Müasir informasiya müharibəsi üsulları və Azərbaycanda təzahürləri mövzusunda tədbir

"Azərbaycan informasiya məkanına təxribat xarakterli məlumatlar ötürülür"

107
(Yenilənib 14:06 04.09.2018)
Müşfiq Ələsgərli: "Azərbaycan informasiya məkanına təxribat xarakterli informasiyalar ötürülür"

BAKI, 4 sentyabr — Sputnik. Bu gün Beynəlxalq Mətbuat Mərkəzində Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "İnformasiya, Təhlil və Planlaşdırma" İctimai birliyi tərəfindən müxtəlif media qurumların baş redaktorları, QHT nümayəndələri və ictimai fəalların iştirakı ilə "Müasir informasiya müharibəsi üsulları və Azərbaycanda təzahürləri" mövzusunda tədbir keçirilib.

Sputnik Azərbaycan xəbər verir ki, tədbirdə çıxış edən Mətbuat Şurasının sədrinin müavini Müşfiq Ələsgərli sosial şəbəkələr və internet mediasında yayılan informasiyaların mili və dövlət maraqlarına nə dərəcədə cavab verməsi ilə bağlı uzun müddətdir müzakirələrin aparıldığını bildirib.

O qeyd edib ki, ənənəvi mediada bu məsələlərin tənzimlənməsi üçün bütün istiqamətlər göstərilir: "Media ictimai maraqdan çıxış etməlidir. Burada medianın sosial məsuliyyəti anlayışı da var. Müasir media kifayət qədər şaxələnib və onun böyük bir hissəsini təşkil edən internet media ortaya çıxıb. Medianın bu hissəsində çox ciddi problemlər mövcuddur. İnternet mediası azad olsa da, burada yayılan informasiyalara görə də hüquqi məsuliyyət mövcuddur. Hüquqi məsuliyyətin olmasına baxmayaraq, sosial şəbəkələrdə yayılan informasiyalarda ciddi problemlər qalmaqdadır".

  • Müasir informasiya müharibəsi üsulları və Azərbaycanda təzahürləri mövzusunda tədbir
    "Müasir informasiya müharibəsi üsulları və Azərbaycanda təzahürləri" mövzusunda tədbir
    © Sputnik / Murad Orujov
  • Müasir informasiya müharibəsi üsulları və Azərbaycanda təzahürləri mövzusunda tədbir
    "Müasir informasiya müharibəsi üsulları və Azərbaycanda təzahürləri" mövzusunda tədbir
    © Sputnik / Murad Orujov
  • Müasir informasiya müharibəsi üsulları və Azərbaycanda təzahürləri mövzusunda tədbir
    "Müasir informasiya müharibəsi üsulları və Azərbaycanda təzahürləri" mövzusunda tədbir
    © Sputnik / Murad Orujov
  • Sputnik Azərbaycanın baş redaktoru Mətin Məcidli
    Sputnik Azərbaycanın baş redaktoru Mətin Məcidli
    © Sputnik / Murad Orujov
1 / 4
© Sputnik / Murad Orujov
"Müasir informasiya müharibəsi üsulları və Azərbaycanda təzahürləri" mövzusunda tədbir

"Bu gün internetin verdiyi imkanlardan istifadə edərək, internet mediasında təxribat xarakterli, qərəzli informasiyalar yayılır. Müxtəlif saxta adlarla Azərbaycan informasiya məkanına qərəzli informasiyalar ötürülür. Həmin informasiyaları yayanlar haqqında xırda bir araşdırma aparanda görürük ki, həmin şəxslər hansısa xarici ölkə ərazisindən bu təxribat xarakterli fəaliyyəti gerçəkləşdirirlər. Belə informasiyalara qarşı mübarizə aparmağın ən yaxşı üsulu maarifləndirmənin aparılmasıdır. Cəmiyyətə milli və dövlət maraqları və informasiyanın hüdudları haqqında bilgilər verilməlidir. Xəbər istehsalçıları da fəaliyyətlərini bu istiqamətdə qurmalıdırlar" — deyə M.Ələsgərli bildirib.

Daha sonra çıxış edən tədbir iştirakçıları da yalan xəbər və onunla mübarizə üsulları haqqında fikirlərini bölüşüblər. Tədbir mövzu ətrafında müzakirələrlə davam etdirilib.

107
Teqlər:
"Müasir informasiya müharibəsi üsulları və Azərbaycanda təzahürləri", Mətbuat Şurası
Əlaqədar
Tanınmış QHT rəhbərinin apellyasiya şikayəti təmin edilməyib
Bakıda növbəti möhtəşəm tədbir keçiriləcək — VİDEO
Milli təhlükəsizliyə əsas təhdidlərdən biri barədə tədbir keçirilib
Daha bir mötəbər tədbir Bakıda keçiriləcək
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

155
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

155