Toyota C-HR

Diqqət: Toyota yanma təhlükəsi olan avtomobillərini geri çağırır

60
(Yenilənib 02:31 06.09.2018)
Hibrid güc idarəetmə modulundakı kabelin zəif olması yanma riskini artırır.

BAKI, 6 sentyabr — Sputnik. Toyota şirkəti 1 milyon avtomobilini geri çağırır. Sputnik Azərbaycan Türkiyə mətbuatına istinadla xəbər verir ki, Toyota Yaponiya, Şimali Amerika, Avropa və dünyanın digər regionlarında olan ümumi 1.03 milyon Prius və C-HR modellərini geri çağırır.

Yaponiya Nəqliyyat Nazirliyindən verilən məlumata görə, C-HR və Prius modellərinin hibris mühərrikli versiyaları yanğın təhlükəsizliyini təmin etmək məqsədilə geri çağırılır. Hibrid güc idarəetmə modulundakı kabelin zəif olması yanma riskini artırır.

Qeyd olunub ki, bu vəziyyət 2015-ci ilin iyunundan — 2018-ci ilin may ayına qədər Yaponiyada istehsal olan avtomobillərdə müşahidə edilir.

Toyota-nın nümayəndəsi 1.03 milyon avtomobilin yarısının Yaponiyada istifadə edildiyini də qeyd edib. O, bildirib ki, Amerikadan 192 min Prius avtomobili geri çağırılıb.

Bu səbəbdən avtomobilləri geri çağırma Toyota-nın tarixində ikinci dəfədir baş verir. 2009-cu ildə isə şirkət hava yastığı problemi ilə bağlı 2.87 milyon avtomobili geri çağırmışdı.

60
Teqlər:
C-HR, Prius, mühərrik, avtomobil, Toyota, DeNa Toyota Prius, Yaponiya
Əlaqədar
Məşhur brend avtomobillərini geri çağırır: Səbəb...
"Mazda" avtomobillərini geri çağırır
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

11
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

11
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

15
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

15