Laçın və Hüseyn Abdulhüseynovlar

Azərbaycanlı pəhləvanlar hamını mat qoydular

136
(Yenilənib 23:26 20.09.2018)
Pəhləvan qardaşlar bundan əvvəl ABŞ, Ukrayna, Rusiya, İtaliya, Türkiyə və Gürcüstan televiziyalarında yayımlanan layihələrdə də uğurla çıxış ediblər

BAKI, 20 sentyabr — Sputnik. Qubalı pəhləvan qardaşlar Kolumbiyada keçirilən beynəlxalq festivalda çıxış ediblər.

Sputnik Azərbaycan xəbər verir ki, Laçın və Hüseyn Abdulhüseynovlar kolumbiyalı tamaşaçıları öz qeyri-adi nömrələri ilə təəcübləndirməyi bacarıblar. Azərbaycanlı pəhləvanların kolumbiyalı izləyiciləri güc nümayişini həyəcan və alqışlarla izləyiblər.

Sentyabrın 19-da Kolumbiyanın paytaxtı Boqota şəhərində təşkil olunan Beynəlxalq Yumor Festivalına xüsusi qonaq qismində qatılan qardaşların çıxışı bu ölkənin məşhur “Caracol” televiziyası vasitəsilə yayımlanacaq.

Qeyd edək ki, pəhləvan qardaşlar  bundan əvvəl ABŞ, Ukrayna, Rusiya, İtaliya, Türkiyə və Gürcüstan televiziyalarında yayımlanan layihələrdə də uğurla çıxış ediblər.

136
Teqlər:
Beynəlxalq festival, pəhləvan, Kolumbiya, azərbaycanlı
Yarmarka

Deputat bahalaşma ilə bağlı həyəcan təbili çaldı

3
"Heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır. Dünyada bayramlar zamanı qiymətlər düşür, bizdə isə əksinədir"

Xalid Məmmədov, Sputnik Azərbaycan

BAKI, 9 mart — Sputnik. "Benzinin qiyməti cəmi 10 qəpik bahalaşdı, amma bundan sonra monopolistlər hər gün qiymətləri bahalaşdırmağa başladılar. Hər gün demək olar ki, eyni məhsullar müəyyən qədər bahalaşır".

Sputnik Azərbaycan xəbər verir ki, bunu Milli Məclisin bu gün keçirilən iclasında deputat Əli Məsimli deyib.

Deputat qeyd edib ki, heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır: "Dünyada bayramlar zamanı qiymətlər düşür, bizdə isə əksinədir. Dünyada qiymətləri aşağı salanlar itirmirlər, əksinə qazanırlar. Dünya təcrübəsini artıq biz də tətbiq etməliyik. İqtisadi azadlıqları genişləndirməklə ölkədə məhsul bolluğu yaratmalıyıq. Ən əsası monopoliyaya son qoyulmalı, bəzi işbazların fəaliyyətinin qarşısı alınmalıdır".

3
Azərbaycanlı müğənni Səidə Sultan

Azərbaycanlı müğənni karantin qaydalarını pozdu

8
Görüntülərdən aydın olur ki, əyləncə zamanı karantin qaydaları kobud şəkildə pozulub, sosial məsafə qaydalarına əməl edilməyib

 

BAKI, 9 mart — Sputnik. Ötən gün Bakıda 8 Mart – Beynəlxalq Qadınlar Günü münasibəti ilə daha bir əyləncə gecəsi təşkil edilərək karantin qaydaları kobud şəkildə pozulub.

Sputnik Azərbaycan "oxu.az"a istinadən xəbər verir ki, restoranların birində səhnə alan Səidə Sultan həm də burada doğum gününü qeyd edib.

Görüntülərdən aydın olur ki, əyləncə zamanı karantin qaydaları kobud şəkildə pozulub, sosial məsafə qaydalarına əməl edilməyib.

8