Lerik rayonu ərazisində antik dövrlərə aid qəbrlər tapılıb

Azərbaycanda eramızdan əvvələ aid məzarlıq tapılıb

12332
(Yenilənib 13:50 26.07.2018)
"Bu qəbirlər orada dəfn olunanların sosial vəziyyəti haqqında da məlumat verir"

Rahim Zakiroğlu, Sputnik Azərbaycan

BAKI, 26 iyul — Sputnik. Lerik rayonu ərazisində antik dövrlərə aid növbəti qəbirlər tapılıb. Bu barədə Antik dövr üzrə Lerik Arxeoloji ekspedisiyasının rəisi, AMEA-nın Arxeologiya və Etnoqrafiya İnstitutunun aparıcı elmi işçisi Ceyhun Eminlinin Sputnik Azərbaycan-ın bölgə müxbirinə məlumat verib.

O qeyd edib ki, ekspedisiya Lerik rayonunun Kürdəsər kəndi ərazisində 2012-ci ildən arxeoloji tədqiqatlar aparır. Artıq 7 aparılan qazıntıların davamı olaraq e.ə. V-III əsrlərə aid sıx qəbiristanlıq aşkar edilib. Bu günə kimi 180-ə yaxın qəbir tapılıb və tədqiq olunmaqdadır.

C.Eminli bildirib ki, aşkar olunmuş məzarlar müxtəlif formadadır: “Qəbirlərdəki cəsədlər bükülü vəziyyətdə, sağ və ya sol böyürləri üstə dəfn ediliblər. Dəfn edilənlərin yanlarında silahları — qılıncları, bıçaqları və nizələri qoyulub. Bundan əlavə qəbirlərdə müxtəlif saxsı qablar da aşkarlanıb. Bu saxsı qabların bəziləri heyvan formasındadır ki, bu da xüsusi ayinlərlə əlaqədardır. Dəfn edilənlərin üzərindən şəxsi əşyaları, tunc və gümüşdən bəzək əşyaları, müxtəlif tərkibli muncuqlar da tapılıb”.

  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
  • Lerik rayonu ərazisində antik dövrlərə aid qəbrlər tapılıb
    Lerik rayonu ərazisində antik dövrlərə aid qəbrlər tapılıb
    © Sputnik / Rahim Muradov
1 / 6
© Sputnik / Rahim Muradov
Lerik rayonu ərazisində antik dövrlərə aid qəbrlər tapılıb

“Qəbirlərdə od və kömür izləri də aşkar edilib, bu da o dövrdəki xüsusi inancla əlaqədardır. Tapılan məzarların 2300-2500 il yaşı var. Bunu, həmçinin qəbirlərdən tapılan maddi-mədəni nümunələr də sübut edir. Həm də qəbirlərdə olan kömür qalığının radio-karbon analizi beynəlxalq laboratoriyalarda aparılır. Bu kömür analizinin cavabları da bizim qeyd etdiyimiz dövrü təsdiq edir" – deyə müsahibimiz qeyd edib.

Ekspedisiya rəisi tapılan qəbirlərin müxtəlif təbəqəyə aid olduğunu da bildirib. Deyib ki, bunu da məzarlardan çıxan maddi-mədəni nümunələrə əsasən müəyyən etmək olur: "Bəzi qəbirlərdə dəfn edilənlər daha zəngindirlər. Yəni ola bilər, onlar ya sərkərdə, ya da varlı təbəqəyə aid şəxslər olublar. Bu qəbirlər orada dəfn olunanların sosial vəziyyəti haqqında da məlumat verir. Burada kasıb qəbirləri də var. Varlı qəbirləri maddi-mədəni nümunələrlə daha zəngindir”.

Ceyhun Eminli vurğulayıb ki, bu ilki tədqiqatları 02 iyul tarixindən başlayıb və 30-31 iyulda yekunlaşacaq. Burada işlər yekunlaşdıqdan sonra işlər kameral şəraitdə davam etdiriləcək.

Ekspedisiya rəhbəri ilə söhbətimiz əsnasında onu da öyrəndik ki, 2016-cı ildən Lerik Arxeoloji ekspedisiyasına amerikalı mütəxəssislər də dəvət edilib və 3 ildir ki, ekspedisiya Beynəlxalq statusda fəaliyyət göstərir. Xarici mütəxəssislər insan və heyvan sümüklərinin araşdırılması üzrə antropoloji tədqiqatlar aparırlar, ətraf ərazilərdə abidələrin varlığını müəyyən etmək üçün xəritələşdirmə işləri ilə məşğuldurlar.

Ekspedisiya üzvləri, həmçinin xarici mütəxəssislərlə bir çox laboratoriya işlərində birgə əməkdaşlıq edirlər.

12332
Teqlər:
qəbiristanlıq, qəbir, Lerik rayonu, məzar, kütləvi məzarlıq, AMEA-nın Arxeologiya və Etnoqrafiya İnstitutu
Əlaqədar
Xaçmazdakı kütləvi məzarlıq barədə ilginc yenilik
Göbələk yığarkən kütləvi məzarlıq tapdılar
Azərbaycanda ölülərin üz döndərdiyi qəbiristanlıq - Müəmma çözüldü
Azərbaycanda bu da varmış – gölün içində qəbiristanlıq
Azərbaycanda qəbiristanlıq yandı
Azərbaycanda qeyri-adi qəbiristanlıq: burada ölülər dəfn edilmir
 Yardımlıda meşə yanğını

FHN: "Yardımlıda meşə zolağında yanğının söndürülməsi əməliyyatları davam edir"

3
(Yenilənib 19:29 04.08.2021)
Yanğın mürəkkəb relyefli yüksək dağlıq ərazidə baş verdiyinə görə yanğının söndürülməsində əsasən əl əməyindən istifadə olunur.

BAKI, 4 avqust — Sputnik. Yardımlı rayonunun Honuba kəndi yaxınlığında mürəkkəb relyefli dağlıq ərazidəki meşə zolağında baş vermiş yanğının söndürülməsi istiqamətində tədbirlər fasiləsiz olaraq davam etdirilir.

Bu barədə Fövqəladə Hallar Nazirliyindən (FHN) məlumat verilib.

Bildirilib ki, ilkin hesablamaya əsasən, təqribən 30 hektar ərazi yanıb. Hazırda aktiv yanğın ocaqları, təqribən 1 hektar ərazini əhatə edir. Yanğının geniş əraziyə yayılmasının qarşısının alınması və söndürülməsi məqsədilə Fövqəladə Hallar Nazirliyi Dövlət Yanğından Mühafizə Xidməti, Mülki Müdafiə Qoşunları, Xüsusi Riskli Xilasetmə Xidməti və Cənub Regional Mərkəzinin müvafiq qüvvələri, Aviasiya dəstəsinin 1 ədəd helikopteri, həmçinin Ekologiya və Təbii Sərvətlər Nazirliyinin Meşə Təsərrüfatı Mərkəzinin və Regional Ekologiya İdarəsinin əməkdaşları və yerli sakinlər yanğınsöndürmə işlərinə cəlb olunub.

Yanğın mürəkkəb relyefli yüksək dağlıq ərazidə baş verdiyindən yanğının söndürülməsində əsasən əl əməyindən istifadə olunur.

Fövqəladə Hallar Nazirliyi bir daha əhaliyə müraciət edərək qarşıdakı günlərdə havanın temperaturunun daha da yüksəlməsi fonunda yanğın təhlükəsizliyi qaydalarına ciddi əməl etməyə çağırır.

Həmçinin oxuyun:

Lənkəranın dağlıq ərazisində baş verən meşə yanğınları söndürülüb

Firuddin Əliyev: “Yanğınların 90 faizi antropogen təsirlər nəticəsində yaranır”

3
Təhsil naziri Emin Əmrullayev

Təhsil naziri narazı müəllimlərə cavab verdi

6
(Yenilənib 19:08 04.08.2021)
Emin Əmrullayev deyib ki, 30 baldan aşağı bal toplayan müəllimlər müəllim kimi işə qəbul olunmur. Müəllim əgər 30 baldan yuxarı toplayıbsa o, prinsipcə müəllim işləyə bilər.

BAKI, 4 avqust — Sputnik. Təhsil naziri Emin Əmrullayev özünün sosial şəbəkə hesabında Müəllimlərin İşə Qəbul İmtahanın ədalətsiz keçirilməsi ilə bağlı ittihamlara cavab verib. Sputnik Azərbaycan-ın məlumatına görə, nazir bildirib ki, namizədlər riyaziyyat və ingilis dili ixtisasları üzrə MİQ imtahanlarının çətinliyindən şikayətlənməkdə müəyyən qədər haqlıdırlar.

"Suallar çətin olub, amma imtahanlar ədalətsiz olmayıb. MİQ imtahanlarında ibtidai sinif üzrə 3 920 müəllim 41-60 bal aralığında nəticə göstərib. Ümumilikdə 402 nəfər 56-60 bal yığdığından onlar arasında rəqabət yaranacaq. Riyaziyyat fənni üzrə isə 3 nəfər 56-60 bal yığıb, amma ingilis dili fənni üzrə heç bir namizəd bu nəticəni göstərə bilməyib. Bu o demək deyil ki, həmin fənn müəllimlərinin biliyi zəifdir. Bütün bunlar ilkin nəticələrdir. Riyzaiyyat fənni müəllimləri başa düşməlidirlər ki, suallar çətin olsa da, imtahanlar ədalətsiz təşkil olunmayıb", - deyə nazir bildirib.

E.Əmrullayev onu da bildirib ki, 30 baldan aşağı bal toplayan müəllimlər müəllim kimi işə qəbul olunmur.

"Müəllim əgər 30 baldan yuxarı toplayıbsa o, prinsipcə müəllim işləyə bilər", - deyə nazir vurğulayıb. 

Nazir imtahan vaxtının uzadılması ilə bağlı təkliflərin dəyərləndiriləcəyini, müddətin artırılmasının mümkün olduğunu söyləyib və məktəblərdə vakant yerlərin gizlədilməsindən də danışıb. Onun sözlərinə görə, əgər kimdəsə belə fakt varsa nazirliyə müraciət edə bilər.

"Bu barədə bəzən media da yazır. Amma məktəbin adını qeyd etmir. Əgər düşünürsünüzsə ki, hansısa məktəblərdə vakant yerlər gizlədilib, bu barədə bizə məlumat verin. Məktəblərin adını qeyd edin, araşdıraq", - deyə nazir söyləyib.

Eləcə də oxuyun:

6
Teqlər:
nazir, təhsil, müəllim, məktəb, imtahan