Emiliya Yaqubova

Azərbaycanlı qız "İpək yolunun ulduzu" oldu

95
(Yenilənib 00:03 30.08.2018)
Gürcüstanın Batumi şəhərində keçirilən "Böyük İpək Yolunda ulduzunu tap" adlı beynəlxalq musiqi müsabiqəsinin qalibi Azərbaycan təmsilçisi Emiliya Yaqubova olub.

BAKI, 29 avqust — Sputnik. Gürcüstanın Batumi şəhərində keçirilən "Böyük İpək Yolunda ulduzunu tap" adlı beynəlxalq musiqi müsabiqəsinin qalibi Azərbaycan təmsilçisi Emiliya Yaqubova olub.

Bu barədə Sputnik Gürcüstan məlumat verib. Üç mərhələnin yekunlarına əsasən, yarışmanın üç mütləq liderləri məlum olub: Gürcüstan təmsilçisi Salome Mirianaşvili, Qazaxıstan təmsilçisi Miras Juqunusov və Azərbaycan təmsilçisi Emiliya Yaqubova. Qaliblərin hər üçü bütün mərhələlərin yekun nəticəsinə görə 285 balla qiymətləndiriliblər. Münsiflər heyəti qalibin püşkatma yolu ilə təyin edilməsinə qərar verib və Emiliya Yaqubova qalib gəlib.

Emiliya Yaqubova
Emiliya Yaqubova

"Bu qələbə mənim üçün çox vacibdir. Mən indi hətta emosiyalarımı belə ifadə edə bilmirəm. Gürcüstana təşəkkürlər, mənim adımı zərfin içindən çıxaran bu balaca qıza təşəkkürlər. Yəqin ki, bu qismətdir" — deyə Yaqubova jurnalistlərə bildirib.

Müsabiqənin gümüş medalının da taleyinə püşk yolu ilə aydınlıq gətirilib. Burada Qırğızıstan və Özbəkistan təmsilçiləri arasında özbək idmançının bəxti üzünə gülüb. Üçüncü yerin sahibi isə Ukrayna təmsilçisi olub.

Yarışmanın bütün iştirakçıları sponsorlardan qiymətli hədiyyələr alıb. Ən dəyərli hədiyyə — İtaliyaya 2 nəfərlik səyahət Gürcüstan təmsilçisi Salome Mirianaşviliyə nəsib olub.

Layihədə Azərbaycan, Rusiya, Türkiyə, Özbəkistan, Bolqarıstan, Rumıniya, Qazaxıstan, Qırğızıstan, Tacikistan, Gürcüstan, Yunanıstan və digər İpək Yolu ölkələrindən gənc ifaçılar iştirak ediblər.

Sputnik Gürcüstan "Böyük İpək Yolunda ulduzunu tap" adlı beynəlxalq musiqi müsabiqəsinin informasiya tərəfdaşıdır.

95
Teqlər:
Emiliya Yaqubova, beynəlxalq musiqi müsabiqəsi, Batumi, Gürcüstan, qalib, azərbaycanlı
Netflix şirkətinin binası, arxiv şəkli

"Oskar" mükafatında yeni rekordçu ola bilər

3
(Yenilənib 23:25 27.11.2020)
Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanır

BAKI, 28 noyabr — Sputnik. "Netflix" 2021-ci ildə "Oskar" mükafatının təqdimetmə mərasimində "Ən Yaxşı Film" nominasiyaları üzrə yeni rekordçu ola bilər.

Sputnik Azərbaycan-ın verdiyi məlumata görə, "Netflix"in namizədləri arasında Aaron Sorkinin "The Trial of the Chicago 7" və Devid Finçerin "Mank", Nikol Kidmanın iştirakı ilə "Ma Rainey"s Black Bottom", Meril Stripin oynadığı "The Prom", Spayk Linin "Da 5 Bloods" filmləri və Corc Kluninin genişmiqyaslı "The Midnight Sky" layihəsi yer alıb.

Bundan əlavə, Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanıb.

Nəşrin yazdığına görə, əvvəlki rekord MGM ("Metro-Goldwyn-Mayer") kino şirkətinə məxsus olub.

3
Teqlər:
film, rekord, Netflix şirkəti, Oskar mükafatı
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

5
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

5
Teqlər:
psixoloji yardım, sosial, reabilitasiya, əziyyət, müharibə, uşaqlar