Sunset istirahət mərkəzi

Məşhur istirahət mərkəzləri cərimələndi

28
(Yenilənib 16:10 27.07.2018)
Reyd zamanı Sumqayıt şəhəri Xəzər sahili zonasında fəaliyyət göstərən istirahət mərkəzlərində formalaşan çirkab suların və məişət tullantılarının qanunvericiliyə uyğun qaydada idarə olunmadığı aşkar edilib

BAKI, 27 iyul — Sputnik. Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin və Daxili İşlər Nazirliyinin Baş İctimai Təhlükəsizlik İdarəsinin əməkdaşları tərəfindən Xəzər dənizinin sahil zolağında birgə reydlər davam etdirilir.

Bu barədə Sputnik Azərbaycan-a nazirliyin mətbuat xidmətindən məlumat verilib. Bildirilib ki, reyd zamanı Sumqayıt şəhəri Xəzər sahili zonasında fəaliyyət göstərən istirahət mərkəzlərində formalaşan çirkab suların və məişət tullantılarının qanunvericiliyə uyğun qaydada idarə olunmadığı aşkar edilib.

Araşdırma zamanı "Relaks", "Tural-1", "Gəmi Qaya", "Orxan", "Katamaran", "Şərur" "Kaspian Standart KO" MMC-yə məxsus "Kaspian Breeze" istirahət mərkəzlərində formalaşan məişət-çirkab suların təmizlənmədən birbaşa Xəzər dənizinə axıdıldığı və "Dostluq" istirahət mərkəzində əmələ gələn məişət tullantılarının isə ərazidə qalaqlandığı məlum olub.

Faktlarla bağlı obyekt sahibləri barəsində protokollar tərtib edilib və onlara İnzibati Xətalar Məcəlləsinə əsasən ümumilikdə 3100 manat məbləğində cərimə tətbiq edilib. "Kaspian Standart KO" MMC isə hüquqi şəxs qismində məsuliyyətə cəlb edilməsi üçün tərtib olunmuş sənədlər tədbir görülməsi üçün məhkəməyə göndərilib. Nöqsanların aradan qaldırılması məqsədilə obyekt sahiblərinə icrası məcburi olan müddətli "məcburi göstəriş"lər verilib.

Reydlər davam etdirilir.

28
Teqlər:
cərimə, Ekologiya və Təbii Sərvətlər Nazirliyi, istirahət mərkəzi, Sumqayıt
Əlaqədar
Bakıda daha bir istirahət və əyləncə mərkəzi istifadəyə verildi
Bakıda cərimə meydançasında güclü yanğın: 50-yə yaxın avtomobil yanıb
Protokol ləğv edilir, cərimə yazılması qaydası dəyişir, piyadaların cəriməsi artırılır
Nazirlik şirkəti cərimə etdi
Qadağan olunmuş saatlarda küçəyə çıxanlar cərimə olunacaq
Azərbaycanda bələdiyyə sədri cərimə edildi
İnsanlar buna görə 22 min manat cərimə oluna bilər