BAKI, 11 sentyabr — Sputnik. Ötən mövsüm Fransanın "Sent-Etyen" klubunun şərəfini qoruyan Viliam Qomis öldürülüb.
Sputnik Azərbaycan Rusiya KİV-nə istinadən xəbər verir ki, 19 yaşlı müdafiəçi 14 yaşlı digər yeniyetmə ilə birgə güllələnib. Futbolçu Fransanın cənubundakı La Sen-sür-Mer adlı ərazidə güllələnib. Artıq klub bu xəbəri təsdiqləyib.
2017/2018-ci il mövsümündə Qomis "Sent-Etyen"-in ehtiyat heyətində keçirib. O, Fransanın üçüncü liqasında 18 oyunda meydana çıxıb. Müdafiəçi 2018-ci ilin iyununda klubdan ayrılıb.
