Avtobuslar

Sərnişin daşımalarına dair qaydalar dəyişdi

226
(Yenilənib 13:39 17.09.2018)
Bu barədə qərarı baş nazir Novruz Məmmədov imzalayıb

BAKI, 17 sentyabr — Sputnik. Nazirlər Kabineti (NK) tərəfindən "Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası"na 7 nömrəli əlavə — "Avtomobil nəqliyyatı ilə marşrut üzrə sərnişindaşıma xidmətlərinin göstərilməsi haqqında müqavilə"yə əlavə edilib.

Sputnik Azərbaycan xəbər verir ki, bu barədə qərarı baş nazir Novruz Məmmədov imzalayıb. Edilən əlavəyə görə, beynəlxalq və ölkədaxili (şəhərlərarası və rayonlararası) sərnişin daşımalarını həyata keçirən ümumi istifadədə olan avtonəqliyyat vasitələri taxoqrafla təchiz edilməlidir.

Beynəlxalq yük daşımalarını, həmçinin ölkədaxili şəhərlərarası və rayonlararası yük daşımalarını təşkil edən daşıyıcılar və yerinə yetirən sürücülər müvafiq daşımaların taxoqraf olmadan, habelə taxoqrafın yoxlanması haqqında şəhadətnamə və ya müvafiq möhür olmadan, yaxud yoxlanma müddəti bitmiş və ya plomblanması pozulmuş, tamamilə və ya hər hansı funksiyası işləməyən taxoqrafla, taxoqrafın qeydiyyata aldığı məlumatlar saxtalaşdırılmaqla yerinə yetirilməsinə görə məsuliyyət daşıyacaqlar.

226
Teqlər:
sərnişin, nəqliyyat, rayon, Nazirlər Kabineti, şəhər, avtomobil
Əlaqədar
Taksi problemlərinizi bu nəqliyyat uğurla həll edəcək
Bakı Nəqliyyat Agentliyindən taksi sürücüləri üçün "sürpriz"
Paytaxtda taksi qəza törədib, üç nəfər xəsarət alıb
London taksiləri də on-line sifariş sisteminə keçir
Bir axşam, taksidən düşüb payıza...