Türkiyə hərbi güvvələrinə məxsus tank

Türkiyədən daha bir tarixi qələbə

219
(Yenilənib 12:17 16.07.2018)
Şəhərə nəzarət yerli üsyançıların əlinə keçib

BAKI, 16 iyul — Sputnik. PKK/YPG terrorçu qruplaşmasının bütün üzvləri, tamamilə, Suriyanın Menbiç şəhərini tərk ediblər. Bu barədə Sputnik Azərbaycan "Reuters"ə istinadən xəbər verir.

Məlumata əsasən, terror təşkilatının üzvləri Ankara və Vaşinqton arasında əldə olunan razılaşma əsasında şəhərdən çıxıblar. Şəhərə nəzarət yerli üsyançıların əlinə keçib.

Hələlik, Türkiyə Xarici İşlər Nazirliyi məlumatı şərh etməyib.

Qeyd edək ki, 10 gün əvvəl Türkiyənin xarici işlər naziri Mövlud Çavuşoğlu Menbiçlə bağlı yol xəritəsinin reallaşdırıldığını və artıq şəhərə girmə vaxtının çatdığını bildirib.

"İŞİD, PKK/YPG-yə qarşı ən çox biz mübarizə apardıq. ABŞ-la uzun müddət aramızda böyük bir problem olan YPG məsələsi ilə bağlı bir yol xəritəsi hazırladıq və biz bu planı reallaşdırırıq. Hazırlıq mərhələsində bir sıra addımlar atılıb. İndi isə şəhərin içinə girmə vaxtıdır. Bu mərhələdə PKK/YPG bu bölgədən geri çəkiləcək və onların silahları əllərindən alınacaq" — deyə Çavuşoğlu bəyan edib.

O, eyni zamanda qeyd edib ki, yol xəritəsi ilə bağlı Kobanidə kürdlərin narahat olmasına ehtiyac yoxdur: "Çünki, YPG orada onlara zülm edir. Kobanidə baxacağıq, əgər yerli əhalinin böyük əksəriyyətini kürdlər təşkil edirsə, onda rəhbərlik də belə formalaşdırılacaq".

Xatırladaq ki, Menbiç PKK terror təşkilatının Suriya qolu olan PYD-YPG qruplaşmasının nəzarətində idi. Ərazidə ABŞ hərbi kontingenti də var. Türkiyə ilə ABŞ arasında əldə olunan razılığa əsasən, PYD-YPG qüvvələri bölgədən çıxarılacaq və ərazidə iki müttəfiq ölkənin hərbçiləri keşik çəkəcək. Daha sonra ABŞ və Türkiyə Menbiçdə yerli idarəetmə orqanlarını formalaşdıracaq.

219
Teqlər:
PKK/YPG/PYD
Əlaqədar
Türkiyə böyük əməliyyat keçirdi, 40 terrorçu zərərsizləşdirildi
Türkiyə Rusiyaya görə ABŞ-ı hədələdi
Türkiyə ordusu daxilində anti-terror əməliyyatı: 346 hərbçi tutuldu
Türkiyə Menbiçə girir, əməliyyat planı açıqlandı
Türkiyə ordusu yenə çalxalandı, yüksək rütbəli hərbçilər saxlanıldı
Türkiyə PKK liderlərindən birini məhv etdi
Türkiyə sınaqdan çıxdı, amma qarşıda daha böyük imtahan var