BAKI, 8 oktyabr — Sputnik. Ermənistan baş naziri Nikol Paşinyan hələlik Azərbaycan prezidenti İlham Əliyevlə operativ əlaqə yaratmayıb. Sputnik Ermənistan xəbər verir ki, bunu Nikol Paşinyan jurnalistlərə açıqlamasında bildirib.
Düşənbədə keçirilən MDB dövlət başçıları sammitindən sonra Paşinyan bildirmişdi ki, "blitz" görüş zamanı operativ əlaqə yaratmaq barədə qərar qəbul edilib.
Ötən həftə parlamentdə hökumət saatı zamanı Respublika Partiyasından olan deputat Armen Aşotyanın sualını cavablandıran Paşinyan bəyan etmişdi ki, əlaqə hələ yaradılmayıb, lakin bu istiqamətdə işlər aparılır.
