Sabunçu rayonunda yüksək sürətlə hərəkət edən avtomobil qəza törədib

Paytaxtda altı avtomobil toqquşdu, yaralılar var

60
(Yenilənib 11:06 27.07.2018)
Yol nəqliyyat hadisəsi zamanı "Changan" markalı avtomobilin sürücüsü T.Abdullayev və sərnişini 28 yaşlı Babək Hüseynov ağır bədən xəsarətləri alıb

BAKI, 27 iyul — Sputnik. Sabunçu rayonunda yüksək sürətlə hərəkət edən avtomobil qəza törədib, iki nəfər xəsarət alıb. Sputnik Azərbaycan "Report"a istinadən xəbər verir ki, hadisə Bakıxanov qəsəbəsinə gedən yolda qeydə alınıb.

Belə ki, 90 PS 889 dövlət qeydiyyat nişanlı "Changan" avtomobili idarə edən 34 yaşlı Tural Abdullayev sərt döngədə nəqliyyat vasitəsini yüksək sürətlə idarə edib. Nəticədə onun taksi fəaliyyəti ilə məşğul olduğu avtomobilin sol təkəri səkiyə dəyərək qırılıb. Avtomobil yol kənarında dayanan "Toyoto", "Nissan", "Vaz 21011", "Azsamand" və "BMW" markalı avtomobillərə çırpılıb. T. Abdullayevin idarə etməsindən çıxan "Changan" daha sonra bir neçə dövrə vuraraq aşıb.

Yol nəqliyyat hadisəsi zamanı "Changan" markalı avtomobilin sürücüsü T.Abdullayev və sərnişini 28 yaşlı Babək Hüseynov ağır bədən xəsarətləri alıb.

Hadisə şahidlərinin köməkliyi ilə hər iki şəxs 3 saylı Kliniki Tibbi Mərkəzə yerləşdirilib.

Baş vermiş qəza ilə bağlı əraziyə Sabunçu Rayon Polis İdarəsi və Yol Patrul Xidmətinin əməkdaşları cəlb edilib. Hadisə zamanı zərər dəymiş avtomobillər araşdırmalar bitənədək cərimə meydançasına yerləşdirilib.

Faktla bağlı avtotexniki ekspertiza təyin edilib.

60
Teqlər:
Sabunçu rayonu, zəncirvari qəza, qəza, avtomobil
Əlaqədar
Daha bir minik avtomobili avtobusa qəza şəraiti yaratdı - VİDEO
Dağıstanda ağır qəza olub, ölən və yaralananların hamısı azərbaycanlıdır
Masallıda qəza baş verdi, 11 nəfər yaralandı
Ağır qəza yenə can aldı, xəsarət alanların arasında uşaq da var
Baş vermiş qəza ilə bağlı birgə rəsmi məlumat yayıldı