SputnikPro layihəsi çərçivəsində tədbir

PA rəsmisi: "Azərbaycanda güclü media strukturları yaradılır"

4301
(Yenilənib 16:54 06.09.2018)
SputnikPro: Rusiyalı mütəxəssislər Azərbaycan jurnalistləri ilə təcrübələrini bölüşüblər

BAKI, 6 sentyabr — Sputnik. Jurnalistlər, mediamenecerlər və fotomüxbirlər üçün "SputnikPro" təlim proqramına sentyabrın 6-da Bakıda start verilib. Sputnik Azərbaycan Multimedia Mətbuat Mərkəzində təşkil olunan layihə çərçivəsində Rusiyanın aparıcı media menecerləri azərbaycanlı həmkarları üçün master-klass keçiblər.

Proqramın fəaliyyətə başlaması münasibətilə keçirilən tədbirdə Azərbaycanın Prezident Administrasiyasının (PA) İctimai-siyasi şöbəsinin müdir müavini Vüqar Əliyev qeyd edib ki, bu gün Azərbaycanda güclü media strukturlarının yaradılması siyasəti həyata keçirilir. Əliyevin sözlərinə görə, Rusiyanın media sahəsinin aparıcı nümayəndələrinin təcrübəsi Azərbaycan jurnalistikasına faydalı olacaq.

"İnformasiya təhlükəsizliyinin təmin olunması məsələsi istənilən dövlət üçün vacibdir. Biz bu gün güclü kütləvi informasiya vasitələrinin yaradılması siyasətini ona görə həyata keçiririk ki, ölkə mediası yüksək səviyyəyə çıxa bilsin və Azərbaycan həqiqətlərini çatdırmaq imkanı olsun. Rusiyalı həmkarların və dostların öz təcrübələrini bizimlə bölüşməsindən məmnunuq və bu, bizim üçün faydalı olacaq" — deyə PA rəsmisi vurğulayıb.

O, həmçinin "SputnikPro" layihəsinin bundan sonra da davam etdiriləcəyinə ümid etdiyini və Azərbaycan tərəfinin onu dəstəkləməyə hazır olduğunu bildirib.

"Russia Today" BİA-nın baş redaktorunun müavini Natalya Loseva da öz növbəsində bildirib ki, informasiya təhlükəsizliyinin təmin olunması vacib məsələdir. O, həmçinin Azərbaycanın KİV-in inkişafının zəruri olduğunu başa düşən ölkələrdən biri olduğunu vurğulayıb.

Sputnik Azərbaycan jurnalistikamızın banisini yad edib
© Sputnik / Kamilla Əliyeva / Taleh Mahmudov

Natalya Loseva "Mediada qlobal trendlər" mövzusunda master-klass keçib. O, informasiyaların yayılmasında və qəbulunda mobil platformaların böyük rolu, KİV-in işinin müasir reallıqlara uyğunlaşdırılması zərurəti barədə danışıb.

Losevanın sözlərinə görə, auditoriyanın diqqətini cəlb etmək və saxlamaq üçün məzmun yaradarkən müxtəlif yeni texnologiyalar tətbiq etmək lazımdır.

Layihə çərçivəsində "Düz sizə doğru! Müasir multimedia agentliyinin texnologiyası layvstriminqin (canlı on-line yayımların) əlçatan sərhədlərini necə genişləndirir" və "Qaynar nöqtələrdə jurnalist işi" mövzularında da master-klasslar keçiriləcək.

4301
Teqlər:
Natalya Loseva, "SputnikPro" təhsil proqramı, master-klass, Vüqar Əliyev, media, KİV, Azərbaycan, layihə, jurnalist
Əlaqədar
Köhnə bakılı Sputnik Azərbaycan üçün cız-bız hazırlayıb
Sputnik Azərbaycan-ın əməkdaşı Emin Ağalarovun filmində çəkilib - VİDEO
Sputnik Azərbaycan jurnalistikamızın banisini yad edib
Mətbuat Şurasının sədri Sputnik Azərbaycan-a təşəkkür etdi
Daşgil vulkanı Sputnik Azərbaycan-ın obyektivində
Sputnik-in baş redaktoru saxlanıldı
Hadisə yerində

İranlı nüvə alimin ölümündə yeni detallar

0
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

0
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl
 Rusiya sülhməramlıların Xankəndində hospitalı

Rusiya sülhməramlıları Xankəndində hospital açıb

3
(Yenilənib 14:45 30.11.2020)
Hospitalda reanimasiya şöbələri, funksional diaqnostika, laboratoriya diaqnostikası, əməliyyat bölməsi, stomatologiya və oftalmologiya kabinetləri var

BAKI, 30 noyabr — Sputnik. Rusiya Müdafiə Nazirliyi Xankəndidə səhra hospitalı yaradıb. Bu barədə Sputnik Azərbaycan "RİA Novosti"-yə istinadən xəbər verir.

"Pnevmokarkas modulların yerləşdirilməsi başa çatıb. İlk növbədə biz sülhməramlı kontingentin tibbi təminatını həyata keçirəcəyik. Biz dinc əhaliyə də yardım etməyə hazırıq. Öz fondumuz hesabına 40-a qədər insanı hospitalda yerləşdirə bilərik", - deyə tibbi bölmənin rəisi Yaroslav İvanov jurnalistlərə açıqlamasında bildirib.

Onun sözlərinə görə, hospitalda reanimasiya şöbələri, funksional diaqnostika, laboratoriya diaqnostikası, əməliyyat bölməsi, stomatologiya və oftalmologiya kabinetləri var: "Hospitalda süni nəfəs aparatı, UZİ və rentgen cihazları da var".

3
Teqlər:
laboratoriya, Rusiya, sülhməramlılar, Xankəndi