Fövqəladə Hallar Nazirliyinin Aviasiya dəstəsinin Mi-17 helikopteri şimal-qərb bölgəsində

İnsanlar köməksiz qalıb: Təbii fəlakət zonasına helikopter cəlb edilib VİDEO

474
(Yenilənib 00:30 12.08.2018)
Zaqatala rayonunun bir neçə kəndinin sakinləri ev və həyətlərini sel basması nəticəsində köməksiz vəziyyətdə qalıblar.

Şahpəri Abbasova, Sputnik Azərbaycan

BAKI, 11 avqust — Sputnik. Son iki gün ərzində aramsız yağan yağışlar, eləcə də güclü leysan respublikamızın şimal-qərb bölgəsində həyatı iflic edib. Yağıntılar çaylarda daşqınlara səbəb olub. Sel Qax, Zaqatala və Balakən rayonlarına ciddi ziyan vurub.

Sputnik Azərbaycan-ın bölgə müxbirinin verdiyi məlumata görə, bu gün Zaqatala rayonunun bir neçə kəndinin sakinləri ev və həyətlərini sel basması nəticəsində köməksiz vəziyyətdə qalıblar.

Onların köməyinə Fövqəladə Hallar Nazirliyinin Aviasiya dəstəsinin "Mi-17" helikopteri, Mülki müdafiə qoşunlarının şəxsi heyəti, Xüsusi Riskli Xilasetmə Xidmətinin müvafiq xilasetmə qüvvələri cəlb edilib. Helikopterin köməyi ilə rayonun Böhtala kəndində yaşayan 12 ailə təhlükəsiz əraziyə köçürülüb.

Qeyd edək ki, ərazidən keçən Qara çay və Tala çayının daşması nəticəsində rayonun Höytala, Böhtala və Silban kəndlərini su basıb. Sel Böhtala kəndinə gedən piyada körpüsünü aparıb.

Regiona yağan intensiv yağışlar səbəbindən Qapıçay, Qanıx və Tala çaylarının daşması nəticəsində Zaqatalanın Lahıc, Bəhmətli, Muxax, Qaxın Zəyəm, Lələli, Lələpaşa, Qındırğa kəndləri sel suları altında qalıb.

Qax rayonun ərazisindən keçən Ərdava çayının üzərindəki avtomobil körpüsünü sel aparıb. Nəticədə Çinarlı kəndinin rayon mərkəzi ilə əlaqəsi kəsilib.

Qeyd edək ki, Lahıc kəndi ərazisində dəmir yolu xəttinin sel suları nəticəsində yararsız hala düşməsi Bakıdan Balakənə hərəkət edən sərnişin qatarının yolda qalmasına səbəb olub. 

Qatar Qax rayonu, Qaratala kəndi ərazisindəki Qax-1 stansiyasında dayanıb. Qatardakı sərnişinlər isə avtobuslarla gedəcəkləri ünvana göndərilib.

Hazırda bölgədə təbii fəlakətin fəsadlarının aradan qaldırılması istiqamətində iş aparılır. Fövqəladə Hallar Nazirliyinin müvafiq strukturları prosesə cəlb olunub.

474
Teqlər:
təbii fəlakət, Fövqəladə Hallar Nazirliyi, sel, Balakən, Zaqatala, Qax
Əlaqədar
Yolda qalmış qatar, uçmuş körpü, təcrid olunmuş kənd – Bir bölgədə yağışın fəsadları
İspaniyada epdimioloji vəziyyət

İspaniyada ikinci koronavirus epidemiyası qaçılmazdır ekspert

15
"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar".

BAKI, 27 may — Sputnik. İspaniyada ikinci koronavirus epidemiyasının payızda baş verməsi demək olar ki, qaçılmazdır, lakin hökumətin ağır karantinin qarşısını almaq və problemi digər yollarla həll etmək üçün vaxtı var. Sputnik Azərbaycan xəbər verir ki, bunu Navarra Universitetinin mikrobioloqu Gilyermo Martinez de Texada RİA Novosti-yə bildirib.

"Bir çox mütəxəssislər inanırlar ki, epidemiya oktyabrda yenidən baş verəcək. Mən də bu fikirdəyəm. Çox güman ki, belə olacaq. Amma yüz faizlik əminlik ola bilməz. Onun birinci epidemiya kimi güclü olub-olmayacağı da aydın deyil", - Martinez de Texada deyib.

Onun sözlərinə görə, hazırda cənub yarımkürəsində payızdır və orada xəstələrin sayında kəskin artım baş verib.

"Bu qrip kimi mövsümi bir virusa oxşayır", - mikrobioloq deyib.

İspaniya hakimiyyət orqanlarının yeni dalğaya hazırlaşmaq üçün bir neçə ay vaxtı var, lakin ölkə çətin ki, mart-aprel aylarında olduğu kimi sərt karantin tətbiq etsin.

"Bu, çox ağır olardı. Cənubi Koreya və Tayvan bütün əhalini karantinə salmadılar. Onlar tez reaksiya verməyə imkan verən sistemləri tətbiq etdilər", - Martinez de Texada deyib.

O qeyd edib ki, hər halda, epidemiyanın ikinci dalğasına həm hakimiyyət, həm tibb işçiləri, həm də ölkə sakinləri martdakından daha hazırlıqlı olacaqlar.

"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar", - mikrobioloq əlavə edib.

Bununla yanaşı, o, ölkənin payız və qışda barları, mağazaları və s. yenidən bağlamaq məcburiyyətində qalacağını istisna etməyib.

15
Təcili tibbi yardım

Xəstəlikdən bezən 57 yaşlı kişi intihar etdi

33
Babayev subay olub və evində tək yaşayıb. Onun meyitini ilk görən qardaşı oğlu Hikmət Babayev dərhal hüquq-mühafizə orqanlarına məlumat verib.

Leyla Abdullayeva,  Sputnik Azərbaycan

BAKI, 26 may - Sputnik. 57 yaşlı kişi qollarını doğrayaraq intihar edib. Hadisə Qubanın Mirzəməmməd kəndində baş verib. Sputnik Azərbaycan-ın verdiyi məlumata görə, 1963-cü il təvəllüdlü Edqar Xunbutan oğlu Babayev hər iki qolunun damarlarını doğrayıb. Mərhum qan itirməkdən dünyasını dəyişib. 

Quba rayon polis və prokurorluq orqanları əməkdaşları tərəfindən hadisə yerində meyitə baxış keçirilib. 57 yaşlı Babayev nevroloji xəstəlikdən əziyyət çəkirmiş. O, 1985-ci ildən Quba rayon mərkəzi xəstəxanasının psixiatriya şöbəsində qeydiyyatda olub. İndiyə qədər dəfələrlə stasionar müalicə alan mərhum bu gün intihar edib.

Babayev subay olub və evində tək yaşayıb. Onun meyitini ilk görən qardaşı oğlu Hikmət Babayev dərhal hüquq-mühafizə orqanlarına məlumat verib.

33