Dövlət Miqrasiya xidmətinin rəisi Vüsal Hüseynov

Dövlət Miqrasiya Xidməti jurnalistlərə hesabat verib

56
(Yenilənib 14:38 19.07.2018)
Bu ilin 6 ayı ərzində 827 352 əcnəbi və vətəndaşlığı olmayan şəxs ölkəyə daxil olub

Təranə Xudabaxşiyeva, Sputnik Azərbaycan

BAKI, 19 iyul — Sputnik. Bu gün Dövlət Miqrasiya Xidmətinin (DMX) ötən ilin 6 aylıq fəaliyyətinin yekunları barədə hesabat konfransı keçirilib. Sputnik Azərbaycan xəbər verir ki, DMX-nin rəisi Vüsal Hüseynov qurumun 6 ay müddətində gördüyü işlər barədə məlumat verib.

O, çıxışı zamanı bildirib ki, bu ilin 6 ayı ərzində 827 352 əcnəbi və vətəndaşlığı olmayan şəxs ölkəyə daxil olub. Bu rəqəm 2017-ci ilin müvafiq dövründə 747 107 olub. 

Vüsal Hüseynovun dediyinə görə, bu rəqəmlər ölkəyə gələn əcnəbilərin sayında 10 faiz artımın olduğunu göstərir: "Hesabat dövründə 347.767 əcnəbi və vətəndaşlığı olmayan şəxs olduğu yer üzrə qeydiyyata alınıb. 2017-ci ilin müvafiq dövründə bu rəqəm 315 736 olub. Bu da keçən illə müqayisədə 10 faizdən də çox artım deməkdir".

"Bu ilin birinci yarısında xarici ölkələrdə qeyri-müəyyən vəziyyətdə yaşayan Azərbaycan vətəndaşlarının readmissiya ilə bağlı Dövlət Miqrasiya Xidmətinə 640 şəxs haqqında 322 sorğu daxil olub. 206 Azərbaycan vətəndaşının readmissiyası həyata keçirilib” – DMX rəisi vurğulayıb.

Qurum rəsmisi onu da qeyd edib ki, Azərbaycanda qaçqın statusu əsasında yaşayan şəxslərin sayında 23 faiz artım müşahidə olunub: “Hal-hazırda bu şəxslərin sayı 75 nəfərdir. 2017-ci ilin müvafiq dövründə qaçqınların sayı 61 nəfər olub".

Vüsal Hüseynov əlavə edib ki, bu rəqəmlər ölkəyə gələn əcnəbilərin sayında 10 faiz artımın olduğunu göstərir: "Hesabat dövründə 347.767 əcnəbi və vətəndaşlığı olmayan şəxs olduğu yer üzrə qeydiyyata alınıb. 2017-ci ilin müvafiq dövründə bu rəqəm 315 736 olub. Bu da ötən illə müqayisədə 10 faizdən daha çox artım deməkdir".

"Bəzi şirkətlər insanları hansısa yollarla ölkədən çıxarırlar. Həmin şəxslərə xarici ölkələrdə işlə təmin edəcəklərinə söz verirlər və ya onlara status vəd edirlər. Lakin bunların hamısı boş vədlərdən başqa heç nə olmur. Müəyyən müddətdən sonra bu mifin acı reallığını görən Azərbaycan vətəndaşları ölkəyə qayıtmaq fikrinə düşürlər" — deyə V.Hüseynov vurğulayıb.

56
Teqlər:
qaçqın, Vüsal Hüseynov, Dövlət Miqrasiya Xidməti
Əlaqədar
Azərbaycanda miqrasiya ilə bağlı nə baş verir?
Allahverənov: “Miqrasiya Məcəlləsindəki dəyişikliklər əcnəbilərin maraqlarına cavab verir”
Məmmədov: “Miqrasiya Məcəlləsinə edilən dəyişikliklər zəruridir”
Azərbaycan miqrasiya siyasətini gücləndirir
Azərbaycanda miqrasiya: 2015-ci ilin yekunları və 2016-cı ilin tendensiyaları
Avropalılar AB-nin daha inkişaf etmiş ölkələrinə miqrasiya edir
İlham Əliyev Miqrasiya Məcəlləsinə dəyişikliklər barədə sərəncam verib
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

2
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

2
Uşaqlar, arxiv şəkli

İnsan alverinin hər üç qurbanından biri uşaqdır

4
(Yenilənib 17:58 18.01.2021)
Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

BAKI, 18 yanvar — Sputnik. İnsan alveri insan hüquqlarının ciddi pozuntusu və cinayətin ağır formalarından biridir. Həm milli, həm də transmilli cinayət xarakteri daşıyan "insan alveri" istismar məqsədilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insana qarşı zorakılıq kimi başa düşülür.

Sputnik Azərbaycan Baş Prokurorluğun məlumatına istinadla xəbər verir ki, aşkar olunan qurbanlar arasında uşaqların faiz nisbəti artmaqdadır: hər üç qurbandan biri uşaqdır.

İnsan alverinə qarşı mübarizə məqsədilə Baş Prokurorluğun Mətbuat xidməti tərəfindən maarifləndirici videoçarx hazırlanıb.

Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "Qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

https://www.facebook.com/prokurorluq/videos/118373910083559

4