Dövlət Baytarlıq Xidməti diri heyvan satışı bazarlarında dezinfeksiya tədbirləri aparıb

Heyvan satışı bazarları dezinfeksiya olunub

14
(Yenilənib 14:32 10.10.2018)
Kənd təsərrüfatı heyvanları saxlanılan, bəslənilən və satışı aparılan obyektlərdə dezinfeksiya tədbirləri Tarif Şurasının 2007-ci il 26 iyul tarixli 17 saylı qərarı ilə müəyyən edilmiş tariflərə uyğun aparılır

BAKI, 10 oktyabr — Sputnik. Kənd Təsərrüfatı Nazirliyi yanında Dövlət Baytarlıq Xidməti (DBX) tərəfindən ölkə ərazisində mövcud olan epizootik sabitliyin təmin edilməsi və zoonoz xəstəliklərin qarşısının alınması istiqamətində həyata keçirilən tədbirlər çərçivəsində diri heyvanların satışı aparılan bazarlarda dezinfeksiya, dezinseksiya və deratizasiya tədbirlərinin həyata keçirilməsinə zərurət yaranması ilə əlaqədar rayonların icra hakimiyyəti başçılarına müraciət ünvanlanıb.

Qəfəsdə toyuqlar, arxiv şəkli
© Foto : Dövlət Baytarlıq Nəzarəti Xidməti

DBX-dən Sputnik Azərbaycan-a verilən məlumata görə, bu müraciətlə əlaqədar Sabirabad və Xaçmaz rayonlarında yerləşən diri heyvanların satışı aparılan bazarlarında dezinfeksiya tədbiri həyata keçirilir. 

Sabirabad və Xaçmaz rayonlarının diri heyvan bazarlarında profilaktik dezinfeksiya "Almerdehyde" "Ektosan" və 5 faizli kaustik soda məhlulları ilə aparılıb. Dezinfeksiya məhlulları əraziyə DUK maşınları ilə güclü axın şəkilində və avtomatik səyyar çiləyiçilərlə səpilib. Obyektlər dezinfeksiyadan sonra təsərrüfat sahiblərinin istifadəsinə verilib.

Qeyd edək ki, kənd təsərrüfatı heyvanları saxlanılan, bəslənilən və satışı aparılan obyektlərdə dezinfeksiya, dezinseksiya və deratizasiya tədbirləri Tarif (qiymət) Şurasının 2007-ci il 26 iyul tarixli 17 saylı qərarı ilə müəyyən edilmiş tariflərə uyğun aparılır.

Dezinfeksiya, dezinseksiya və deratizasiya işləri hər həftə həyata keçirilir və heyvan satışı yekunlaşdıqdan və ərazidə mexaniki təmizlik işləri aparıldıqdan sonra icra edilir.

Dövlət Baytarlıq Xidməti bildirir ki, cari ilin ötən 9 ayı ərzində respublikada 3.615.703,13 kvadratmetr sahə profilaktik, 437.129 kvadratmetr sahə məcburi dezinfeksiya, 208.560.4 kvadratmetr sahə dezinseksiya və 3680 kvadratmetr sahə deratizasiya tədbirlərinə cəlb edilib. Hazırda ölkə ərazisində epizootik durum sabitdir və təşkilati-təsərrüfat tədbirləri davam etdirilir.

14
Teqlər:
heyvan bazarı, Dövlət Baytarlıq Xidməti, dezinfeksiya, Kənd Təsərrüfatı Nazirliyi, Tarif Şurası
Əlaqədar
Baytarlıq Xidməti xəbərdarlıq etdi
Baytarlıq Xidmətindən əhaliyə xəbərdarlıq: virus yayılıb
Baytarlıq Nəzarəti Xidməti saxta yumurta ilə bağlı əhaliyə müraciət edib
Sumqayıt Baytarlıq İdarəsi ilə bağlı materiallar prokurorluğa göndərilib
Azərbaycanda özəl baytarlıq xidməti fəaliyyət göstərəcək
Dövlət Baytarlıq Xidməti Gürcüstan qadağasından danışdı
Dövlət Baytarlıq Nəzarəti Xidmətinin rəisi vəzifəsindən azad edilib