KİV nümayəndələrinə “uşaqlarla bağlı informasiya hazırlanmasının şərtləri” mövzusunda təlim keçirilib

Orta məktəblərdə informasiya fənninin tədris olunması təklif olunur

137
(Yenilənib 19:09 27.09.2018)
KİV nümayəndələrinə "uşaq hüquqları ilə bağlı informasiya hazırlanmasının şərtləri" mövzusunda təlim keçirilib

BAKI, 27 sentyabr — Sputnik. Azərbaycanda cinayət törətmiş və məhkum edilən uşaqların sayı artıb. Rəsmi məlumata görə, ötən il ölkəmizdə 323 nəfər 14-17 yaşlı uşaq törətdiyi cinayətə görə məhkum olunub. 2016-cı ildə bu göstərici 261, 2015-ci ildə 286, 2010-cu ildə 238 olub. Ötən il cinayət törətmiş şəxslərin 486-sı 14-17 yaşlı uşaqlar olub. 2016-cı ildə cinayət törədən uşaqların sayı 442, 2015-ci ildə 477, 2010-cu ildə 439 olub. 2017-ci ildə 14-17 yaşlı uşaqlar və onların iştirakı ilə 532 cinayət (2016-cı ildə 395, 2015-ci ildə 467, 2010-cu ildə 375) törədilib.

Rəqəmlərə nəzər saldıqda aydın görünür ki, uşaq cinayətlərinin səviyyəsi ildən-ilə artmaqdadır. Bu fakt artıq onu deməyə əsas verir ki, uşaqlarla işləyən dövlət və qeyri-hökumət təşkilatları problemin daha geniş vüsət almasının qarşısını almaq üçün əməli tədbirlər həyata keçirməlidir. Bunun üçün, əlbəttə ki, əvvəlcə problemin qaynaqlandığı səbəblər araşdırılmalıdır, daha sonra ona uyğun işlər görülməlidir.

KİV nümayəndələrinə “uşaqlarla bağlı informasiya hazırlanmasının şərtləri” mövzusunda təlim keçirilib
KİV nümayəndələrinə “uşaqlarla bağlı informasiya hazırlanmasının şərtləri” mövzusunda təlim keçirilib

Ekspertlər hesab edirlər ki, uşaq cinayətlərinin artmasında bir neçə amilin rolu var: ailədaxili münaqişələr, həmçinin iqtisadi, sosial, təhsil, psixoloji məsələlər, uşaqların asudə vaxtlarının səmərəli təşkil olunmaması, uşaqlara nəzarətin azalması və s. Bu səbəblərin ən başında isə uşaqların internetin zərərlərindən daha çox yararlanması, yəni İKT-nin inkişafının durduğu qeyd olunur.

Bir çox mütəxəssis, həmçinin əksər valideynlər uşaq cinayətləri faktlarının çoxalmasında KİV-lərin də rolunun olduğunu qeyd edirlər. Belə ki, bəzi media nümayəndələri, həmçinin media qurumları fərqinə varmadan və ya bilərəkdən, sadəcə oxucu toplamaq naminə uşaqları cinayətə sövq etdirən xəbərlər tirajlayırlar.

Maraqlıdır, KİV nümayəndələri, sosial və ənənənəvi media təmsilçiləri uşaqlarla bağlı xəbərləri, reportajları, müsahibələri, verilişləri hazırlayarkən nələrə diqqət yetirməlidirlər, hansı amilləri nəzərə almalıdırlar? Ümumiyyətlə ölkə KİV-lərində uşaq hüquqları necə qorunmalıdır?

Sputnik Azərbaycan xəbər verir ki, bu günlərdə Almaniya Beynəlxalq Əməkdaşlıq Cəmiyyəti (GİZ) məhz jurnalistləri məhz bu mövzuda maarifləndirmək məqsədilə təlim keçirdi. GİZ-in "Cənubi Qafqazda hüquq sahəsində Avropa standartlarına yaxınlaşma" regional proqramı çərçivəsində keçirilən təlimin mövzusu "Media və uşaq hüquqları: uşaqlar haqqında informasiya hazırlanmasının şərtləri"ndən ibarət idi. Ölkənin bir sıra aparıcı media qurumlarının nümayəndələrinin iştirak etdiyi iki günlük təlimin təlimçisi Jurnalistlərin Həmkarlar İttifaqının (JuHİ)sədri, Azərbaycan Mətbuat Şurasının sədr müavini Müşfiq Ələsgərli oldu.

Təlimin birinci günündə əvvəlcə mövzuya giriş verildi, ümumiyyətlə, uşaq anlayışı nədir, insan neçə yaşdan hansı yaşa qədər uşaq sayılır, uşağın nə kimi hüquqları var və s. məsələlərə jurnalistlərlə birlikdə aydınlıq gətirildi.

Daha sonra uşaq cinayətlərinin statistikası açıqlandı və artma səbəbləri üzərində müzakirələr aparıldı. Uşaq cinayətlərinin aradan qaldırılması yolları araşdırıldı. Belə bir nəticəyə gəlindi ki, bu məsələdə əsas iş medianın üzərinə düşür. Media təmsilçiləri həm öz fəaliyyətində uşaq cinayətlərini artıracaq nüanslara diqqət yetirməlidirlər. Həm də öz işlərini maarifləndirici formada qurmalıdırlar ki, uşaqlar cinayətdən yayınsın, elmə-təhsilə, peşəyə, idmana yönəlsinlər. 

Bundan sonra isə təlim iştirakçıları ilə birlikdə, uşaqlarla bağlı baş vermiş hadisələrin hazırlanma üsulları müzakirə olundu. Cinayət törətmiş və ya cinayət qurbanı olunmuş uşaqlarla bağlı sosial mediada, həmçinin TV-lərdə yayımlanmış bəzi xəbərlər analiz edildi.

Daha sonra uşaqlarımızı internet informasiya resurslarında — sosial şəbəkələrdə, sosial mediada yayılmış yararsız, zərərli informasiyadan qorumağın yolları ətrafında geniş fikir mübadiləsi aparıldı. Təklif olundu ki, uşaqların sosial şəbəkələrin zəzərlərindən qorumaq üçün dünya ölkələrinin təcrübələrindən istifadə olunması məqsədəuyğundur. Məsələn, internetə xüsusi filtirasiya qoyulmalı və ya sosial şəbəkələrdə hesab açmaq üçün mütləq bank kartı olmalıdır. Müşfiq Ələsgərli bildirdi ki, Mətbuat Şurası da uşaqları zərərli informasiyadan qorumaq üçün yollar axtarır. Şura tərəfindən bu məqsədlə orta məktəblərdə informasiya dərsinin keçirilməsi təklif edilib.

Təlimin ikinci günündə isə uşaq haqları və onun qorunmasının hüquqi əsasları ətrafında danışıldı. Uşaqların malik olduğu müstəsna hüquqlar və hüquqi normalar, uşaq hüquqlarını qoruyan beynəlxalq normalar, uşaq hüquqlarını təminat altına alan yerli qanunvericilik, KİV-də uşaq hüquqlarının qorunmasını tənzimləyin qanunlar nəzərə çatdırıldı. Həmçinin ənənəvi KİV-də və internet informasiya resurslarında, sosial şəbəkələrdə uşaqlar haqqında informasiya verilməsinin mövcud durumu, jurnalistlərin peşə davranışı qaydaları və uşaq haqları mövzusunda geniş fikir mübadiləsi aparıldı.
Sonda təlimin iştirakçıları arasında keçirilənləri möhkəmləndirmək məqsədilə praktiki iş həyata keçirilib. Jurnalistlər tərəfindən hazırlanmış materiallar əsasında bilikləri qiymətləndirilib.

Təlimin sonunda GİZ-in nümayəndəsi Şakir Səfərbəyov bildirdi ki, hər zaman jurnalistləri maraqlandıran mövzularda təlimlər keçirməyə hazırdırlar. Və jurnalistlərə müraciət etdi ki, gələcəkdə təlim keçirilməsini istədikləri mövzularla bağlı onlara müraciət edə bilərlər.

Qeyd edək ki, təlimdə Sputnik Azərbaycan-ın əməkdaşı da iştirak edib.

137
Teqlər:
GİZ, uşaq hüquqları, təlim, Sputnik Azərbaycan, cinayət
Əlaqədar
Azərbaycanda uşaq hüquqları necə qorunur?
Uşaq meydançasında narkotik maddə gizlədən həbs edildi
Dərsə gedən bir uşaq... - Məktəbə getmək istəməyən uşaqla necə rəftar etməli?
Həkimlər üçün oyuncaq-uşaq yaratdılar: Ağlaya, qorxa və anasını çağıra bilir
Bakıda böyüklərin təqib etdiyi uşaq kimdir: Ortada elə bir şübhə var ki...
 İranda epdimioloji vəziyyət

İranda bir gündə 150-dən çox şəxs koronavirusdan öldü

3
(Yenilənib 00:14 04.07.2020)
Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb

BAKI, 4 iyul — Sputnik. İranda koronavirusa yoluxanların sayı bir gün ərzində 2566 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

Hospitalda koronavirus xəstəsinin yoxlanılması
© Sputnik / Vladimir Astapkovich

"Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb. Bir gün ərzində 154 nəfər virusdan ölüb, bununla da ölkədə koronavirusdan ölənlərin sayı 11260-a çatıb", - deyə məlumatda bildirilib.

O həmçinin qeyd edib ki, virusa yoluxan 235429 şəxsdən 196,5 mindən çoxu sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 10,8 milyonu keçib, 521 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

3
Mövzu:
Dünyanı cənginə almış bəla

Sərt karantin başladı: Metro dayandı, avtobuslar 2 gün işləməyəcək

31
Nazirlər Kabineti yanında Operativ Qərargahın qərarına əsasən, Bakı metrosu 2020-ci il 4 iyul saat 00:00-dan 20 iyul saat 06:00-dək işləməyəcək.

BAKI, 4 iyul – Sputnik. Bakıda xüsusi karantin rejiminin 5 iyul saat 06:00-dan 20 iyul saat 06:00-dək uzadılması ilə əlaqədar metropolitenin fəaliyyəti dayandırılıb. Xüsusi karantin rejiminin uzadılması ilə əlaqədar ictimai nəqliyyatın fəaliyyətinə məhdudiyyət tətbiq edilib.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, Bakı metrosu 2020-ci il 4 iyul saat 00:00-dan 20 iyul saat 06:00-dək işləməyəcək.

Tibb işçisi Dövlət Gömrük Komitəsinin hospitalında, arxiv şəkli
© Photo : The State Customs Committee of AR

Nazirlər Kabineti yanında Operativ Qərargahın qərarına əsasən, xüsusi karantin rejiminin sərtləşdirildiyi Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda aşağıdakı tarixlərdə həftəsonları bütün ictimai nəqliyyatın hərəkəti dayandırılıb:

4 iyul saat 00:00-dan 6 iyul saat 06:00-dək;

11 iyul saat 00:00-dan 13 iyul saat 06:00-dək;

18 iyul 00:00-dan 20 iyul saat 06:00-dək.

Qərarla əlaqədar bu gün saat 00:00-dan 6 iyul saat 06:00-dək ictimai nəqliyyatın fəaliyyəti qadağan edilib.

Qeyd edək ki, Operativ Qərargahın qərarı ilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejiminin 2020-ci il 5 iyul saat 06:00-dan 20 iyul saat 06:00-dək uzadılması ilə əlaqədar ictimai nəqliyyatın fəaliyyətinə də məhdudiyyət tətbiq edilir.

31