Ekologiya və Təbii sərvətlər nazirliyi

Nazirlik reyd keçirdi: Qanunu pozanlar cərimələndilər

219
(Yenilənib 15:03 16.07.2018)
Araşdırma zamanı ağacların Gədəbəy rayon sakini Polad Məmmədov tərəfindən kəsildiyi müəyyən edilib

BAKI, 16 iyul — Sputnik. Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən ətraf mühitin mühafizəsi sahəsində qanunvericiliyin tələblərinə riayət olunmasını yoxlamaq məqsədilə respublika ərazisində növbəti reyd keçirilib. Bu barədə Sputnik Azərbaycan-a nazirliyin mətbuat xidmətindən məlumat verilib.

Bildirilib ki, Oğuz rayonu ərazisində keçirilən reyd zamanı rayonun Qumlaq bələdiyyəsinin mülkiyyətinə məxsus torpaq sahəsində köküstə yaş 22-82 sm diametrliyində 8 ədəd qovaq ağacının kəsildiyi və təbiətə 5500 manat məbləğində ziyan dəydiyi məlum olub. Araşdırma zamanı ağacların Oğuz rayon sakinləri Elnur Abduyev, Elmar Abduləzizov və İmran Əhmədov tərəfindən kəsildiyi müəyyən edilib.

Quba rayonu ərazisində keçirilən reyd zamanı Quba-Xaçmaz avtomobil yolunun 5-ci kilometrliyində köküstə yaş 16-50 sm diametrliyində 36 ədəd müxtəlif cinsli ağacın kəsildiyi və təbiətə 17630 manat məbləğində ziyan dəydiyi müəyyən edilib. Araşdırma zamanı ağacların Quba rayon sakini İmran İlyasov tərəfindən kəsildiyi məlum olub.

Məlumatda qeyd edilir ki, Gədəbəy rayonu ərazisində keçirilən reyd zamanı köküstə yaş 4-20 sm diametrliyində 28 ədəd yemişan ağacının kəsildiyi və təbiətə 3690 manat məbləğində ziyan dəydiyi məlum olub. Araşdırma zamanı ağacların Gədəbəy rayon sakini Polad Məmmədov tərəfindən kəsildiyi müəyyən edilib.

Ağackəsən
© Karikatura
Ağackəsən

Füzuli rayonu ərazisində keçirilən reyd zamanı rayonun Alıxanlı kəndi ərazisində köküstə yaş 40-66 sm diametrliyində 8 ədəd qovaq ağacının kəsildiyi və təbiətə 8100 manat məbləğində ziyan dəydiyi müəyyən edilib. Araşdırma zamanı ağacların Füzuli rayon sakini Alxan Quliyev tərəfindən kəsildiyi məlum olub.

Faktlarla bağlı aktlar tərtib edilib və dəymiş ziyanların məbləği cinayət tərkibi yaratdığından toplanmış materiallar məsələyə hüquqi qiymət verilməsi və təqsirkarlar barəsində qanunamüvafiq tədbir görülməsi üçün Azərbaycan Respublikasının Baş Prokurorluğuna göndərilib.

219
Teqlər:
Ekologiya və Təbii Sərvətlər Nazirliyinin Ətraf Mühitin Mühafizəsi Departamenti, reyd, ağac, cərimə
Əlaqədar
Bakıda cərimə meydançasında güclü yanğın: 50-yə yaxın avtomobil yanıb
Protokol ləğv edilir, cərimə yazılması qaydası dəyişir, piyadaların cəriməsi artırılır
Nazirlik şirkəti cərimə etdi
Qadağan olunmuş saatlarda küçəyə çıxanlar cərimə olunacaq
Azərbaycanda bələdiyyə sədri cərimə edildi
İnsanlar buna görə 22 min manat cərimə oluna bilər