İosif Nağıyev

Sovxoz direktoru olmuş azərbaycanlı “bomj” Ukraynada hər şeyini itirib, ayaqlarını da...

442
(Yenilənib 20:35 18.09.2018)
Azərbaycanda sovxoz direktoru olmuş “bomj” – İndi ayaqları da daxil hər şeyini itirib

BAKI, 18 sentyabr — Sputnik. Azərbaycanda bir vaxtlar sovxoz direktoru işlədiyini və üç ali təhsili olduğunu deyən İosif Nağıyev hazırda Ukraynanın Mariupol şəhərindəki parklardan birində “bomj” həyatı yaşayır.

Sputnik Azərbaycan xəbər verir ki, onun barəsində 0629.com.ua portalına Mariupol sakinləri məlumat veriblər. Nağıyev şəhərin Levoberejni rayonundakı qəhrəmanlar parkındakı skamyalardan birində məskən salıb, don vurduğu üçün hər iki ayağı amputasiya olunub.

Adının İosif Həsən oğlu Nağıyev (çox güman ki, əsl adı Yusifdir) olduğunu, Azərbaycandan gəldiyini deyir. 56 yaşı var. Azərbaycanda sovxoz direktoru işləyib, üç ali təhsil alıb, İkimərtəbəli evi, uşaqları, torpaq sahəsi var. Bunu azərbaycanlı “bomj” güclü ləhcəylə bildirir.

İosif Nağıyev
İosif Nağıyev

Nağıyev indiki hala düşməsinə görə SSRİ rəhbəri Mixail Qorbaçovu günahlandırır. Deyir ki, Mariupola 1992-ci ildə gəlib və fəhləlik etməyə başlayıb: “Əlimdən hər iş gəlir. Yaxşı inşaatçıyam, amma hər şey bu cür zibil alındı”.

İosif nəql edir ki, uzun müddət kirayə qalıb, ev sahibəsi ölüb. Həmin vaxt o xəstəxanada olub. Xəstəxanadan çıxanda evin qapıları bağlı olub və dediyinə görə, bütün pulları, əşyaları orada qalıb. Ev sahibəsinin qızından açarı alıb evdən əşyalarını götürə bilməyib. Beləliklə, “bomj”a çevrilib.

Hərdən təsadüfi işlərdə işləyib bir az pul qazanan Yusifi ötən ilin dekabrında don vurub. Onun don vurmuş ayaqlarını kəsiblər. Deyir ki, həmin vaxt şəhərdə Yeni il ağacına gözətçilik edirmiş. “Maşında oturmaq lazım idi, amma hər halda soyuq idi. Maşın qızdırılmırdı, nəticədə ayaqlarım dondu” – azərbaycanlı “bomj” deyir.

İosifi həmin vaxt xəstəxanaya aparıblar, xəstəxanada deyiblər ki, dərmanları almaq üçün 50 min qriven lazımdır. Onun isə bu qədər pulu olmayıb. “Həkimlər adamı sağaltmırlar, şikəst edirıər” – o deyir. 

İndi İosif  hərəkətsiz qalıb və bütün günü skamyada oturur. Ona yerli sakinlər kömək edirlər, isti yemək, adyal verirlər. İosifin sifəti dağılıb. Deyir ki, bu yaxınlarda skamyadan yıxılıb və burnu sınıb, sifəti əzilib. Yerdə hələ də onun qan ləkələri qalır. “İnsanlar mənə kömək edir. Burada bir nəfər yerlim də var. Polis hərdən gəlir, baxıb gedir” – o deyir.

İosif deyir ki, içki içsə də, heç kimlə işi yoxdur: “Əlbəttə içirəm. Belə vəziyyətdə necə içməyəsən?”

“Bomj” qışın yaxınlaşmasına görə qorxuya düşüb. Deyir ki, tezliklə qar yağacaq, 15-20 dərəcə şaxta olacaq. “Mən onda neyləyəcəyəm?” – ümidsiz halda jurnalistdən soruşur.

Azərbaycanlı “bomj” deyir ki, evsiz-eşiksizlər üçün xüsusi sığınacağa getmək istəmir. Bir dəfə oradan qaçıb. “Güclə qaçmışam. Ora çirklidir, hər yerdə siçovullar dolaşır, təkcə çörək və çay verirlər. Yatmağa yer yoxdur. Döşəmədə yatırıq. Öləcəyəmsə, qoy burada ölüm”.

İosifin ümidi Beynəlxalq Qırmızı Xaç Cəmiyyətinədir. İnanır ki, ancaq bu təşkilat onu Azərbaycana, ailəsinin yanına qaytara bilər.

442
Teqlər:
ali təhsil, sovxoz, amputasiya, içki, Xarkov şəhəri, Ukrayna, azərbaycanlı, bomj
Vladimir Putin

Bunlar dünya üçün təhdiddir Putin siyahını açıqladı

48
(Yenilənib 11:49 23.06.2021)
Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

BAKI, 23 iyun — Sputnik. Rusiya Prezidenti Vladimir Putin dünyada təhlükəsizlik üçün təhdidləri açıqlayıb. Sputnik Azərbaycan "RİA Novosti"-yə istinadən xəbər verir ki, Putin kütləvi qırğın silahlarının yayılması risklərini, beynəlxalq kriminal, kibercinayətkarlıq və terrorizmi dünyaya təhdid adlandırıb.

"Regionda silahlı münaqişələr, kütləvi qırğın silahlarının yayılması riskləri, transsərhəd kriminal qruplaşmaların, narkobiznes və kibercinayətkarlığın aktivliyi ciddi narahatlıq doğurur. Beynəlxalq terrorizm hələ də əsas təhdid olaraq qalır." - deyə Putin IX Moskva Beynəlxalq Təhlükəsizlik Konfransı iştirakçılarına müraciətində bildirib.

O, həmçinin bildirib ki, Rusiya öz xalqı üçün sülh və sabitliyi təmin etmək məqsədilə hər şeyi edəcək, öz Silahlı Qüvvələrini təkmilləşdirəcək, diplomatiyanın imkanlarından istifadə edəcək və bütün maraqlı tərəfdaşlarla dialoq aparacaq.

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

48
Enerji içki, arxiv şəkli

Nazirlik enerji içkiləri ilə bağlı qaldırıb

65
İstehlakçılarda həmin məhsulların enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib.

BAKI, 23 iyun — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti enerji içkiləri bazarında haqsız rəqabət hallarının qarşısının alınması məqsədi ilə araşdırmaları davam etdirir. Bu barədə Sputnik Azərbaycan-a qurumdan bildirilib.

Araşdırmaların ilkin nəticələrinə görə, "Avrora" MMC-nin istehsal etdiyi "BİZON energy" markalı spirtsiz içkilərin üzərində "ENERGY" və "CHARGE YOUR POWER" sözlərindən istifadə olunması ilə istehlakçılarda həmin məhsulun enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib. Dövlət Xidməti şirkət barədə antiinhisar qanunvericiliyinin pozulması əlamətləri üzrə iş qaldırıb.

"Enerji içkilərinə dair müvəqqəti sanitariya normaları və qaydaları"na əsasən, alkoqolsuz içkilərin tərkibində insan orqanizminin mərkəzi sinir sistemini stimullaşdırmaq xüsusiyyətinə və antisedativ təsirə malik olan kofein, taurin, qlükoronolakton, amin turşuları, B qrupu vitaminlər və s. kimi maddələrdən və ya bitki ekstraktlarından ən azı ikisi mövcud olduğu təqdirdə, yaxud həmin maddələrdən yalnız kofein olduqda və miqdarı 15 mq/100 ml-dan artıq olarsa, həmin alkoqolsuz içkilər enerji içkisi hesab edilir.

İstehlak bazarında haqsız rəqabət hallarının və istehlakçıların mənafeyinə mənfi təsir göstərə biləcək hərəkətlərin qarşısının alınması istiqamətində tədbirlər davam etdirilir.

Qeyd edək ki, 2020-ci ilin yanvar ayının 1-dən Azərbaycanda "Enerji içkilərinə dair müvəqqəti sanitariya normalari və qaydaları" qüvvəyə minib.

Həmin qaydalara görə, enerji içkilərinin etiketlərində mütləq "enerji içkisi", "tərkibində GMO yoxdur", "Alkoqol ilə qarışdırılaraq və ya birlikdə istifadə edilməməlidir", "18 yaşdan aşağı şəxslərə satışı qadağandır", "Yaşlılara, hamilə və süd verən qadınlara, diabetdən, ürək fəaliyyətinin pozuntusundan, böyrək çatışmazlığından, hipertonik xəstəliklərdən, sinir oyanıqlığından, yuxusuzluqdan əziyyət çəkən şəxslərə, metabolizm problemi olan insanlara istifadəsi tövsiyə olunmur", "Gündəlik olaraq 500 ml-dən çox istifadə olunması tövsiyə edilmir" yazıları qeyd edilməlidir.

65