Gəncə Şəhər Baş Polis İdarəsinin rəis müavini, polis polkovniki İlqar Balakişiyev (solda) və Nizami Rayon Polis İdarəsinin rəis müavini, polis polkovnik-leytenantı Səməd Abbasovun portretləri

Gəncədə polis qatillərindən biri məhv edilib - RƏSMİ

282
(Yenilənib 10:14 13.07.2018)
Əməliyyat-axtarış tədbirləri dövlət başçısının şəxsi nəzarəti altında intensiv surətdə davam etdirilir

BAKI, 13 iyul — Sputnik. Baş Prokurorluq, Daxili İşlər Nazirliyi və Dövlət Təhlükəsizliyi Xidməti (DTX) Gəncədə polis əməkdaşlarını qətlə yetirməkdə şübhəli bilinən Rəşad Böyükkişiyevin zərərsizləşdirilməsi ilə bağlı rəsmi məlumat yayıb. Sputnik Azərbaycan-a daxil olmuş məlumatda bildirilir ki, törədilmiş qanlı cinayətin bütün iştirakçılarının müəyyən edilib məsuliyyətə cəlb olunmaları məqsədilə zəruri istintaq hərəkətləri və əməliyyat-axtarış tədbirləri davam etdirilir:

"Cinayətin iştirakçılarının müəyyən edilərək tutulması istiqamətində dövlət başçısının şəxsi nəzarəti altında intensiv surətdə davam etdirilən əməliyyat-axtarış tədbirləri nəticəsində polis əməkdaşlarını qətlə yetirməkdə şübhəli bilinən Rəşad Böyükkişiyevin Şəmkir rayonunun Moranlı kəndindəki gizləndiyi yer müəyyən edilib və tutulması üçün iyulun 13-ü səhər saatlarında keçirilən əməliyyat zamanı silahlı müqavimət göstərdiyindən o, yerində məhv edilib.

Rəşad Böyükkişiyev
© Foto : AR DİN mətbuat xidməti
Rəşad Böyükkişiyev

Gəncədə asayişin pozulmasının qarşısı alınarkən polis əməkdaşlarına ilk hücum edənlərdən biri — Samir İbrahimovun da gizləndiyi yer müəyyən edilmiş və keçirilmiş əməliyyat tədbirləri ilə yaxalanıb.

Bütövlükdə qeyd olunan cinayətin fəal iştirakçılarından 11 nəfərin tutulması təmin olunub, biri isə məhv edilib.

Törədilmiş qanlı cinayətin bütün iştirakçılarının müəyyən edilib məsuliyyətə cəlb olunmaları məqsədilə zəruri istintaq hərəkətləri və əməliyyat-axtarış tədbirləri davam etdirilir".

Məlumatda o da qeyd olunur ki, görülən işlərin gedişi barədə əlavə məlumat veriləcək.

Xatırladaq ki, iyulun 10-da Gəncə şəhərində ictimai asayişi pozmağa cəhd göstərmiş radikal dini yönümlü bir qrup şəxsin xidməti vəzifələrini yerinə yetirən polis əməkdaşlarına küt və kəsici-deşici alətlərlə hücum etməsi nəticəsində iki polis zabiti şəhid olub.

282
Teqlər:
Dövlət Təhlükəsizliyi Xidməti, qatil, polis, Gəncə, Daxili İşlər Nazirliyi, Baş Prokurorluq
Əlaqədar
Gəncədə polislərin qətlə yetirilməsi ilə bağlı 9 nəfər həbs olunub
Gəncədə nə baş verir: Hadisə yerindən son xəbər gəldi, həlak olanlar var
Gəncədə icra başçısına atəş açmış Yunis Səfərov həbs edilib - RƏSMİ
Gəncədə yeni doğulan körpə öldü
Gəncədə yaşayış binası yanır, yaralılar var