Maqnit qasırğası, arxiv şəkli

Maqnit fırtınası gözlənilir

300
(Yenilənib 05:05 09.10.2018)
Xatırladaq ki, ən böyük maqnit fırtınası bu ilin avqust ayının 26-da baş verib

BAKI, 9 oktyabr — Sputnik. Oktyabrda Yer üzündə maqnit fırtınası müşahidə ediləcək. Sputnik Azərbaycan Rusiya mətbuatına istinadla xəbər verir ki, oktyabrın 8-11 və 18-20 tarixlərində maqnit fırtınası gözlənilir.

Məlumata görə, oktyabrın 8-də başlayacaq geomaqnit fırtınası xüsusilə hiss ediləcək. Belə ki, onun intensivliyi 5 ballıq şkala üzrə 2 bal olacaq.

Bu günlərdə meteohəssas insanlarda baş ağrısı, gərginlik, emosional qeyri-sabitlik, gücün azalması kimi əlamətlər müşahidə edilə bilər.

Mütəxəssislər məsləhət görür ki, bu günlərdə meteohəssas insanlar fiziki ağırlıq tələb edən işlərdən uzaq olmalı, daha çox açıq səma altında zaman keçirməlidir.

Maqnit fırtınası elektron əşyalar üçün də təhlükəlidir.

Xatırladaq ki, ən böyük maqnit fırtınası bu ilin avqust ayının 26-da baş verib. O anidən başlayıb və alimlərin proqnozlaşdırdığı müddətdən daha çox davam edib.

300
Teqlər:
maqnit fırtınası, meteohəssas insan, baş ağrısı, gərginlik, Yer
Muse rok qrupu, arxiv şəkli

Dünyaca məşhur rok qrupu bu dəfə özünü kino sahəsində sınadı

3
(Yenilənib 00:00 14.08.2020)
Sözügedən film premyerası 17 avqustda kinoteatrlarda baş tutacaq. Filmin premyerası IMAX formatında olacaq.

BAKI, 13 avqust — Sputnik. Böyük Britaniyanın ən populyar rok qrupu "Muse" sirli virus haqqında film çəkib. Məşhur qrup yeni filmi rokla elmi fantastikanın sintezi şəklində çəkməyi qərara alıb.

Filmin rejissoru Lens Dreykdir. Süjet xətti isə paranormal hadisələrin mənbəyini öyrənən bir qrup alimin hekayəsinə əsaslanır.

Sözügedən film premyerası 17 avqustda kinoteatrlarda baş tutacaq. Filmin premyerası IMAX formatında olacaq. Daha sonra filmə 21 avqust tarixindən etibarən media platformalarında baxıla bilər.

"Bu layihəni çox uzun müddət hazırladığımız üçün inanılmaz dərəcədə həyəcan keçiririk" - deyə qrup öz instaqram səhifəsində qeyd edib.

Qeyd edək ki, qrup 1994-ci ildən fəaliyyət göstərir. Ötən il baş tutan musiqi turu çərçivəsində qrup dünyanın 28 şəhərində konsert verib. Bu, qrupun ən uzun davam edən musiqi turu olub.

3
Bakı metrosu, arxiv şəkli

Bu quruma işçilər lazımdır

22
"Bakı Metropoliteni" Qapalı Səhmdar Cəmiyyəti "sərnişin platforması üzrə növbətçi" (HSPN) vəzifəsinə işçi qəbulu elan edir.

BAKI, 13 avqust — Sputnik. Sərnişin platforması üzrə növbətçi vəzifəsinə işçi qəbulu elan edilir. Bu barədə "Bakı Metropoliteni" Qapalı SƏhmdar Cəmiyyətindən Sputnik Azərbaycan-a verilən məlumatda bildirilib. Qeyd olunub ki, ərizə qəbulu cari ilin avqust ayının 31-dək"Bakı Metropoliteni" Qapalı Səhmdar Cəmiyyəti "sərnişin platforması üzrə növbətçi" (HSPN) vəzifəsinə işçi qəbulu elan edir.

Müsabiqədə iştirak etmək istəyənlərə əsas tələblər aşağıdakılardır:

- təhsil: ali və ya texniki peşə

- yaş həddi: 30 yaşına qədər

- hərbi bilet (yararlılıq kateqoriyası ilə kişi namizədlər üçün)

- boy: qadın namizədlər üçün 165 sm və daha uca, kişi namizədlər üçün 170 sm və daha uca.

Seçim müsahibə və psixoloji testlərin keçirilməsi yolu ilə aparılacaq. Seçilmiş namizədlər tibbi yoxlamadan keçməklə 1 (bir) ay müddətinə xüsusi hazırlıq kursuna buraxılaca1qlar.

Kursu müvəffəqiyyətlə başa vuran iddiaçılar test imtahanına cəlb olunacaqlar.

Yüksək bal toplayanlar praktiki təlimlərdə iştirak edərək, "sərnişin platforması üzrə növbətçi" (HSPN) vəzifəsinə qəbul ediləcəklər.

İddiaçılar "Bakı Metropoliteni" QSC-nin rəsmi veb-səhifəsinin "Karyera və əməkdaşlıq" bölməsinə daxil olaraq, "Bizdə iş" yarımbölməsində elektron müraciət formasını doldurmalıdırlar.

Elektron müraciət doldurularkən, iddia etdiyiniz vəzifə kimi "platforma növbətçisi" yazılmalıdır.

Elektron ərizələr 31 avqust 2020-ci il tarixinə qədər qəbul edilir.

22