Ovçu

Ovçulara xəbərdarlıq edildi

78
(Yenilənib 11:07 11.10.2018)
Ölkə ərazisində 2018-2019-cu illərin ov mövsümündə çöl donuzu (qaban), dovşan, cüllüt, qaz, ördək və qaşqaldağın ovlanmasına icazə verilir

BAKI, 11 oktyabr — Sputnik. Ekologiya və Təbii Sərvətlər Nazirliyi ovlanmasına icazə verilən heyvan növlərinin adını açıqlayıb. Bu barədə Sputnik Azərbaycan-a nazirliyin mətbuat xidmətindən məlumat verilib.

Bildirilib ki, ölkə ərazisində 2018-2019-cu illərin ov mövsümündə çöl donuzu (qaban), dovşan, cüllüt, qaz, ördək və qaşqaldağın ovlanmasına icazə verilir.

Məlumata görə, Çöl donuzunun (qaban) ovlanma müddəti 2018-ci ilin 15 sentyabr-22 dekabrına qədərdir. Bu heyvanın ancaq Lənkəran, Astara, Lerik, Qax, Cəlilabad, Zaqatala, İmişli, Qusar, Xaçmaz, Neftçala, Yardımlı, Şəki və İsmayıllı rayonlarının müvafiq ov sahələrində və ovçuluq təsərrüfatlarında ovlanmasına icazə verilir. 

Dovşan ovlamaq qistəyənlər isə noyabrın 18-dən gələn ilin yanvar ayının 12-sinə qədər Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı rayonlarının müvafiq ov sahələrində və ovçuluq təsərrüfatlarında ovlaya bilərlər.

Cüllüt ovlamaq istəyənlər yalnız ovçuluq təsərrüfatlarının ərazilərində və xüsusi müəyyən olunmuş ov sahələrində 15 sentyabr- 24 noyabr tarixinə qədər ov edə bilərlər.

Qaz, ördək, qaşqaldaq ovlamaq istəyənlər yalnız ovçuluq təsərrüfatlarının ərazilərində və xüsusi müəyyən olunmuş ov sahələrində oktyabrın 13-dən gələn il martın 1-ə qədər ovlaya bilərlər.

Nazirliyin məlumatına görə, Ağdam, Göygöl, Goranboy, Daşkəsən, Gədəbəy, Tərtər və digər sərhədyanı və cəbhə zonasına yaxın inzibati rayonların əraziləri, Xəzər dənizinin adalarında, yaşıl zonalarda,şəhhər və kurortlara 1,5 kilometrə qədər yaxın sahələrdə, xüsusi mühafizə olunan ərazilər və sanitar-mühafizə zonalarında ov etmək qadağandır.

78
Teqlər:
ov mövsümü, Ekologiya və Təbii Sərvətlər Nazirliyi, xəbərdarlıq, ovçu
Əlaqədar
Amazon cəngəlliyində ölüm mələyini görmüş azərbaycanlı ovçu
İngilis ovçu köpəkbalığından canını belə qurtardı
"Ovçu"nun sonu
Həbsxana, arxiv şəkli

Pandemiya "düşdü" - mindən artıq şəxs vaxtından əvvəl şərti azadlığa buraxılıb

0
(Yenilənib 11:22 10.08.2020)
Ötən ayın sonuna olan rəqəmlərə görə, həmin şəxslərin 983 nəfəri ancaq pandemiya dövründə azadlığa çıxan məhkumlardır.

BAKI, 10 avqust — Sputnik. Cari ildə 1253 nəfər vaxtından əvvəl şərti azadlığa buraxılıb. Sputnik Azərbaycan-ın xəbərinə görə, bu haqda Ədliyyə Nazirliyində ictimai iştirakçılıq və şəffaflıq mövzusunda keçirilən canlı yayımda İctimai Komitənin koordinatoru, Beynəlxalq İnsan Hüquqları Cəmiyyəti Azərbaycan Milli Bölməsinin rəhbəri Səadət Bənənyarlı məlumat verib.

Nazirlik rəsmisinin sözlərinə görə, ötən ayın sonuna olan rəqəmlərə görə, həmin şəxslərin 983 nəfəri ancaq pandemiya dövründə azadlığa çıxan məhkumlardır.

Qeyd edək ki, bundan öncə də ölkə başçısının sərəncamı ilə yaşı 65-dən yuxarı olan 176 məhkum azadlığa çıxıb.

0
Əlaqədar
Beş minə yaxın məhkuma elektron nəzarət vasitələri tətbiq edilib
Koronavirusa yoluxan məhbusların hamısı sağalıb - Ədliyyə Nazirliyi
Penitensiar müəssisələrdə epidemioloji cəhətdən gərgin mühit yoxdur
Həbsə alternativlər: kimlərin cəzası yumşaldılıb?
Tüstü, arxiv şəkli

Havanı çirkləndirən sexin sahibi cəzalanıb

1
(Yenilənib 10:58 10.08.2020)
Obyekt sahibinə sexdə təmizləyici qurğunun quraşdırılması üçün icrası məcburi olan "məcburi göstəriş" verilib

BAKI, 10 avqust — Sputnik. Dövlət Ekoloji Təhlükəsizlik Xidmətinin əməkdaşları tərəfindən Beyləqan rayonunun Milabad qəsəbəsində fəaliyyət göstərən istehsal sexindən atmosferə normadan artıq tullantı atıldığı aşkar edilib.

Bu barədə Sputnik Azərbaycan-a Ekologiya və Təbii Sərvətlər Nazirliyindən məlumat verilib.

Bildirilib ki, faktla bağlı sexin sahibi Vüqar Ağalıyev barəsində protokol tərtib edilib və o, 2500 manat məbləğində cərimə olunub. Obyekt sahibinə sexdə təmizləyici qurğunun quraşdırılması üçün icrası məcburi olan "məcburi göstəriş" verilib.

1
Əlaqədar
Xəzəri çirkləndirənlər kimlərdir? Nazirliyin rəsmisi həyəcan təbili çalır
İlin hər fəslində təhlükəylə üz-üzəyik: qapıya asılanı yiyəsi vaxtında aparsa...
Təmizlik və yetmiş milyard dollar - həyata keçsə, yaşadıq
Üzünə həsrət qaldığımız təbiət: Bizə cəllad lazım deyil, özümüz özümüzü məhv edəcəyik
Zibilinizi yığışdırın! Yoxsa özünüz də zibilə düşə bilərsiz