Kompüter arxasında oturmuş adam, arxiv şəkli

Cəmi 5 dəqiqəyə…

194
(Yenilənib 02:12 16.09.2018)
Segerdal artıq öz araşdırmasını Aplle, Mircosoft və İntel şirkətlərinə göndərib

BAKI, 16 sentyabr — Sputnik. Ən müasir kompüterlər belə hakerlərə qarşı həssasdır. Sputnik Azərbaycan xarici mətbuata istinadla xəbər verir ki, bunu F-Secure şirkətinin mütəxəssisləri qeyd ediblər.

Təhlükəsizlik məsləhətçisi Olle Segerdala görə, istənilən kompüterə hücum edib, ona müdaxilə etmək 5 dəqiqə zaman alır. Hakerlər şəxsi məlumatları oğurlamaq üçün “soyuq sıfırlama” üsulundan istifadə edə bilirlər.

Bu hücum üsulu, işləyən proqramları dayandırmadan kompüterin bağlanması və yenidən işə başlamasından ibarətdir. Bundan sonra kiber-dələduzlara yalnız RAM-da olan məlumatları bərpa etmək tələb olunur.

Müasir cihazlar əsas yaddaşı yenidən yazmaq imkanına malikdirlər. Lakin Segerdal bu prosesin aradan qaldırılması üçün bir yol tapıb. O, müəyyən edib ki, onları idarə edən ayarlar fiziki müdaxilədən qorunmur. Belə ki, kiber hücumçu yaddaşı yenidən yazmaq prosesini dayandıra və xarici USB-dən istifadə edərək hücuma başlaya bilər.

Mütəxəssislərin fikrincə, hakerlərin hədəfi ilk növbədə itirilmiş noutbuklardır. Şirkət işçilərinin iş cihazları da hakerlərin xüsusi maraq dairəsindədir. Çünki onlar bu cihazlar vasitəsilə korporativ şəbəkələri sındıra bilirlər.

Segerdal artıq öz araşdırmasını Aplle, Mircosoft və İntel şirkətlərinə göndərib. O qeyd edib ki, bu problemin həlli hələ ki, tapılmayıb.

194
Teqlər:
sındırmaq, USB, haker, hücum, kompüter
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı