Tələbələr imtahan prosesində

Azərbaycanda həyəcanlı gün çatdı

53
(Yenilənib 10:24 26.07.2018)
Proses Respublikanın 11 şəhərində həyata keçiriləcək

BAKI, 26 iyul — Sputnik. Dövlət İmtahan Mərkəzi bu gün ali təhsil müəssisələrinə qəbul olmaq istəyən abituriyentlər üçün II və III ixtisas qrupları üzrə qəbul imtahanı keçirir. Bu barədə Sputnik Azərbaycan-a Dövlət İmtahan Mərkəzindən (DİM) məlumat verilib.

Bildirilib ki, imtahan Respublikanın 11 şəhərində — Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində ümumilikdə 61 binada aparılacaq. İmtahanların idarə olunmasına 217 imtahan rəhbəri və orta ümumtəhsil müəssisələrindən 2585 nəzarətçi-müəllim cəlb olunacaq.

İmtahanda 31904 abituriyentin iştirakı nəzərdə tutulur. Onlardan 14993 abituriyent II qrup üzrə, 16911 abituriyent isə III qrup üzrə imtahan verir. İmtahan bütün binalarda eyni vaxtda – saat 11:00-da başlayacaq və 3 saat davam edəcək.

İmtahan materiallarının emalı başa çatdıqdan sonra nəticələr və hər bir abituriyentin cavab kartının qrafik təsviri imtahandan 3-4 gün sonra DİM-in internet saytında yerləşdiriləcək.

53
Teqlər:
imtahan, abituriyent, ali təhsil müəssisələri, Dövlət İmtahan Mərkəzi
Əlaqədar
Diqqət: İki gün sonra ölkə ərazisində böyük həyəcan yaşanacaq
Bu saatlarda Azərbaycanda böyük həyəcan yaşanır
Azərbaycanın rayonlarında həyəcan yaşanır
Dünən Bakıda yaşanan həyəcan iyulun 3-də rayonlarda davam edəcək