Uşaq arabası, arxiv şəkli

Uşaq arabaları körpələrin həyatı üçün təhlükədir

111
(Yenilənib 20:39 15.08.2018)
Mütəxəssislərə görə, ən təhlükəli yerlər işıqforların yaxınlığı və ictimai nəqliyyat üçün dayanacaqlardır

BAKI, 15 avqust — Sputnik. Uşaq arabalarının gözlənilməz təhlükəsi aşkar edilib.

Sputnik Azərbaycan Rusiya mətbuatına istinadla xəbər verir ki, Böyük Britaniyanın alimlərinin fikrincə, uşaq arabasında uzanan uşaqlar havadan daha çox zəhərli maddələr qəbul edirlər. Çünki uşaq arabaları yerə və avtomobillərin tüstü borularına daha yaxındır.

Uşaqların orqanizmi inkişaf mərhələsində olduğu üçün çirkli hava onlara daha çox zərər verir.

Alimlər hesablayıb ki, uşaqlar arabada yerdən 0,5-0,8 metr hündürlükdə olur. Çirkli təbəqə isə yerdən 1 metr hündürlükdə olur. Buna görə də, uşaqlar onları gəzdirən valideynlərindən 60 faiz çox zərərli maddələrlə nəfəs alır. Bu, uşaqların immun sisteminə və beynin inkişafına təsir edir.

Mütəxəssislərə görə, ən təhlükəli yerlər işıqforların yaxınlığı və ictimai nəqliyyat üçün dayanacaqlardır. Yol hərəkətinin az olduğu yerlərdə hava daha təmiz olur.

111
Teqlər:
zəhərli hava, təhlükə, uşaq, araşdırma, alimlər, Uşaq arabası

Üç nəfər qəbul imtahanından xaric olundu

1
(Yenilənib 15:20 13.08.2020)
İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

BAKI, 13 avqust — Sputnik. Bugünkü qəbul imtahanında 3 nəfərdə mobil telefon aşkarlandığı üçün imtahandan xaric olunub.

Dövlət İmtahan Mərkəzindən verilən məlumata görə, imtahan prosesinin idarə olunması üçün operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub.

Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.

Avqustun 14-dən etibarən DİM-də imtahan protokollarının, cavab vərəqləri və kartlarının emalı aparılacaq.

İmtahanlarda istifadə olunan açıq tipli tapşırıqların yoxlanılması uzun müddət tələb etdiyindən nəticələrin yaxın 2 həftə ərzində elan olunması nəzərdə tutulur.

İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

1
Buludlu hava, arxiv şəkli

Rayonlarda yağış, paytaxtda isə külək olacaq

1
(Yenilənib 14:51 13.08.2020)
Tibbi-meteoroloji proqnoza gəldikdə isə, avqustun 14-15-də Abşeron yarımadasında güclənən xəzri küləyi fonunda iqlim normasına yaxın temperatur şəraiti gözlənilir ki, bu da meteohəssas insanlar üçün əsasən əlverişlidir.

BAKI, 13 avqust — Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin səhər yarımadanın bəzi yerlərində qısamüddətli az yağış yağacağı gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, arabir güclənən şimal-qərb küləyi əsəcək.

Havanın temperaturu Abşeron yarımadasında gecə 21-24, gündüz 28-31, Bakıda gecə 21-23, gündüz 29-31 dərəcə isti olacaq. Atmosfer təzyiqi normadan aşağı 755 mm civə sütunu, nisbi rütubət gecə 60-70 , gündüz 35-40 faiz təşkil edəcək.

Abşeron çimərliklərində arabir güclənən şimal-qərb küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

14 avqustda Azərbaycanın rayonlarında bəzi yerlərdə şimşək çaxacağı, arabir yağış yağacağı, şimal və qərb rayonlarında intensiv olacağı, dolu düşəcəyi gözlənilir. Səhər dağlarda duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 19-23, gündüz 30-35, dağlarda gecə 11-15, gündüz 16-20 dərəcə isti olacaq.

Tibbi-meteoroloji proqnoza gəldikdə isə, avqustun 14-15-də Abşeron yarımadasında güclənən xəzri küləyi fonunda iqlim normasına yaxın temperatur şəraiti gözlənilir ki, bu da meteohəssas insanlar üçün əsasən əlverişlidir.

1