Bakıda nəqliyyatın hərəkəti, arxiv şəkli

Sürücülərə xəbərdarlıq edildi, külək var, ehtiyatlı olun

67
(Yenilənib 20:53 05.10.2018)
Daha vacib bir məqam isə avtomobili idarə edərkən sürücülərin üzləşdiyi problemdir

BAKI, 5 oktyabr — Sputnik. Son günlər respublikanın bir çox yerlərində, eləcə də Bakı şəhərində güclü külək müşahidə olunur. Belə hava şəraitində istər piyadaların, istərsə də avtomobil sahiblərinin problemləri çoxalır. Əsasən avtomobillərin üzərinə ağaclar qoparaq aşır və bu da ağır nəticələrə gətirib çıxarır.

Yol-nəqliyyat eksperti Elməddin Muradlı Sputnik Azərbaycan-a açıqlamasında küləkli hava şəraitində necə davranmaq barədə bəzi tövsiyələr verib. O bildirib ki, ilk növbədə avtomobili park edən zaman yaxınlıqda iri gövdəli ağacın olub-olmamasına diqqət etmək lazımdır: "Xüsusilə yaşlı və üzərində ağır budaqları olan ağaclar daha təhlükəlidir. Hündür divarlardan avtomobili kənar saxlamaq lazımdır. Binaların qarşısında, balkonların altında avtomobil saxlamaq tövsiyə edilmir. Çünki balkonlardan düşən hansısa əşya və ya yüngül örtüklər avtomobilə ziyan vura bilər. Bundan əlavə, avtomobili yol nişanlarına, avtobus dayanacaqları və digər yüngül konstruksiyalı tikililərə yaxın məsafələrdə saxlamaq olmaz. Çünki güclü külək onları dağıdır və tullantılar ətrafa səpələnir".

Ekspert qeyd edib ki, daha vacib bir məqam isə avtomobili idarə edərkən sürücülərin üzləşdiyi problemdir.

"Xüsusən magistral yollarda, yaşayış məntəqələrindən kənarda güclü külək bəzən az qalır sükanı sürücünün əlindən alsın. Bəzi sürücülər avtomat ötürücü qutusu olan maşını bir əllə idarə edir. Bu da təhlükə yarada bilər. Çünki güclü külək bir anda avtomobilin idarəetməsini itirməsinə səbəb olar. 30-40 sm sağa və ya sola manevr hansısa yol-nəqliyyat hadisələrinə səbəb ola bilər. Odur ki, belə yollarda avtomobili iki əllə idarə etmək lazımdır. Oturacağa yayılmaq yox, şux oturaraq sükana hakim olmaq lazımdır. Bir məqama da diqqət eləmək lazımdır. Meşəlik və əkin sahələrinə yaxın yollarda, eləcə də payız aylarında qurumuş yarpaqların, otların toplandığı yol kənarlarına siqaret kötüyü atmaq olmaz. Birincisi, qanunla maşından küçəyə hər hansı əşya atmaq qadağandır. Digər tərəfdən isə sizin atdığınız siqaret kötüyü küləkli havada daha tez yanğına səbəb ola bilər" – deyə o bildirib.

67
Teqlər:
avtomobil, Elməddin Muradlı, məsləhət, sürücü, külək
Moskvada koronavirusa yoluxanan xəstələrin müalicə aldığı hospital

Bir gündə 5 min yoluxma: Rusiyada ölənlərin sayı artır

0
(Yenilənib 12:21 04.08.2020)
Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib

BAKI, 4 avqust — Sputnik. Son bir sutka ərzində Rusiyada 5159 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 144 nəfər ölüb.

Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib. Bir sutka ərzində virusdan sağalanların sayı isə 7878 nəfər olub. Bununla da bu ölkədə virusdan sağalanların sayı 661471-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,2 milyonu keçib, 693 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Dalğalar

Xəzərdə dalğaların hündürlüyü 5 metrə çatıb - Faktiki hava

3
(Yenilənib 12:06 04.08.2020)
Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

BAKI, 4 iyul – Sputnik. Faktiki hava açıqlanıb.

Milli Hidrometeorologiya Xidmətindən Sputnik Azərbaycan-a bildirilib ki, avqustun 4-ü  səhərədək olan məlumata əsasən ölkə ərazisində qeyri-sabit hava şəraiti davam edib, şimşək çaxıb, arabir yağış yağıb, bəzi yerlərdə leysan xarakterli intensiv olub, şimal-qərb küləyi güclənib. 

Düşən yağıntının miqdarı Ağdərədə (Ordubad) 22 mm, Astarada 16 mm, Salyanda 10 mm, Lerikdə 8 mm, Beyləqanda 6 mm, Biləsuvarda 5 mm, Qubada 4 mm, Daşkəsən, Göygöl, Balakən, Qrız, Xınalıqda 3 mm, Gədəbəy, Ağdam, Qəbələ, Qusar, Neftçala, Yardımlı, Lənkəran, Ağsuda 2 mm, Sumqayıt, Bakı, Maştağa, Pirallahı, Naftalan, Şəmkir, Zaqatala, Şəki, İsmayıllı, Şamaxı, Altıağac, Xaltan, Yevlax, Göyçay, İmişli, Sabirabad, Cəfərxan, Qazıməmməd, Kişçay (Şəki), Şabran, Nabran, Şahdağda 1 mm olub. Yağan leysan xarakterli yağış nəticəsində avqustun 3-də Talaçay Zaqatala və Əyriçay Başdaşağıl məntəqələrindən sel keçib.

Şimal-qərb küləyi gün ərzində arabir Neftçalada 26 m/s, Naftalanda 23 m/s, Bakı, Qum adasında 28 m/s, Maştağada 25 m/s, Çilov adasında 23 m/s, Ələt, Pirallahıda 20 m/s, Sumqayıt, Binədə 19 m/s, Neft Daşlarında 23 m/s-dək güclənib. Neft Daşları stansiyasının məlumatına əsasən dalğanın hündürlüyü 5 metrə çatıb. 

Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

3