Azərbaycan Prezidenti İlham Əliyev Aktauda İran Prezidenti Həsən Ruhani ilə görüşüb

İlham Əliyevlə Həsən Ruhani Aktauda nədən danışıblar

77
Azərbaycan Prezidenti İlham Əliyev bu gün Aktauda keçirilən Xəzəryanı ölkələrin V Zirvə toplantısından sonra İran İslam Respublikasının Prezidenti Həsən Ruhani ilə görüşüb.

BAKI, 12 avqust — Sputnik. Azərbaycan Prezidenti İlham Əliyev bu gün Aktauda keçirilən Xəzəryanı ölkələrin V Zirvə toplantısından sonra İran İslam Respublikasının Prezidenti Həsən Ruhani ilə görüşüb. 

Görüşdə Azərbaycan-İran əlaqələrinin siyasi, iqtisadi və digər sahələrdə uğurla inkişaf etdiyi vurğulanıb.

Hər iki ölkənin həyata keçirdiyi birgə iqtisadi layihələrin yaxşı nəticələr verdiyi qeyd olunub.

Enerji, nəqliyyat və infrastruktur sahələrində, həmçinin Şimal-Cənub nəqliyyat dəhlizi üzrə əməkdaşlığın uğurla həyata keçirildiyi bildirilib.

Prezidentlər Qazaxıstanın Aktau liman şəhərində keçirilən Xəzəryanı ölkələrin dövlət başçılarının V sammitini və Xəzərin hüquqi statusu haqqında Konvensiyanın imzalanmasını yüksək qiymətləndiriblər. Onlar bu sənəd sayəsində gələcəkdə Xəzəryanı ölkələr arasında əməkdaşlığın daha da möhkəmləndirəcəyinə əminliklərini ifadə ediblər.

Görüşdə ikitərəfli münasibətlər və qarşılıqlı maraq doğuran məsələlər barədə fikir mübadiləsi aparılıb.

77
Teqlər:
"Şimal-Cənub" beynəlxalq nəqliyyat dəhlizi, Xəzərin hüquqi statusu, İran İslam Respublikasının prezidenti Həsən Ruhani, Azərbaycan prezidenti İlham Əliyev, Aktau
Əlaqədar
Türkmənistan Azərbaycan kəmərlərinə qoşulacaq
Prezidentlər Xəzərə körpə nərə balıqlarını buraxıblar
İlham Əliyev Aktau sammitində çıxış edib
Putin: Xəzər sammiti dövrün fövqündə duran hadisədir

İqtisadi Şuranın 2021-ci ildə ilk iclası keçirilib

0
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

0
İmtahan, arxiv şəkli

Nazirlikdən imtahanlarla bağlı açıqlama

3
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

3