlayacaq, ya da bütün var-dövlətini riskə atacaq.

Qeyd edək ki, qanun İngiltərə üzərindən "çirkli pulların yuyulmasında" şübhəli hesab edilən və korrupsiya ilə əlaqələndirilən əcnəbilər üçün nəzərdə tutulub. Zamirə Hacıyevanı isə hədəfə gətirən külli miqdarda pul xərcləməklə yanaşı, Londonun ən bahalı məhəllələrindən olan Knightsbricdə 15 milyon dollar dəyərindəki imarətə və Berkşir ərazisindəki qolf mərkəzinə sahib olmasıdır.

Hacıyeva mediada çıxan xəbərlərdən sonra kimliyinin açıqlanmaması üçün başlatdığı məhkəmə mübarizəsini də uduzub. O, BMCİ-yə var-dövlətinin qaynağını göstərməsə, qurum onun mülklərini əlindən ala bilmək üçün Ali Məhkəməyə müraciət edəcək.

Məlumata görə, 2013-cü ildə Zamirə Hacıyeva Berkşirdə 10 milyon dollara lüks bir qolf klubu alıb. Bundan sonra Britaniya Daxili İşlər Nazirliyi ona ölkədəki varlı investorlara istiqamətlənmiş viza çərçivəsində yaşamaq icazəsi verib.

Ancaq sonradan şərti adı "Bəy və xanım A" olaraq bilinən məhkəmə prosesi başlayıb. Nəticədə Zamirə Hacıyevanın küllü miqdarda şəxsi gəlirə sahib olduğu müəyyən edilib.

Məhkəmənin əldə etdiyi məlumata görə, Z.Hacıyeva zinət əşyaları, ətriyyat və saat satılan mağazada 200 min dollar, habelə "Cartier lüks" zinət əşyaları mağazasında 130 min dollardan çox pul xərcləyib. Bununla yanaşı, onun 2400 dollarlıq şərab qəbzləri və digər lüks məhsullara 26 min dollar xərclədiyi meydana çıxıb. Hacıyeva bütün aldıqlarını 35 fərqli kredit kartı ilə həyata keçirib.

Bundan başqa, rəsmi sənədlərlə Hacıyevanın 42 milyon dollar dəyərində "Gulfstream G550" təyyarəsi və "Harrods" avtoparkında iki şəxsi parklama ərazisi aldığı müəyyən edilib.

Bunların ardınca Zamira Hacıyeva məhkəmə qarşısında bildirib ki, böyük bir haqsızlıqla üz-üzə qalıblar: "Həyat yoldaşım qanunlara sadiq adamdır. Ortada böyük bir ədalətsizlik var və biz onun qurbanıyıq. Həyat yoldaşım Azərbaycan Beynəlxalq Bankında işləməmişdən əvvəl də bacarıqlı bir iş adamı olub və özü var-dövlət qazanıb".

Britaniya Milli Cinayətlər İdarəsi isə Cahangir Hacıyevin 1993-2015-ci illərdə bu qədər sərvətə malik kola biləcəyini mümkünsüz hesab edib.

Qeyd edək ki, ABB-nin keçmiş rəhbəri Cahangir Hacıyev on milyonlarla dollar "yeyintisi" ilə əlaqədar 2016-cı ildə 15 il müddətinə azadlıqdan məhrum edilib.

329
Teqlər:
Zamirə Hacıyeva, ABB, var-dövlət, mülk, həyat yoldaşı, Cahangir Hacıyev, Azərbaycan Beynəlxalq Bankı
Əlaqədar
Cahangir Hacıyev 15 il müddətinə azadlıqdan məhrum edildi
Cahangir Hacıyevin sürücüsünün kartında 60 milyon avro, dollar və manat olub
Cahangir Hacıyevin həbs müddəti uzadılıb
Vəkili Cahangir Hacıyevlə görüşüb

Azərbaycanda hansı yol hərəkəti qaydaları daha çox pozulur

2
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

2
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

16
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

16