CƏMİYYƏT
Cəmiyyətin həyatında baş verən aktual hadisələr

Paytaxt sakinlərinin kütləvi şikayəti nəticə verdi, ümumi bəlaya qarşı mübarizə başladı

© Azəryolservis ASC-nin mətbuat xidmətiŞamaxinkada parkinqin ləğv edilməsi
Şamaxinkada parkinqin ləğv edilməsi - Sputnik Azərbaycan
Abunə olmaq
İctimai davranış qaydalarını pozan sürücülər barəsində ciddi tədbirlər görülür

BAKI, 8 oktyabr — Sputnik. Bakı Şəhər Baş Polis İdarəsi (BŞBPİ) Dövlət Yol Polisi İdarəsi (DYPİ) qanunsuz taksi fəaliyyəti ilə məşğul olanlara qarşı aparılan mübarizəyə dair məlumat yayıb. Bu barədə Sputnik Azərbaycan-a qurumun mətbuat xidmətindən məlumat verilib.

Такси в Баку, фото из архива - Sputnik Azərbaycan
CƏMİYYƏT
Bakıda kütləvi taksi şoku yaşanıb, məsul qurum sərt tədbirlərə əl atacaq

Bildirilib ki, son vaxtlar Bakıda nəqliyyatın hərəkətində yaranan sıxlığın əsas səbəblərindən biri də qanunsuz taksi fəaliyyəti ilə məşğul olanların qanunsuz hərəkətləridir: "Artıq iş o yerə çatıb ki, vətəndaşlar da taksi sürücülərinin qanunsuz əməlləri barədə polisə şikayətlər edirlər. Taksi sürücüləri tərəfindən dayanma-durma qaydalarının pozulması, xüsusən avtobus dayanacaqlarının zəbt edilməsi adi hala çevrilib. Bütün bunlar vətəndaşların, sürücülərin, bütövlükdə hər bir hərəkət iştirakçısının haqlı narazılığına səbəb olur".

BŞBPİ DYPİ vətəndaşların müraciətlərini, bu sahədə qayda-qanunun bərpasını nəzərə alaraq qanunsuz taksi fəaliyyəti ilə məşğul olanlara qarşı mübarizəyə başlayıb: "Mübarizə tədbirləri çərçivəsində metronun "20 Yanvar", "İnşaatçılar" stansiyalarının, 3-cü mikrorayon dairəsinin, iri ticarət və təhsil müəssisələrinin ətrafında qanunsuz olaraq taksi fəaliyyəti ilə məşğul olan, digər hərəkət iştirakçılarına maneə törədən, küçədən keçən insanlara qarşı qeyri-etik ifadələr işlədən, ictimai davranış qaydalarını pozan sürücülər barəsində ciddi tədbirlər görülür".

"Onların sənədləri yoxlanılarkən aylardır heç bir fərqlənmə nişanı olmadan taksi fəaliyyəti ilə məşğul olduqları üzə çıxıb. Bəzilərinin idarə etdiyi avtomobilin texniki cəhətdən nasaz olduğu, təhlükə yaratdığı da üzə çıxıb. Digər müvafiq sənədlər olmadan taksi fəaliyyəti göstərən şəxslərə də rast gəlinib. Artıq son 3 gün ərzində Bakı şəhər DYPİ-nin əməkdaşları 100-dən artıq taksi sürücüsü ilə bağlı inzibati qaydada tədbirlər görüb" — deyə İdarədən bildirilib.

Yol polisi taksi fəaliyyəti ilə məşğul olan fiziki və hüquqi şəxslərin diqqətinə çatdırır ki, bu sahədə nizam-intizamın yaradılması olduqca vacibdir: "Hər sürücülük vəsiqəsi olan şəxs taksi sürücüsü ola bilməz. Taksi sürücüsü avtomobili daim saz vəziyyətdə saxlamalıdır. Onlar müvafiq nişanlar nişanlanmış yerlərdə dayanıb taksi fəaliyyəti ilə məşğul olmalıdırlar. Qanunla nəzərdə tutulan yerlərdə maşın saxlamaq, yoldan keçənlərə qarşı qeyri-etik hərəkətlər etmək, sürücülərin, piyadaların yolunu kəsərək sıxlıq yaratmaq qanunsuzdur və yol polisi bu cür əməllərə qarşı mübarizəni bundan sonra da davam etdirəcək".

Qeyd olunub ki, yol polisi tərəfindən mütamadi olaraq taksi fəaliyyəti ilə məşğul olan sürücülərin hüquq və vəzifələri barədə məlumatların çatdırılmasına baxmayaraq, hələ də fərqlənmə nişanı olmadan qanunsuz fəaliyyətlə məşğul olan sürücülər müəyyən olunur: "Onlarla yerlərdə profiklatiki söhbətlər aparılır, xətanın ictimai təhlükəliliyi izah olunur, ümumi qanunvericiliyin tələbləri ilə bağlı izahat işləri aparılır. Hər bir hərəkət iştirakçısı, xüsusilə sürücülər yollarında qanunlara həssas yanaşmalıdır, müvafiq tələblərə ciddi şəkildə əməl etməli, dövlətin və cəmiyyətin maraqları naminə, öz hüquq və vəzifələrini keyfiyyətlə və səmərəli yerinə yetirməyə borcludur. Bu, ictimai etimad və hörməti doğruldur, cəmiyyətə, ətraf mühitə hörmət və qayğı hissi aşılayır".

"Avtomobil yollarında süni sıxlıq yaradan, dayanma-durma qaydalarının pozan, avtobus dayanacaqlarını, piyada səkilərini zəbt etməklə qanunsuz taksi xidməti göstərən şəxslərin əməlləri ictimai, həm də sosial məsuliyyət yaradır. Hər bir hərəkət iştirakçısına tövsiyyə edirik ki, yollarda digər insanların qanunla qorunan maraqlarına ehtiramla yanaşsınlar" — DYP vurğulayıb.

Xəbər lenti
0