BakuBus avtobusu, Bakıda

Bir marşrut xətti “BakuBus”a verildi

298
(Yenilənib 12:04 16.07.2018)
20 və 94 nömrəli müntəzəm marşrut xətləri müsabiqə yolu ilə birləşdirilərək sərnişindaşıma işinin təşkili “BakuBus” MMC-yə həvalə edilib

BAKI, 16 iyul — Sputnik. Yaxın vaxtlarda fəaliyyətə başlayacaq 7A (Bakı Beynəlxalq Avtovağzal Kompleksi-“Əhmədli” metrostansiyası) və 7B (Yeni Yasamal Məhəmməd Xiyabani küçəsi-“Əhmədli” metrostansiyası) marşrut xətləri boyunca sərnişinlərin rahatlığı üçün zəruri infrastruktunun yaradılması işləri davam etdirilir.

Bakı Nəqliyyat Agentliyindən Sputnik Azərbaycan-a verilən məlumata görə, bu çərçivədə sərnişinlərin BakıKart əldə etməsi eyni zamanda balansı artırmaq üçün 8 dayanacaq məntəqəsində ödəmə terminalları qoyulub. Marşrut xətləri boyunca 15 yeni dayanacaq məntəqəsi də müəyyən edilib ki, hazırda onların müvafiq qaydada nişanlanması işləri aparılır.

Xatırladaq ki, 20 və 94 nömrəli müntəzəm marşrut xətləri müsabiqə yolu ilə birləşdirilərək sərnişindaşıma işinin təşkili “BakuBus” MMC-yə həvalə edilib. Qeyd edilən marşrut xətlərinin fəaliyyəti 7A və 7B olmaqla müasir və komfortlu avtobuslarla təşkil ediləcək.

298
Əlaqədar
Avtobus dərəyə aşdı, onlarla insan öldü
Türkiyədə ağır avtobus qəzası, onlarla yaralanan var
Bakıda avtobus yolunda “ölüm oyunu” davam edir - VİDEO
Hacıqabulda avtobus yük maşını ilə toqquşub, xeyli yaralı var
Bakıda avtobus sürücüsü piyadanı belə vurdu - VİDEO