Ağlayan qadın, arxiv şəkli

Sevgi pul naminə 8 illik yalan

150
(Yenilənib 04:13 19.09.2018)
Qadının anası bütün təqaüdünü qızına xərclədiyini bildirib

BAKI, 19 sentyabr — Sputnik. Avstraliyalı Kelli Val Smit diqqət cəlb etmək üçün 8 il özünü yumurtalıq xərçəngi xəstəsi kimi aparıb. Sputnik Azərbaycan Rusiya mətbuatına istinadla xəbər verir ki, yalançı qadın xəstəliyi təqlid etməklə ailəsinin müflis olmasına səbəb olub və dostlarını itirib.

Məlumata görə, bu müddət ərzində dostları və ailə üzvləri qadına 400 min Avstraliya dolları (473 min manat) verib. Val Smit mütəmadi olaraq facebookda paylaşımlar edərək, müalicəsinə yardım edilməsi üçün pul istəyib.

Ancaq qadının fırıldağının üstü açılıb. Onun yalan danışdığını anlayan dostları və yaxınları məhkəməyə müraciət ediblər. İstintaq zamanı qadının fırıldağının qurbanlarından bir neçəsi ona pul verdiyi üçün ipoteka borclarını ödəyə bilmədiklərini etiraf edib. Qadının anası bütün təqaüdünü qızına xərclədiyini bildirib. Zərərçəkmişlər arasında qadının uşaqları da olub. Qadının analığı iddia edib ki, Val Smitin bu addımı ailəni dağıdıb.

Val Smit isə məhkəməyə məktub yazaraq bildirib ki, bu addımı sevilmək və qiymətləndirilmək məqsədi ilə atıb. Qadın günahkar olduğunu etiraf edib və oktyabrda məhkəmə qarşısına çıxacaq.

150
Teqlər:
yalan, Avstraliya, xərçəng, xəstəlik, məhkəmə
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Türkiyə ilə sərhədlərin açılmasının Ermənistan üçün faydalarını saymaqla bitməz"

3
Zəngəzur dəhlizi ilə çəkiləcək dəmiryolu ilə ermənilər də hərəkət edə, Moskvaya, bütün dünyaya gedə biləcək, bununla özlərini saldıqları blokadadan qurtulacaqlar.

BAKI, 16 iyun — Sputnik. Zəngəzur dəhlizi ilə çəkiləcək dəmiryolu ilə ermənilər də hərəkət edə, Moskvaya gedə biləcək, bununla özlərini saldıqları blokadadan qurtulacaqlar. Sputnik Azərbaycan xəbər verir ki, bunu Türkiyə Prezidenti Rəcəb Tayyib Ərdoğan Parlamentdə çıxışı zamanı bildirib.

Türkiyə Prezidenti qeyd edib ki, Zəngəzur dəhlizinin bölgəyə gətirəcəyi faydaların və zənginliyin sözlə ifadəsi mümkün deyil: "Bütün bunlar Azərbaycanla birlikdə Ermənistan üçün də yeni bir dönəmin başlanğıcıdır. Məsələn, Zəngəzur dəhlizi ilə çəkiləcək dəmiryolu ilə ermənilər də hərəkət edə, Moskvaya, bütün dünyaya gedə biləcək, bununla özlərini saldıqları blokadadan qurtulacaqlar. Ermənistan Azərbaycanla problemlərini həll etdikcə biz də lazımi addımlar atacağıq. Türkiyə ilə sərhədlərin açılmasının Ermənistan üçün faydalarını saymaqla bitməz".

Milli Məclisin xüsusi iclası

Bu gün Azərbaycan Milli Məclisinin növbədənkənar sessiyasının xüsusi iclası keçirilib.

Toplantıda iştirak etmək üçün Azərbaycanda rəsmi səfərdə olan Türkiyə Prezidenti Rəcəb Tayyib Ərdoğan Milli Məclisə gəlib.

Türkiyə prezidenti iclasda deputatların önündə çıxış edib.

Türkiyə prezidentinin Azərbaycana səfəri

Türkiyə lideri Rəcəb Tayyib Ərdoğan iyunun 15-də Azərbaycana səfərə gəlib. Səfər çərçivəsində o, iyunun 15-də Şuşa şəhərində olub. Burada iki ölkə arasında Şuşa bəyannaməsi imzalanıb.

Eləcə də oxuyun:

  • Ərdoğan: Şuşanın Azərbaycanın mədəniyyət paytaxtı elan edilməsi dünyaya açıq mesajdır

  • Millət vəkili: “Şuşa Bəyannaməsinin imzalanması əhəmiyyətlidir”

  • Şuşa Bəyannaməsinin TAM MƏTNİ dərc olunub

3
Teqlər:
sərhəd, Türkiyə, Azərbaycan, Ermənistan, Rəcəb Tayyib Ərdoğan
Mövzu:
Ərdoğanın Azərbaycana, Şuşaya səfəri
Enerji məsələləri üzrə ekspert, fəlsəfə doktoru Emin Axundzadə

Ekspert Azərbaycan qaz ixracatındakı artımın səbəblərini açıqlayır

4
(Yenilənib 16:51 16.06.2021)
Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə deyir ki, bütün bunlar hasilatın artımı ilə yanaşı ixracın artmasına da səbəb ola bilər
Emin Axundzadə: “Hasilatın ildən-ilə artdığını müşahidə edirik”

Bu ilin yanvar-may aylarında Azərbaycan 1 335 749,12 min ABŞ dolları dəyərində 9 174 562,13 min kubmetr təbii qaz ixrac edib. Bu ilin ilk beş ayı ərzində Azərbaycanın ixrac etdiyi təbii qazın dəyəri 2020-ci ilin müvafiq dövrünün göstəricisi ilə müqayisədə 28,6%, həcmi isə 68% artıb.

Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə Sputnik Azərbaycan-a deyir ki, qaz ixracında artımın səbəbi 2020-ci ilin sonunda TAP boru kəmərinin istismara verilməsi və bu çərçivədə Azərbaycan qazının Avropa bazarına nəqlinə başlanmasıdır: “Digər tərəfdən Şahdəniz-2 layihəsi vasitəsilə 2018-ci ilin iyunundan kommersiya məqsədli təbii qazın nəqlinə başlandı. Hazırda bu layihə çərçivəsində hasilatın ildən-ilə artdığını müşahidə edirik. Digər tərəfdən 2020-ci ilin mayından Ümid yatağında iki quyunun qazılmasına başlandı. Bununla həmin yataqda hasilatın 50 faiz artacağı gözlənilir. Bütün bunlar hasilatın artması ilə yanaşı ixracın artması ilə də nəticələnə bilər”.

Emin Axundzadənin geniş şərhinə audiofaylda qulaq asa bilərsiniz

4