Azərbaycan Respublikasının Xarici İşlər Nazirliyi

Azərbaycanın xarici siyasət idarəsi üç mühüm fakta aydınlıq gətirdi

492
(Yenilənib 11:49 11.07.2018)
"Sammit çərçivəsində İlham Əliyev və Aİ rəsmiləri arasında da görüş keçiriləcək. Görüş zamanı Aİ və Azərbaycan arasında tərəfdaşlıq prioritetlərinə dair sazişin paraflanması gözlənilir"

BAKI, 11 iyul — Sputnik. Xəbər verdiyimiz kimi, bu gün Xarici İşlər Nazirliyinin (XİN) mətbuat xidmətinin rəhbəri Hikmət Hacıyev mətbuat konfransı keçirib. Sputnik Azərbaycan bildirir ki, XİN rəsmisi mətbuat konfransında bir sıra məsələlər barəsində danışıb.

Hikmət Hacıyev ölkə başçısı İlham Əliyevin Belçikaya səfəri barədə də məlumat verib. Bildirib ki, prezident İlham Əliyevin NATO sammiti çərçivəsində Belçikanın paytaxtı Brüsseldə bir sıra görüşləri nəzərdə tutulub: "Sammit çərçivəsində İlham Əliyev və Aİ rəsmiləri arasında da görüş keçiriləcək. Görüş zamanı Aİ və Azərbaycan arasında tərəfdaşlıq prioritetlərinə dair sazişin paraflanması gözlənilir".

XİN rəsmisi onu da qeyd edib ki, bu gün axşam radələrində Brüsseldə Azərbaycan və Ermənistan xarici işlər nazirləri Elmar Məmmədyarov və Zöhrab Mnatasakanyan arasında görüş olacaq: "Görüşdə ATƏT-in Minsk qrupunun həmsədrləri və ATƏT-in şəxsi nümayəndəsi də iştirak edəcəklər".

H.Hacıyev, həmçinin Ermənistanın baş naziri Nikol Paşinyanın Qarabağda hərbi xidmət keçməsi ilə bağlı kütləvi informasiya vasitələrində aparılan kampaniyaya da münasibət bildirib. Qeyd edib ki, sözügedən kampaniya, artıq siyasi şouya çevrilib: "Bununla populist Paşinyan hökuməti özünün reytinqini və cəmiyyətdə nüfuzunu saxlamağa çalışır. Paşinyan hökumətinin hakimiyyətdə olmağının 100 günü yaxınlaşır. Bu 100 gün ərzində ölkənin üzləşdiyi ciddi sosial, siyasi, iqtisadi problemlərin həlli istiqamətində ciddi addımlar atılmaq əvəzinə bu qəbildən olan populist addımlarla öz reytinqini saxlamağa can atır".

"Bu, bir daha açıq şəkildə göstərir ki, Ermənistan vətəndaşlarının Azərbaycan ərazisində hərbi xidmətə göndərilməsi Ermənistanın təcavüzkar dövlət olmasının növbəti və açıq göstəricisidir. Bu kimi əməllər konstruktiv xarakter daşımır və regionda sülhün təmin olunmasına xidmət etmir" — Hacıyev vurğulayıb.

Xarici İşlər Nazirliyinin mətbuat xidmətinin rəhbəri Yaponiyada baş verənmiş sel fəlakəti barəsində də açıqlama verib. Qeyd edib ki, fəlakət zamanı həlak olanların arasında azərbaycanlı yoxdur: "Azərbaycanın Yaponiyadakı səfirliyi ilə əlaqə saxlamışıq. Səfirlikdən aldığımız məlumata görə, hadisə nəticəsində həlak olanlar içərisində azərbaycanlılar yoxdur. Bir daha Yaponiya hökumətinə həlak olanlarla bağlı başsağlığı veririk".

Qeyd edək ki, Yaponiyada leysan yağışların yaratdığı sürüşmə və daşqınlar nəticəsində ölənlərin sayı 179 nəfərə çatıb. Ölkədə leysan yağışlar ötən həftənin ortalarında "Prapirun" qasırğasının təsirindən yağmağa başlayıb.

492
Teqlər:
Xarici İşlər Nazirliyi, Hikmət Hacıyev, Xarici İşlər Nazirliyinin mətbuat katibi, mətbuat konfransı
Əlaqədar
Xarici İşlər Nazirliyi Gəncə hadisələrinə dair açıqlama yaydı: Bəzi xarici dairələr...
Bakıda Fransa Avropa və Xarici İşlər Nazirliyi fondunun arxiv sərgisi açılıb
XİN balaca Zəhrannın öldürülməsinin ildönümü ilə bağlı bəyanat verib
XİN: Azərbaycanda məcburi köçkünlərin sayı 1.2 milyon nəfəri keçib
XİN: Bu fəlakətdən zərər çəkənlər arasında azərbaycanlılar yoxdur
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

17
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

17
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

5
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

5