Dövlət İmtahan Mərkəzinin binası

Abituriyentlər təlaş içindədirlər: Dövlət İmtahan Mərkəzində baş verir?

1067
(Yenilənib 14:18 23.07.2018)
"Problemin mövcud olmasını həm şifahi, həm də yazılı formada etiraf edərək problemin günorta saatlarında həll ediləcəyini bildiriblər”

İradə Cəlil, Sputnik Azərbaycan

BAKI, 23 iyul — Sputnik. "Azərbaycan Respublikasının Dövlət İmtahan Mərkəzində I ixtisas qrupunun memarlıq istiqaməti üzrə qabiliyyət tələb edən ixtisaslarına qeydiyyatdan keçmək olmur. Qeydiyyat isə 24 iyul saat 24:00-da bitir".

Bunu Bakı Mühəndislik Universitetinin Maliyyə işləri üzrə prorektoru Yavər Məmmədov Sputnik Azərbaycan-a açıqlamasında bildirib. O qeyd edib ki, qızı Könül Məmmədzadə builki qəbul imtahanının I qrup üçün nəzərdə tutulmuş test imtahanında iştirak edib və kifayət qədər bal toplayıb.

Ancaq memarlıq ixtisasını seçmək üçün tələb olunan ikinci mərhələdə problem yaşayır. Belə ki, abituriyent qabiliyyət imtahanını vermək üçün DİM-in saytında qeydiyyatdan keçə bilmir. Qarşılaşdıqları texniki problemə görə, ümumiyyətlə səhifədən belə, çıxa bilmir.

Y.Məmmədov bildirir ki, övladının qarşılaşdığı problemlə bağlı Dövlət İmtahan Mərkəzinin (DİM) çağrı mərkəzinə və həm də DİM-in rəsmi e-mail ünvanına müraciət göndərib. Qurumdan bildiriblər ki, qarşılaşdıqları problem bu gün ərzində həll olunacaq. 

“Bununla bağlı həm çağrı mərkəzinə və həm də DİM-in rəsmi e-mail ünvanına müraciət göndərmişəm. Problemin mövcud olmasını həm şifahi, həm də yazılı formada etiraf edərək problemin günorta saatlarında həll ediləcəyini bildiriblər. Buna baxmayaraq, qeydiyyatın bitməsinə çox az zaman qaldığına görə çox narahatıq” — şikayətçi vurğulayıb.

Bildirək ki, qeydiyyat müddəti kimi 21-24 iyul tarixləri müəyyən edilib.

DİM-in Mətbuatla iş və elektron kommunikasiya sektorunun müdiri Xanlar Xanlarzadə isə Sputnik Azərbaycan-a açıqlamasında deyib ki, hazırda sistemdə heç bir problem müşahidə edilmir: "Abituriyentlər saytımıza daxil olaraq qeydiyyatdan keçə bilərlər. Qeyd edim ki, Memarlıq istiqaməti üzrə müsabiqə şərtləri var. Ödənişli sifarişli yerlər üçün 200 bal, dövlət sifarişli yerlər üçün 250 bal toplayan abituriyentlər I ixtisas qrupunun Memarlıq istiqaməti üzrə qeydiyyatdan keçə bilərlər".

X.Xanlarzadənin sözlərinə görə, bu sistem elektron olduğu üçün müəyyən problemlərin yaranması istisna deyil. Buna görə də kimsə problemlər qarşılaşırsa, Dövlət İmtahan Mərkəzinin çağrı mərkəzinə (1653) zəng edərək, probleminin həll edilməsi üçün müraciət edə bilər.

DİM-in çağrı mərkəzindən Spuntik Azərbaycan-ın sorğusuna cavab olaraq isə bildiriblər ki, saytda yaranmış texniki problem elə indilərdə aradan qaldırılıb. Abituriyentlər sayta daxil olub, qeydiyyatdan keçə bilərlər.

Lakin Y.Məmmədovun övladının problemi hələ də həll olunmayıb. O, bununla bağlı redaksiyamıza qaşılaşdıqları problemi əks etdirən video da göndərib.

1067
Teqlər:
Dövlət İmtahan Mərkəzi
Əlaqədar
DİM imtahanda olanlar barədə xəbər yaydı
DİM-dən tələbələrə ingilis dilində təhsillə bağlı vacib xəbər
DİM son imtahanların gözlənilməz nəticələrini açıqladı
DİM qəbul imtahanlarının nəticəsini açıqladı
DİM daha bir imtahan keçirəcək
DİM abituriyentlərə müraciət etdi
Abituriyentlər ehtiyatlı olmalıdırlar: DİM məlumat yaydı
COVİD-19 xəstəsi, arxiv şəkli

Qubada yaşadıqları evi qanunsuz olaraq tərk edən koronavirus xəstələri aşkarlandı

1
(Yenilənib 13:30 27.11.2020)
Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

BAKI, 27 noyabr — Sputnik. Quba Rayon Polis Şöbəsinin əməkdaşları rayon ərazisində qurulmuş karantin postunda xidmət aparan zaman yaşadığı evi qanunsuz olaraq tərk edən koronavirus xəstəsi aşkarlayıblar.

Sputnik Azərbaycan DİN-in Mətbuat Xidmətinin Quba regional qrupundan verilən məlumata istinadla xəbər verir ki, araşdırmalarla həmin şəxsin rayonun Amsar kənd sakini Süleyman Mütəllimov olduğu müəyyən edilib.

Onun koronavirus testinin nəticəsi pozitiv olduğuna görə, ev şəraitində müalicə təyin edilsə də, ancaq S.Mütəllimov qaydaları pozaraq Qusar rayonuna getmək istəyib.

Dərhal həmin əraziyə həkim briqadası dəvət edilib və təcili tibbi yardım avtomobili ilə S.Mütəllimov yaşadığı ünvana geri qaytarılıb.

Gün ərzində şöbə əməkdaşları karantin postunda xidmət aparan zaman yaşadığı evi qanunsuz olaraq tərk edən daha iki şəxsi də aşkarlayıblar. COVID-19 infeksiyasına yoluxduğunu bilərək özünütəcrid qaydalarına riayət etməyən Şabran rayon sakini İlyas İsaqov və Bakı şəhər sakini Gülnaz Bağırova Quba rayonuna daxil olmaq istəyən zaman polis əməkdaşları tərəfindən saxlanılıblar.

Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

Qeyd edilən faktla bağlı Quba RPŞ-də araşdırmalar aparılır.

1
Rusiya Prezidenti Vladimir Putin, arxiv şəkli

Putinin suallara cavab verəcəyi konkret tarix bilindi

7
(Yenilənib 13:28 27.11.2020)
Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

BAKI, 27 noyabr — Sputnik. Rusiya Prezidenti Vladimir Putin ilin yekunları ilə bağlı dekabrın 17-si mətbuat konfransı keçirəcək. Sputnik Azərbaycan xəbər verir ki, bu barədə Kremlin mətbuat xidməti məlumat yayıb.

"Noyabrın 29-u saat 12:00-da Rusiya Federasiyasının mətbuat xidməti və informasiya idarəsi jurnalistlərin akkreditasiyasına başlayacaq", - deyə məlumatda qeyd olunur.

Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

7