DÇ-2018 oyunu

Mundialın gözlənilməz finalı Mütəxəssislər hansı proqnoz verir?

261
(Yenilənib 15:50 14.07.2018)
"Bilirdim ki, bu komanda heç də dünya çempionatının ən güclülərindən deyil"

Təranə Xudabaxşiyeva, Sputnik Azərbaycan

BAKI, 14 iyul — Sputnik. Sabah futbol üzrə Dünya Çempionatının final mərhələsidir. Artıq yarımfinalda və finalda qarşılaşacaq komandaların da adları məlum olub. Xorvatiya İngiltərəni, Fransa isə Belçikanı məğlub edərək finalda oynamaq şansı əldə edib.

Futbol mütəxəssisləri Dünya Çempionatının gedişatında baş verənləri Sputnik Azərbaycan-a şərh ediblər.

Komanda.az saytının baş redaktoru Rəşad Ergün bu dünya çempionatının bir çox proqnozu alt-üst etdiyini deyib: "Kim gözlərdi ki, Almaniya, İspaniya, Braziliya kimi komandalar mübarizəni erkən dayandıracaq? Və ya Lionel Messili Argentinanın qrup mərhələsini zorla adlayıb, 1/8 finaldan evə qayıdacağını neçə insan proqnozlaşdırırdı? Mən Argentinaya azarkeşlik edirdim. Bilirdim ki, bu komanda heç də dünya çempionatının ən güclülərindən deyil. Amma qrup mərhələsini güc-bəla ilə keçəcəyini, 1/8 final mərhələsində dayanacağını da düşünmürdüm".

R.Ergün çempion kimi gördüyü komandanın adını da açıqlayıb: "Finala vəsiqə qazanan Fransanın elə həmin Argentina ilə oyununa baxanda isə bu komandanın DÇ-2018-i qazanmağa ən real namizəd olduğunu anladım. Fransızlar AÇ-2016-da da çox güclü idilər, amma onda finalda Portuqaliyaya uduzmuşdular. Bu dəfə isə finaldakı rəqib Xorvatiyadır. Xorvatların əla komandası var, ancaq mən Fransanın çempion olacağını düşünürəm. Üçüncü yer isə yəqin ki, ingilislərin olacaq".

Futbol şərhçisi Elnur Məmmədli isə Fransanın öncədən mundialın əsas favoritlərindən sayıldığını xatırladıb: "Komanda çox güclü heyətə malikdir. Ehtiyat oyunçular skamyasında oturan futbolçular da istənilən oyunun taleyini dəyişə biləcək səviyyədədirlər. Xorvatiya qrup mərhələsində Argentina üzərində parlaq qələbədən sonra göstərdi ki, dünya çempionatının gizli favoritidir".

E.Məmmədli finalda Fransaya üstünlük verir: "Deşamın komandası taktiki cəhətdən çox ağıllı oynayır və komandada parlaq ulduzlar var. O ki qaldı 3-cü yer uğrunda mübarizəyə, bu görüşün gərgin keçəcəyini düşünmürəm. Komandalar yarımfinalda uduzduqdan sonra bu oyuna həvəssiz çıxırlar. Hətta ola bilər ki, Belçika və İngiltərə bəzi aparıcı futbolçularını bu oyunda meydana buraxmasın".

"Neftçi" Futbol Klubunun mətbuat xidmətinin rəhbəri Rüstəm Allahverdiyev İspaniyanın Dünya Çempionatının qalibi olmasını istədiyini bildirib: "Amma heyət baxımından baxanda bilmək olurdu ki, Fransa millisi çox güclüdür. Eyni zamanda, son illər komandanın göstərdiyi nəticələrə baxaraq proqnoz vermək olardı ki, Xorvatiya da finala kimi irəliləyə bilərlər. Xorvatiyanın və Fransanın finala çıxması məni təəccübləndirmədi. Bir sözlə, həm Fransa komandası, həm də Xorvatiya millisi finalda oynamağa layiqdir".

"O ki qaldı İngiltərə və Belçika komandalarına, İngiltərə məni heyrətləndirə bildi. Düşünürdüm ki, ingilislər ən çoxu 1/4 finala kimi gələ biləcəklər. Düşünürəm Belçika komandası İngiltərə yığmasına əzmkarlığı ilə qalib gələcək" – R.Allahverdiyev deyib.

261
Teqlər:
Xorvatiya, İngiltərə, Belçika, Fransa, proqnoz, mütəxəssis, final, futbol, dünya çempionatı
Mövzu:
Futbol üzrə dünya çempionatı (90)
Əlaqədar
DÇ-2018: Yarımfinalın uğursuzları üçüncü yer uğrunda
DÇ-2018: Final argentinalıya tapşırıldı
DÇ-2018: İkinci finalçının adı məlum oldu
DÇ-2018: İkinci finalçının adı məlum olacaq
DÇ-2018: İlk finalçı məlum oldu
BMT iclası

BMT Təhlükəsizlik Şurası Dağlıq Qarabağa görə toplandı

32
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

32
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

206
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

206
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib