Bakı Şəhər İcra Hakimiyyəti

Bakı Şəhər İcra Hakimiyyəti ilə bağlı əmr imzalandı - Yeni təyinat

1971
(Yenilənib 15:30 20.09.2018)
O, əvvəllər başçı köməkçisi və müavini vəzifələrində çalışıb

BAKI, 20 sentyabr — Sputnik. Bakı Şəhər İcra Hakimiyyətinə yeni Aparat rəhbəri təyin edilib. Bu barədə Sputnik Azərbaycan-a qurumun mətbuat xidmətindən məlumat verilib.

Bildirilib ki, keçmiş Aparat rəhbəri Rasim Quliyev vəzifəsindən azad edilərək, Xarici əlaqlər departamentinə sədr təyin edilib. Onun yerinə isə Həbibullayev Elgin Şirin oğlu təyin edilib.

Elgin Həbibullayev
Elgin Həbibullayev

Xatırladaq ki, BŞİH başçısının birinci müavini Eldar Əzizovun əmri ilə BŞİH Aparatının rəhbəri Rasim Quliyev tutduğu vəzifədən azad olunub. R.Quliyev 1970-ci ildə Naxçıvan MR-in Şahbuz rayonunda doğulub. Azərbaycan Neft Akademiyasını bitirib. Xalq hərəkatının fəal iştirakçısı, mərhum prezident Heydər Əliyevin qatı tərəfdarlarından olub.

O, BŞİH-nin keçmiş başçısı Hacıbala Abutalıbovun əmri ilə öncə meriyanın ərazi idarəetmə şöbəsinin müdiri, daha sonra Aparat rəhbəri təyin edilib.

E.Həbibullayevə gəlincə, o, Eldar Əzizov Gəncə Şəhər İcra Hakimiyyətinin başçısı vəzifəsində işlədiyi dövrdə başçının köməkçisi olub. Eldar Əzizov 2011-ci ildə Sumqayıt Şəhər İcra Hakimiyyətinə başçı təyin olunan zaman Həbibullayevi özünə köməkçi, sonra isə müavin təyin edib. O, Eldar Əzizovun əsas kadrlarından hesab olunur.

1971
Teqlər:
Həbibullayev Elgin Şirin oğlu, Rasim Quliyev, Aparat rəhbəri, Bakı Şəhər İcra Hakimiyyəti
Əlaqədar
Yüksək vəzifəli şəxs işdən azad olunub
Azərbaycanda yüksək vəzifəli şəxs vəfat etdi
Gəncədə vəzifəli şəxs işdən çıxarıldı
Türkiyənin yüksək vəzifəli hərbçiləri Azərbaycana səfər edib