Bakı-Sumqayıt yolu

Bakıya giriş bağlanır, alternativ variantlara üz tutun

209
(Yenilənib 14:14 30.07.2018)
Yaranan müvəqqəti narahatlığa görə Azərbaycan Avtomobil Yolları Dövlət Agentliyi vətəndaşlardan üzr istəyir

BAKI, 27 iyul — Sputnik. Bakı-Sumqayıt yolunun şəhər istiqamətində Bakı Beynəlxalq Avtovağzal Kompleksinin qarşısından keçən hissəsində asfalt örtüyünün yenilənməsi və üfiqi nişanlanma xətlərinin çəkilişi işlərinin tam olaraq 18-20 saat ərzində yekunlaşdırılması nəzərdə tutulub. Bu barədə Sputnik Azərbaycan-a Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli məlumat verib.

O bildirib ki, bu səbəbdən həmin hissədə iyul ayının 28-i səhər saat 10:00-dan iyul ayının 29-u səhər saatlarınadək avtonəqliyyat vasitələrinin hərəkəti qısa müddətlik məhdudlaşdırılacaq. Hərəkət istiqaməti Beynəlxalq Avtovağzal kompleksinin yanından Stend Atıcılığı idman kompleksinə gedən yol vasitəsi ilə Bakı-Dairəvi-1 avtomobil yoluna yönəldiləcək.

"Ancaq sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyyə olunur" — deyən Nəcəfli qedy edib ki, sürücülər aşağıdakı alternativ yollardan istifadə edə bilərlər:

1. Sumqayıt şəhəri, Saray və Masazır qəsəbələrindən:

— Balaxanı-Zabrat yolu vasitəsi ilə Heydər Əliyev prospektindən,

— Binəqədi şossesindən,

— Novxanı-Pirşağı marşrutu üzrə Kürdəxanı-Zabrat, Kürdəxanı-Maştağa-Buzovna və Bilgəh-Buzovna yolları vasitəsi ilə Heydər Əliyev prospektindən;

2. H.Z.Tağıyev-Sahil avtomobil yolundan:

— Ələt-Bibiheybət və Ələt-Lökbatan dairəsi-Bakı-Dairəvi-1 yolu,

— Şamaxı yolu-Sulutəpə dairəsi-Hocahəsən-Bibiheybət və Hocahəsən-Bakı Dairəvi-1 marşrutu ilə;

3. Bakı-Sumqayıt yolundan:

— Xırdalan dairəsi-Binəqədi qəsəbəsi marşrutu üzrə Binəqədi şossesindən, həmçinin Balaxanı-Zabrat yolu vasitəsi ilə Heydər Əliyev prospektindən,

— Ekologiya postu – 4-cü qapı küçəsi (Biləcəri-Binəqədi yolu) vasitəsi ilə Binəqədi şossesindən, həmçinin 4 —cü qapı küçəsi-Biləcəri qəsəbəsindən,

— Hocahəsən-Bibiheybət və Hocahəsən-Bakı Dairəvi-1 yollarından,

— Avtovağzal-Biləcəri qəsəbəsi marşrutu ilə şəhərə daxil olmaq mümkündür.

Alternativ yoldan istifadə
©Karikatura
Alternativ yoldan istifadə

Yaranan müvəqqəti narahatlığa görə Azərbaycan Avtomobil Yolları Dövlət Agentliyi vətəndaşlardan üzr istəyir və aparılan işlərə anlayışla yanaşmalarını xahiş edir.

209
Teqlər:
üfiqi nişanlanma xətləri, asfalt örtüyü, Bakı Beynəlxalq Avtovağzal Kompleksi, Bakı-Sumqayıt yolu
Əlaqədar
Bakı-Sumqayıt yolu ilə bağlı xəbər var
"Bakı-Sumqayıt camaatına boşuna əzab yaşadıblar" — Ağır ittiham və qəti təkzib
Bakı-Sumqayıt yolu yenə kilidləndi - Bu dəfə əks istiqamətdə
Bakı-Sumqayıt tıxacında inləmək azmış kimi əlavə cəza da kəsildi: Maaşlardan tutulsun!
Bakı-Sumqayıt yolundan istifadə edənlərə xoş xəbər