Həblər, arxiv şəkli

D vitamini haqqında mif dağıdıldı

537
(Yenilənib 04:57 09.10.2018)
Əlavələr şəklində qəbul edilən D vitamini sümüklərin qırılması hallarının azaltmır və sümük toxumalarının sıxlığını artırmır

BAKI, 9 oktyabr — Sputnik. Oklend və Aberdin universitetlərinin mütəxəssisləri D vitamininin insanın sümüklərinin bərkiməsində heç bir rol oynamadığını qeyd ediblər.

Sputnik Azərbaycan Rusiya mətbuatına istinadla xəbər verir ki, alimlərin bu kəşfinə qədər D vitamininin sümüklərin bərkiməsinə kömək etdiyi deyilirdi. Guya ki, bu vitamin mədə-bağırsaq traktında kalsium və maqneziumun birləşdirilməsi funksiyasını yerinə yetirirmiş. Ona görə də, mütəxəssislər D vitamin ilə yanaşı kalsiumun də qəbul edilməsini məsləhət görürlər.

Məlum olub ki, şimal ərazilərində yaşayan insanlar günəş şüalarını az gördükləri və orqanizmlərində D vitamini çatışmadığı üçün bioloji aktiv əlavələrdən istifadə edirlər. Amma aparılan araşdırmalar göstərib ki, əlavələr şəklində qəbul edilən D vitamini sümüklərin qırılması hallarının azaltmır və sümük toxumalarının sıxlığını artırmır.

D vitaminini yalnız təbii halda qəbul etməklə istənilən effektə nail olmaq olar. Bunlara günəş şüaları, dəniz məhsulları, balıq yağı, göbələk və s. daxildir.

537
Teqlər:
kalsium, mədə-bağırsaq traktı, sümük, mif, D vitamini
Dilarə Kazımova, arxiv şəkli

"Avroviziya" mahnı müsabiqəsinin iştirakçısından "Azərbaycanım" - VİDEO

1
Bir neçə həftə öncə ermənilərin şikayəti nəticəsində "Youtube" kanalı bağlanan ifaçı buna məhəl qoymayaraq sosial mediada yeni işini paylaşıb.

BAKI, 23 noyabr — Sputnik. Müğənni Dilarə Kazımova vətənimizin qələbə qazanması münasibətilə yeni mahnısı "Azərbaycanım"ı təqdim edib.

Sputnik Azərbaycan xəbər verir ki, bir neçə həftə öncə ermənilərin şikayəti nəticəsində "Youtube" kanalı bağlanan ifaçı buna məhəl qoymayaraq yeni işini özünün "Instagram" səhifəsində paylaşıb.

Посмотреть эту публикацию в Instagram

Публикация от D I L A R A (@dilarakazimova)

Musiqisi Faiq Sücəddinov, sözləri Baba Vəziroğluya aid olan iş barədə Dilarə fikirlərini belə ifadə edib: "İnformasiya cəbhəsində vuruşanda eyni zamanda mahnı ilə dəstək olmaq istəyirdim. Öz töhfəmi musiqi ilə, səsimlə vermək niyyətində idim. Faiq Sücəddinov zəng etdi ki, sənin səsinə uyğun mahnı var. Mən çox bəyəndim. Bu mahnının sözləri çox gözəldir, inam və ümid verəndir. İşğaldan azad olunmuş torpaqlara həyatın, baharın gəlməsini tərənnüm edir. Stimul verir. Həmin torpaqların əvvəlki halından daha gözəl olacağından bəhs edir".

D.Kazımova mahnı üçün kamera qarşısına da keçib. O, Gülnarə Xəlilovanın "Xalçaların dili" kolleksiyasından libas geyinib.

Qeyd edək ki, mahnının aranjmanı Camal Qurbanov, miks və soundu isə Samir Əsədova məxsusdur.

1
Teqlər:
müsabiqə, Dilarə Kazımova, qələbə, mahnı
Mövzu:
Azərbaycan və Ermənistan arasında müharibə
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

4
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

4
Teqlər:
sülhməramlılar, Rusiya, Mina