Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub

Koreya səfiri Cocuq Mərcanlı şagirdlərini sevindirdi FOTOLAR

104
(Yenilənib 00:31 22.09.2018)
Məktəbin bütün şagirdlərinə məktəb ləvazimatları, qol saatları və “TEAS PRESS” Nəşriyyat evinin kitabları hədiyyə edilib

BAKI, 22 sentyabr — Sputnik. Koreya Respublikasının Azərbaycandakı səfirliyinin, SEBA Koreya Şərq Təbabəti Klinikasının təşkilatçılığı və Cəbrayıl Rayon İcra Hakimiyyətinin dəstəyi ilə Cocuq Mərcanlı sakinlərinə dəstək layihəsi həyata keçirilib. Bu münasibətlə Cocuq Mərcanlı kəndinə səfər təşkil olunub.

Sputnik Azərbaycan xəbər verir ki, Koreya Respublikasının Azərbaycandakı səfiri Kim Çanq-gyu əvvəlcə Cocuq Mərcanlı kənd tam orta məktəbi ilə tanış olub. Cəbrayıl Rayon İcra Hakimiyyətinin başçısı Kamal Həsənov səfirə ermənilərin işğal olunmuş ərazilərdə törətdikləri vəhşiliklər, Azərbaycan Respublikası Prezidentinin sərəncamlarına müvafiq olaraq kəndin bərpası ilə bağlı aparılan tikinti işləri barədə məlumat verib.

Koreya Respublikasının Azərbaycandakı səfiri Kim Çanq-gyu Cocuq Mərcanlıda aparılan tikinti-bərpa işlərindən və kənd sakinlərinin doğma yurdlarına qayıtmasından məmnunluğunu ifadə edib. Koreya Respublikasının Azərbaycandakı səfirliyinin keçirdiyi məcburi köçkünlərə dəstək tədbirlərinin iki ölkə arasında dostluq münasibətlərinin inkişafına öz töhfəsini verəcəyinə ümid etdiyini bildirib.

  • Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    © Sputnik / Musa Muradli
  • Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    © Sputnik / Musa Muradli
  • Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    © Sputnik / Musa Muradli
  • Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    © Sputnik / Musa Muradli
  • Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub
    © Sputnik / Musa Muradli
1 / 5
© Sputnik / Musa Muradli
Koreya Respublikasının Azərbaycandakı səfiri Kim Çanq-gyuCocuq Mərcanlı kəndində olub

Cəbrayıl Rayon İcra Hakimiyyətinin başçısı Kamal Həsənov layihəni Koreya-Azərbaycan dostluq münasibətlərinin göstəricisi olduğunu qeyd edərək, Cocuq Mərcanlı kənd sakinlərini yaddan çıxarmadıqları üçün Koreya Respublikasının Azərbaycandakı səfirliyinə və Koreya Şərq Təbabəti Klinikasına təşəkkürlərini bildirib.

Sonra şagirdlər arasında keçirilən inşa yazı müsabiqəsinin qalibləri mükafatlandırılıb. Məktəbin bütün şagirdlərinə Koreya səfirliyi, “Samsung Engineering” və SEBA Koreya Şərq Təbabəti Klinikası tərəfindən məktəb ləvazimatları, qol saatları və “TEAS PRESS” Nəşriyyat evinin kitabları hədiyyə edilib.

Layihə çərçivəsində 250-dən çox Cocuq Mərcanlı sakini Koreya Şərq Təbabəti Klinikasının şərq və qərb üsulları ilə müayinə və müalicə olunub. Klinikanın direktoru İsmət Qasımzadə bildirib ki, bu tədbir SEBA Koreya Şərq Təbabəti Klinikasının sayca beşinci layihəsidir. Onlardan üçü Koreya səfirliyi ilə birgə həyata keçirilib.

Səfir Kim Çanq-gyu sonra Cocuq Mərcanlı kənd sakini Şahsuvar Şirinovun evinə baş çəkib. Şahsuvar Şirinovun ailəsinə, həmçinin digər dörd ailəyə “LG Electronics” şirkəti tərəfindən məişət avadanlıqları təqdim olunub.

104
Teqlər:
hədiyyə, şagird, məktəb, Cocuq Mərcanlı, səfir, Koreya Xalq Demokratik Respublikası

Baş Prokurorluq vəzifəlilərdən pul tələb edən şəxslər barəsində məlumat yayıb

46
Özlərini jurnalist kimi qələmə verən daha bir reket qrupu ələ keçib. Onlar Tovuz rayon sakinlərini hədələyirmişlər.

BAKI, 26 iyul — Sputnik. Özünü “Şəhidlik uğrunda” qəzetinin təsisçisi kimi təqdim edən Vüqar Abbasovun və “Korrupsiyaya Son” qəzetinin redaktoru kimi təqdim edən İbrahim İsmayılovun Tovuz rayonunda müxtəlif vəzifəli şəxslərə müraciət edərək onlardan müxtəlif bəhanələrlə pul istəmələri, tələblərini rədd edən şəxslərə hədə-qorxu gələrək onları təhqir etmələri barədə məlumat əsasında Baş Prokurorluğun Cinayət təqibindən kənar icraatlar idarəsində (CTKİ) araşdırma aparılıb.

Baş Prokurorluğun Mətbuat xidmətindən verilən məlumata görə, yoxlama nəticəsində toplanmış sübutlar əsasında Vüqar Abbasova prokuror təsiri tədbiri aktı olan xəbərdarlıq elan edilib, İbrahim İsmayılovun barəsində isə inzibati xəta haqqında icraat başlanılaraq aidiyyəti üzrə baxılması üçün Abşeron Rayon Məhkəməsinə göndərilib, məhkəmə qərarı ilə barəsində inzibati həbs tənbehi tətbiq edilib.

Baş Prokurorluq bu kimi qanun pozuntularına yol verən şəxslərə barələrində sərt tədbirlərin görüləcəyi barədə xəbərdarlıq edir, eyni zamanda vətəndaşları bu cür şəxslərə qarşı ayıq sayıq olmağa çağırır.

Hərbi hissə rəhbərliyini şantaj edən reket qrupu

İyulun 23-də "Ltv 7" xəbər kanalının bölgə müxbiri Fazil Quliyev və bloger Vüsal Zeynalovun hədə-qorxu ilə pul tələb etmələri barədə daxil olmuş müraciət üzrə Baş Prokurorluğun İstintaq idarəsində Cinayət Məcəlləsinin müvafiq maddəsi ilə cinayət işi başlanıb.

Bu barədə Sputnik Azərbaycan-a Baş Prokurorluğun Mətbuat xidmətindən məlumat verilib.

Bildirilib ki, istintaq zamanı müəyyən edilib ki, Fazil Quliyev və Vüsal Zeynalov özlərini jurnalist kimi təqdim edib 13.02.2021-ci il tarixdə Dövlət Sərhəd Xidmətinin "N" saylı hərbi hissəsinin ərazisinə qanunsuz daxil olaraq mobil telefonları ilə hərbi hissənin təsərrüfat fəaliyyətinə dair videoçəkilişlər aparmaqla qeyd olunan çəkilişi sosial şəbəkələrdə yayacaqları hədəsi ilə hərbi hissənin rəhbərliyindən 500 manat məbləğində pul tələb ediblər.

Eyni zamanda, "Ltv 7" internet kanalının direktoru Ceyhun Şəmilovun kanalın direktor müavini Gülmirə Rəcəbova, müxbirləri Sevil Mərəndski, Gülnarə Məmmədova və şəxsiyyətləri istintaqla araşdırılan qeyriləri ilə birlikdə ayrı-ayrı şəxslər barədə əvvəlcə ölkə ərazisində pandemiya ilə bağlı karantin qaydalarının pozulmasına yol verilməsi barədə məlumat toplayıb, ictimaiyyətə çatdırmaqla həmin şəxsləri rüsvay edəcəkləri barədə hədə-qorxu gəlməklə pul tələb edib almaları müəyyən edilib.

Qeyd edilən əməllərə görə Fazil Quliyev, Vüsal Zeynalov, Ceyhun Şəmilov, Gülmirə Rəcəbova, Sevil Mərəndski və Gülnarə Məmmədova Cinayət Məcəlləsinin 182.2.1-ci (qabaqcadan əlbir olan bir qrup şəxs tərəfindən hədə-qorxu ilə tələb etmə) və digər maddələri ilə təqsirləndirilən şəxs qismində cəlb olunaraq barələrində müvafiq olaraq həbs və polisin nəzarəti altına vermə qətimkan tədbirləri seçilib.

"Ltv 7" internet kanalının əməkdaşlarının cinayət əməllərindən zərər çəkən vətəndaşlardan Baş Prokurorluğun "961" qaynar xəttinə və İstintaq İdarəsinə müraciət etmələri xahiş olunur (ünvan: 21-ci Dağlıq küçəsi, 3105-ci məhəllə, əlaqə nömrələri: (+994 12) 361-16-14; (+994 12) 361-16-13).

Qeyd edək ki, iyul ayının 12-də "www.sheffaf.az" xəbər portalının baş redaktorunun 36 nömrəli şəhər poliklinikasının baş həkimindən hədə-qorxu ilə pul tələb etməsi barədə rayon prokurorluğuna müraciət daxil olan şikayət əsasında müəyyən edilib ki, xəbər portalının təsisçisi və baş redaktoru Namik Əmrahov vəzifəli şəxs olaraq xidməti vəzifəsinin icrası ilə əlaqədar özü üçün üstünlük əldə etmək məqsədi ilə öz qulluq səlahiyyətlərindən istifadə edib Sabunçu rayonu, 36 saylı şəhər poliklinikasının baş həkimi Ramidə İbrahimovaya özünü "www.azinfo.tv" və www.sheffaf.az xəbər portalının rəhbəri kimi təqdim etməklə barəsində kütləvi informasiya vasitələrində rüsvayedici məlumatlar yayacağı ilə hədələyərək 2018-ci ildən etibarən ondan dəfələrlə ümumilikdə 2 min manat məbləğində pul tələb edərək alıb.

Faktla bağlı Sabunçu rayon Prokurorluğunda cinayət işi başlanıb. Namik Əmrahov Cinayət Məcəlləsinin 182.2.2 (təkrar törədilməklə hədə-qorxu ilə tələb etmə) və 308.1 (vəzifə səlahiyyətlərindən sui-istifadə) maddələri ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Həmçinin oxuyun:

* DTX "reketçilikdə" ittiham olunan baş redaktorla bağlı məlumat yayıb

DTX vətəndaşları şantaj edən “jurnalisti” həbs etdi

Ordumuzun zabitlərini şantaj edən jurnalistlər tutuldu - VİDEO

"Reket" nəşrlər yaratmaqla ittiham olunan baş redaktorun məhkəməsi keçirilib

Bakıda reket jurnalistlər rüşvət aldıqları yerdə tutuldular

46
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

İlham Əliyev AKP sədrinin birinci müavinini qəbul edib

7
Görüşdə ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

BAKI, 26 iyul — Sputnik. Azərbaycan Respublikasının Prezidenti İlham Əliyev iyulun 26-da Türkiyənin Ədalət və İnkişaf Partiyası (AKP) sədrinin birinci müavini Numan Kurtulmuşun rəhbərlik etdiyi nümayəndə heyətini qəbul edib.

Sputnik Azərbaycan xəbər verir ki, görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi bildirildi. Dövlət başçıları arasında mütəmadi təmasların əlaqələrimizin genişlənməsində xüsusi rolu vurğulanıb.

© Official website of President of Azerbaijan Republic
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

Söhbət zamanı Yeni Azərbaycan Partiyası ilə Ədalət və İnkişaf Partiyası arasında əməkdaşlıq məsələləri müzakirə olunub. Qeyd edilib ki, partiyalar arasında əlaqələr ikitərəfli münasibətlərin inkişafında mühüm rol oynayır. Eyni zamanda, ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

Görüşdə əməkdaşlığın perspektivləri ətrafında fikir mübadiləsi aparıldı, ölkələrimiz arasında münasibətlərin bundan sonra da genişlənəcəyinə əminlik ifadə olunub.

7