Rusiya yığmasının üzvləri, arxiv şəkli

Hamını heyrətə gətirdilər, bəs növbəti oyunda edə biləcəklər?

86
Dünya çempionatı, “müasir futbolda müdafiə olunmağı bacarmayan komanda uğur qazana bilməz” amilini növbəti dəfə ön plana çıxardı

Təranə Xudabaxşiyeva, Sputnik Azərbaycan

BAKI, 6 iyul — Sputnik. Dörd ildən bir keçirilən və futbol azarkeşlərinin böyük həyəcanla gözlədikləri Dünya çempionatının 1/8 final mərhələsi sona çatıb və artıq 1/4 final mərhələsinin oyunları başlayıb. 1/8 final mərhələsi bir-birindən maraqlı oyunlarla yadda qaldı. Bir neçə komanda azarkeşləri və futbol mütəxəssislərini, sözün yaxşı mənasında, təəccübləndirə bildi.

Belə komandalardan biri də Rusiya milli komandası oldu. Çempionat başlayanda mütəxəssislər rusların qrup mərhələsindən çıxacaqlarına inanmırdılar. Amma komandanın inadlı oyunu Rusiyanı 1/4 finala kimi gətirə bildi.

Sputnik Azərbaycan futbol üzrə mütəxəssislərdən növbəti 1/4 mərhələsində nələr gözlədiklərini soruşub.

İdman yazarı Natiq Muxtarlı deyib ki, Rusiyada keçirilən dünya çempionatı, “müasir futbolda müdafiə olunmağı bacarmayan komanda uğur qazana bilməz” amilini növbəti dəfə ön plana çıxardı.

Muxtarlı qeyd edib ki, Dünya çempionatının qrup mərhələsində baxımlı futbol sərgiləyən komandalar, artıq pley-offda yoxdur. Onlar məhz müdafiə olunmağı bacarmadıqları üçün qrupda qaldılar: “Qrupdan çıxan Argentina da mübarizəni 1/8 finalda dayandırdı. Argentina DÇ-yə bəlkə də dünyanın ən güclü hücum xətti ilə gəlmişdi. Komandanın hücum xəttində Messi, İquain, Aquera, Di Mariya kimi futbolçular var idi, amma heç ən güclü 8 komanda sırasına da düşə bilmədilər”.

N.Muxtarlı bunun səbəbini də açıqlayıb: “Ona görə ki, Argentina müdafiə olunmağı bacarmırdı. Rusiya isə İspaniyanı məhz ağıllı müdafiə olunması sayəsində məğlub etdi. İspanlar hesabı açdıqdan sonra topu özlərində saxlamaqla, oyuna nəzarət etməyi planlaşdırırdılar. Amma Rusiya hesabı bərabərləşdirdikdən sonra ispanlar özlərini itirdilər. Hücumda heç nə ilə yadda qalmadılar. Rusiya İspaniyanın bütün hücum planlarının qarşısını aldı”.

“Daha bir məqam odur ki, İspaniya ilə oyunda Rusiya yığmasının üzvləri fiziki cəhətdən hazırlıqlı olduqlarını göstərdilər. Məhz fiziki hazırlığın hesabına da oyunu penalti seriyasına qədər uzada bildilər. Burda psixoloji amil də ön plana çıxır ki, yenə də rusların daha hazırlıqlı olduğu göründü. Rusiyanın 8 ən güclü komanda sırasında olması rusların özləri üçün də gözlənilməzdi. Bundan sonrası isə hər şey vurğuladığım amillərdən asılı olacaq" – o deyib.

N.Muxtarlı onu da bildirib ki, pley-off oyunları qrup qarşılaşmalarından ciddi şəkildə fərqlənir: “Qrup mərhələsində hansısa oyunda səhvə yol verirsənsə, onu növbəti oyunda sığortalamaq şansın qalır. Ancaq pley-offda belə deyil. Burda az səhv edən qalib gələcək. Təbii, səhv etməmək üçün də fiziki və psixoloji cəhətdən oyuna hazır olmalısan. Hər kəs Xorvatiyanın da Danimarkaya asanlıqla qalib gələcəyini proqnozlaşdırırdı. Ancaq belə olmadı. Pley-off oyunlarında aşkar favorit olmur. Burda şanslar bərabərdir”.

Futbol. DÇ-2018. Braziliya - Belçika oyunu
© Sputnik / Владимир Астапкович

Ekspert növbəti mərhələdə hansısa komandanın baxımlı futbola üstünlük verəcəyini güman etmir: “Hər kəs ehtiyatlı davranmağa çalışacaq və rəqibin səhvini gözləyəcək. Ona görə də, proqnoz vermək də getdikcə çətinləşir. Aşkar favoritlərin evə yollandığı bir məqamda iddialı proqnoz vermək, özünü dilinin bəlasına salmaq deməkdi. Dilimizin bəlasına düşməkdənsə, futboldan sakitcə həzz almaq daha münasib variantdır”.

İdman jurnalisti Səbuhi Musayevin fikrincə isə Rusiyanın bu mərhələyə çatmasında bütün dünyanın ispanları favorit qismində görməsi dayanır: "Nəticədə bir tərəfdə 1/8 finala çıxmaqla azarkeşlərinin qəlbinə yol tapmış ruslar, digər tərəfdə üzərinə dünya çempionluğu hədəfi qoyulmuş ispanlar. Psixoloji üstünlük rusların tərəfində idi. Onsuz da onlar ispanları keçməsəydi belə, qınanmayacaqdılar".

"Düşünürəm ki, bu səbəbdən ruslar oyuna tam rahat çıxmışdılar. Verilən penalti, oyunun sonlarına doğru ispanların qələbə qolunu vurmaması və yuxarıda sadaladığım psixoloji amillər üst-üstə yığılınca, lotereya seriyasını da ruslar daha yaxşı yerinə yetirə bildi” – deyə jurnalist əlavə edib.

S.Musayevin qənaətincə, böyük ehtimalla növbəti rəqib Xorvatiya bundan dərs götürüb, rusların ikinci belə bir sensasiyaya imza atmasına imkan verməyəcək.

86
Teqlər:
1/8 final, qrup mərhələsi, dünya çempionatı, Rusiya, oyun, futbol
Mövzu:
Futbol üzrə dünya çempionatı (90)
Əlaqədar
DÇ-2018: Rusiya millisinin rəqibi məlum oldu
DÇ-2018: İspaniya Rusiya səddini aşa bilmədi
DÇ-2018: Son oyunlar keçirildi, qrup mərhələsi başa çatdı
DÇ-2018: Dünya çempionatında inanılmaz vəziyyət yaşandı
DÇ-2018: Bütün 1/8 final iştirakçıları məlumdur
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

3
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

3
Игровой момент матча ЕВРО-2020 между сборными Венгрии и Франции

Fransa yığması AVRO-2020-nin oyununda Macarıstan komandası ilə heç-heçə edib

3
(Yenilənib 19:18 19.06.2021)
Budapeşt şəhərində keçirilmiş qarşılaşma hələlik Avropa çempionatında ən çox azarkeşin izlədiyi görüş olub.

Futbol üzrə Fransa yığması Avropa çempionatının qrup görüşündə Macarıstan millisi ilə heç-heçə oynayıb.

F qrupunda ikinci tur qarşılaşması Budapeştdə keçirilib və 1:1 hesabı ilə başa çatıb. Meydan sahiblərində qolu birinci hissəyə əlavə olunmuş vaxtda Attila Fiola vurub. Fransızların cavab topunu 66-cı dəqiqədə Antuan Qrizmann vurub. Oyunu 55 998 azarkeş izləyib, bu AVRO-2020-nin hələlik ən çox azarkeş tərəfindən izlənilən oyunudur.

Oyunun birinci hissəsində Macarıstan yığmasının oyunçusu Adam Soloi isti vurmasından əvəz olunub.

Birinci turda Fransa yığması Almaniyaya qalib gəlib - 1:0, Macarıstan isə Portuqaliya komandasına məğlub olub - 0:3. Almaniya və Portuqaliya yığmalarının oyunu bu gün Münhendə keçiriləcək.

Üçüncü turda Fransa Budapeştdə Portuqaliya ilə, Macarıstan isə Münhendə Almaniya ilə qarşılaşacaq. Oyunlar iyunun 23-də baş tutacaq.

3